പാലോട്: മാസങ്ങളുടെ കാത്തിരിപ്പിനൊടുവില് അധികൃതര് കനിയാഞ്ഞ് നാട്ടുകാര് തന്നെ റോഡ് ഗതാഗതയോഗ്യമാക്കി. ചെളിക്കെട്ട് നിറഞ്ഞ് കാല്നടയാത്രപോലും അസാധ്യമായ ഭാഗം കരിങ്കല്ലും മെറ്റലും ഉപയോഗിച്ച് നാട്ടുകാര് നികത്തി. കഴിഞ്ഞ മൂന്നുമാസമായി ഇതുവഴി ഗതാഗതം നിലച്ച അവസ്ഥയിലായിരുന്നു.
കുറുന്താളിയിലെത്തേണ്ട നൂറുകണക്കിന് കുടുംബങ്ങള്ക്ക് കഴിഞ്ഞ ഏതാനും മാസങ്ങളായി കാല്നടയാത്രയായിരുന്നു ഏക ആശ്രയം. റോഡില് പാലോട് ബസ്സ്റ്റേഷന് സമീപത്തെ പാലം മുതല് 200 മീറ്റര് നീളത്തില് ചെളിക്കുണ്ട് മാത്രമായിരുന്നു. ചെളിക്കെട്ട് അവഗണിച്ച് ഇതുവഴിവന്ന വാഹനങ്ങളില് പലതും താഴ്ന്നുപോയിരുന്നു. രോഗികളെ അത്യാവശ്യസന്ദര്ഭങ്ങളില് ആസ്പത്രിയില് കൊണ്ടുപോകാന് പോലും കഴിയാത്ത സാഹചര്യത്തിലാണ് നാട്ടുകാര്തന്നെ പ്രതിഷേധം എന്ന നിലയില് റോഡ് നവീകരണം നടത്താന് രംഗത്ത് എത്തിയത്.
രാവിലെ പത്തുമണിയോടെ ഇരുപത്തിയഞ്ചിലധികം പ്രദേശവാസികള് ചേര്ന്നാണ് റോഡ് നവീകരണം തുടങ്ങിയത്. മൂന്ന് ലോഡ് കല്ലുകള് ഇവര് റോഡില് ഇറക്കി. തുടര്ന്നാണ് നിര്മാണ പ്രവര്ത്തനങ്ങള് നടത്തിയത്. അത്യാവശ്യം കാല്നട മാത്രമാണ് റോഡിന്റെ അറ്റകുറ്റപ്പണിയോടെ സാധ്യമായത്.
നന്ദിയോട്: ഗ്രാമീണ തൊഴിലുറപ്പിനൊപ്പം ആടുവളര്ത്തലില് നിന്നുള്ള അധികവരുമാനം കൂടിയാകുന്നതോടെ നന്ദിയോട്ട് സ്ത്രീകള് പുതിയ വിജയഗാഥയെഴുതുന്ന...
പാലോട്: ബൈക്കും ജീപ്പും കൂട്ടിയിടിച്ച് മടത്തറ ശാസ്താംനട കുന്നുബംഗ്ലാവില് വീട്ടില് അനില് (50) മരിച്ചു. അനില് ഓടിച്ചിരുന്ന ബൈക്കിന്റെ പ...
പാലോട്. രാജ്യം കാക്കുന്നതിനിടെ കാര്ഗിലില് അപകടത്തില്പ്പെട്ട് അകാലത്തില് പൊലിഞ്ഞ ധീരജവാന് അരുണി(29)ന്റെ സംസ്കാര ചടങ്ങുകള് ചോഴി...
പെരിങ്ങമ്മല നടന്ന വാഹനാപകടത്തിന്റെ ദൃശ്യം ചിത്രത്തിനു കടപ്പാട്: ഷാന് കൊച്ചുവിള
