ആളപായമുണ്ടാകുന്ന തരത്തിലുള്ള സ്ഫോടകവസ്തുവാണു നിര്മിച്ചതെന്നു തെളിവെടുപ്പില് കണ്ടെത്തിയിരുന്നു. വന്യമൃഗങ്ങളെ വേട്ടയാടുന്നതുമായി ബന്ധപ്പെട്ടു ബാബുരാജിനെതിരെ നേരത്തെ തന്നെ കേസുണ്ടെന്നു പൊലീസ് പറഞ്ഞു. സിഎംപി കൊല്ലം ജില്ലാ കമ്മിറ്റി അംഗമായിരുന്ന പ്രവീണ്ദാസിനെ കൊലപ്പെടുത്തിയ കേസിലെ അഞ്ചാം പ്രതിയാണു ബാബുരാജ്. ചല്ലിമുക്കില് അടുത്തകാലത്തായി അനവധി സിപിഎം പ്രവര്ത്തകര് പാര്ട്ടി വിട്ടു ബിജെപിയില് ചേര്ന്നതുമായി ബന്ധപ്പെട്ട് ഇരു വിഭാഗങ്ങള് തമ്മില് സംഘര്ഷം നിലനിന്ന സാഹചര്യത്തില് നടന്ന സ്ഫോടനം സംശയങ്ങള് ജനിപ്പിച്ചിരുന്നു.