അപേക്ഷ ക്ഷണിക്കുമ്പോള് തന്നെ ട്രൈബല് ഡിപ്പാര്ട്ടുമെന്റില് നിന്നോ വനം വകുപ്പില് നിന്നോ സര്ട്ടിഫിക്കറ്റു ഹാജരാക്കണമെന്നു പറഞ്ഞതിനെ തുടര്ന്നു ഷീജയും സഹോദരനും ട്രൈബല് ഡിപ്പാര്ട്ടുമെന്റ് സര്ട്ടിഫിക്കറ്റാണു ഹാജരാക്കിയത്. എന്നാല് ഇതു പോരെന്ന് ഇന്റര്വ്യൂവിനു വന്ന പിഎസ്സി ഉദ്യോഗസ്ഥ പറഞ്ഞുവത്രെ.
തുടര്ന്ന് ഇവര് വനം വകുപ്പിന്റെ സര്ട്ടിഫിക്കറ്റു ഹാജരാക്കിയെങ്കിലും പിറ്റേ ദിവസം പട്ടത്തുള്ള പിഎസ് സി ഓഫിസില് എത്താന് പറഞ്ഞു. ഇതനുസരിച്ചു ഇവര് പിഎസ് സി ഓഫിസില് എത്തിയെങ്കിലും അവിടെ ആര്ക്കും ഇങ്ങനെ ഇന്റര്വ്യൂ ഉള്ളതായി വിവരമില്ലായിരുന്നു. ഏറെ കാത്തു നിന്നെങ്കിലും ഒരു ഫലവുമില്ലാതെ ഈ പാവങ്ങള് മടങ്ങുകയായിരുന്നു. മന്ത്രിക്കു പരാതി നല്കാനുള്ള നീക്കത്തിലാണ് ഇവര്.