രാത്രി എട്ടിനു പിന്നണിഗായിക രഞ്ജിനി ജോസിന്റെ ഗാനമേളയും രാത്രി 12നു മല്‍സര പൂത്തിരിമേളയും അരങ്ങേറും. ഘോഷയാത്രയില്‍ പുലിക്കളി അടക്കം വൈവിധ്യമാര്‍ന്ന താളമേളങ്ങള്‍ അണിനിരക്കും. ഘോഷയാത്രയെ വരവേല്‍ക്കാന്‍ ക്ഷേത്രത്തിനു ചുറ്റുമുള്ള അഞ്ചു കിലോമീറ്റര്‍ പ്രദേശം ദീപപ്രഭയില്‍ മുങ്ങിനില്‍ക്കുകയാണ്. പച്ച, ആലുംമൂട്, നന്ദിയോട്, പ്ളാവറ, പേരക്കുഴി, ആശുപത്രി ജംക്ഷന്‍, പാലോട് ജംക്ഷന്‍, പയറ്റടി എന്നിവിടങ്ങളില്‍ ജനകീയ ദീപാലങ്കാര കമ്മിറ്റികള്‍ ദീപക്കാഴ്ചയും കലാപരിപാടികളും അന്നദാനവും ദാഹജല വിതരണവും ഒരുക്കിയിട്ടുണ്ട്. ഇത്ര വ്യാപ്തിയില്‍ നടക്കുന്ന ദീപക്കാഴ്ചയെ ജില്ലയിലെ വലിയ ദീപക്കാഴ്ചയെന്നാണു വിശേഷിപ്പിക്കുന്നത്.