WELCOME
Showing posts with label വിദ്യാഭ്യാസം. Show all posts
Showing posts with label വിദ്യാഭ്യാസം. Show all posts
Thursday, July 5, 2012
വിദ്യാഭ്യാസ വായ്പ നിഷേധിക്കുന്ന ബാങ്കുകള്‍ക്കെതിരെ സമരം നടത്തും: പ്രവാസി റിട്ടേണീസ് കോണ്‍ഗ്രസ്
വിതുര. പാവപ്പെട്ട വിദ്യാര്‍ഥികള്‍ക്കു വിദ്യാഭ്യാസവായ്പ നിഷേധിക്കുന്ന ബാങ്കുകളുടെ നടപടികള്‍ ഉപേക്ഷിക്കണമെന്നു പ്രവാസി റിട്ടേണീസ് കോണ്‍ഗ്രസ് തിരുവനന്തപുരം ജില്ലാകമ്മിറ്റി യോഗം ആവശ്യപ്പെട്ടു. വിദ്യാഭ്യാസ വായ്പയ്ക്ക് അപേക്ഷ നല്‍കിയാല്‍ ചില മുടന്തന്‍ ന്യായങ്ങള്‍ നിരത്തി വായ്പ നിഷേധിക്കുന്ന നിലപാടാണു മിക്ക ബാങ്കുകളും സ്വീകരിച്ചു വരുന്നതെന്നും വായ്പയ്ക്കായി ബാങ്കുകളില്‍ കയറിയിറങ്ങി നട്ടം തിരിയുകയാണെന്നും വായ്പ ലഭിക്കാത്തതുമൂലം അനവധി വിദ്യാര്‍ഥികളുടെ ഉന്നതവിദ്യാഭ്യാസം എന്ന സ്വപ്നം തകര്‍ന്നുവെന്നും ഇതിനെതിരെ ബാങ്ക് പടിക്കല്‍ ശക്തമായ സമര പരിപാടികള്‍ സംഘടിപ്പിക്കുമെന്നും പ്രവാസി റിട്ടേണീസ് കോണ്‍ഗ്രസ് ജില്ലാ ഭാരവാഹികളായ പള്ളിവിള സലിം, ഇ.എം. നസീര്‍, എസ്. ജയേന്ദ്രകുമാര്‍, ആനപ്പാറ റഷീദ്, എ.എം. കാസിം എന്നിവര്‍ അറിയിച്ചു.
Sunday, July 1, 2012
Saturday, June 23, 2012
യൂത്ത് കോണ്‍ഗ്രസ് പഠനോപകരണ വിതരണം നടത്തി
നന്ദിയോട്. യൂത്ത് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ പഠനോപകരണ വിതരണവും രാഷ്ട്രീയ വിശദീകരണ യോഗവും നടന്നു. കെഎസ്യു സംസ്ഥാന പ്രസിഡന്റ് വി.എസ്. ജോയ് ഉദ്ഘാടനം ചെയ്തു. മണ്ഡലം പ്രസിഡന്റ് വി. രാജ്കുമാറിന്റെ അധ്യക്ഷതയില്‍ ജവാഹര്‍ ബാലവേദിയുടെ ഉദ്ഘാടനം ജില്ലാ ചെയര്‍മാന്‍ വെള്ളൈക്കടവ് വേണുകുമാര്‍ നിര്‍വഹിച്ചു. കെപിസിസി അംഗം ബി.എല്‍. കൃഷ്ണപ്രസാദ്, ഡിസിസി അംഗങ്ങളായ പച്ചരവി, പി.എസ്. ബാജിലാല്‍, യൂത്ത് കോണ്‍ഗ്രസ് നിയോജക മണ്ഡലം വൈസ് പ്രസിഡന്റ് അരുണ്‍രാജന്‍, ആനന്ദ് കണ്ണശ, ബി. സുശീലന്‍, എന്‍. മോഹനന്‍, സന്തോഷ്, എസ്. സുജിത്, യു.വി. അഭിജിത് എന്നിവര്‍ പ്രസംഗിച്ചു.
Sunday, June 17, 2012
അധ്യാപക ഒഴിവ്
പാലോട്: പെരിങ്ങമ്മല ഗവ. യു. പി. സ്കൂളില് അറബിക്കിന് ഒരു ജൂനിയര്‍ ലാംഗ്വേജ് ടീച്ചറുടെ താല്ക്കാലിക ഒഴിവുണ്ട്. താല്പര്യമുള്ള ഉദ്യോഗാര്‍ഥികള്‍ 19ന് ഉച്ചയ്ക്ക് 12ന് നടക്കുന്ന അഭിമുഖത്തില്‍ പങ്കെടുക്കണമെന്ന് ഹെഡ്മാസ്റ്റര്‍ അറിയിച്ചു.
പാലോട് വിദ്യാഭ്യാസ ഉപജില്ലയില്‍ ഒന്നാം ക്ളാസില്‍ കുട്ടികള്‍ കുറഞ്ഞു
പാലോട്. വിദ്യാഭ്യാസ ഉപജില്ലയുടെ കീഴില്‍ കഴിഞ്ഞ വര്‍ഷത്തെ അപേക്ഷിച്ച് ഈ അധ്യയന വര്‍ഷം ഒന്നാം ക്ളാസ് നവാഗതരുടെ എണ്ണത്തില്‍ കുറവ്. കഴിഞ്ഞ വര്‍ഷം 1499 കുട്ടികള്‍ ഒന്നാം ക്ളാസില്‍ പ്രവേശിച്ചപ്പോള്‍ ഇത്തവണ അത് 1436 ആയി കുറഞ്ഞു. കഴിഞ്ഞ വര്‍ഷത്തേക്കാള്‍ 63 കുട്ടികളുടെ കുറവ്. ഇത്തവണ സര്‍ക്കാര്‍ സ്കൂളുകളില്‍ 994 കുട്ടികളും, എയ്ഡഡ് മേഖലയില്‍ 416 കുട്ടികളും, അണ്‍ എയ്ഡഡ് മേഖലയില്‍ 26 കുട്ടികളും പ്രവേശനം നേടി.
കഴിഞ്ഞ വര്‍ഷം സര്‍ക്കാര്‍ സ്കൂളുകളില്‍ 999 പേരും, എയ്ഡഡ് മേഖലയില്‍ 463 പേരും, അണ്‍ എയ്ഡഡ് മേഖലയില്‍ 37 പേരും ഉണ്ടായിരുന്നു. 143 കുട്ടികള്‍ എത്തിയ വിതുര ഗവ. യുപിഎസ് ആണ് നവാഗതരുടെ എണ്ണത്തില്‍ ഒന്നാം സ്ഥാനത്ത്. 103പേര്‍ എത്തിയ പെരിങ്ങമ്മല ഗവ. യുപിഎസ് രണ്ടാം സ്ഥാനത്തുമാണ്. പൊന്‍മുടി, ബോണക്കാട് ഗവ. യുപിഎസുകളാണ് ഏറ്റവും പിന്നില്‍.
ഈ രണ്ടു സ്കൂളുകളിലും രണ്ടു കുട്ടികള്‍ വീതമാണ് ഒന്നാം ക്ളാസില്‍ പ്രവേശനം നേടിയത്. മേത്തൊട്ടി ട്രൈബല്‍ സ്കൂള്, തേമല എല്‍പിഎസ് എന്നിവിടങ്ങളില്‍ മൂന്നും, ചെട്ടിയാന്‍പാറ എല്‍പിഎസില്‍ അഞ്ചും, ആനാകുടി യുപിഎസില്‍ ആറും കുട്ടികളാണ് ഇത്തവണ ഒന്നാം ക്ളാസിലെത്തിയത്.
Thursday, June 14, 2012
ജീപ്പ് സര്‍വീസ് തുടങ്ങി
വിതുര: പൊടിയക്കാല ആദിവാസി സെറ്റില്‍മെന്റിലെ കുട്ടികള്‍ക്കായി പട്ടികവര്‍ഗ വകുപ്പിന്റെ ജീപ്പ് സര്‍വീസ് തുടങ്ങി. മീനാങ്കല്‍ ഗവണ്മെന്റ് ട്രൈബല്‍ ഹൈസ്‌കൂളിലേക്ക് രണ്ട് ജീപ്പുകളാണ് സര്‍വീസ് നടത്തുക. കാട്ടാനകളില്‍നിന്നുള്ള ഭീഷണി ഒഴിവാക്കാന്‍ കഴിഞ്ഞ അധ്യയനവര്‍ഷമാണ് ആദ്യമായി ജീപ്പ് സര്‍വീസ് തുടങ്ങിയത്. മധ്യവേനലവധിക്ക് നിര്‍ത്തിയ സര്‍വീസ് സ്കൂള് തുറന്നിട്ടും തുടങ്ങാത്തതിനെപ്പറ്റി 'മാതൃഭൂമി' വാര്‍ത്ത പ്രസിദ്ധീകരിച്ചിരുന്നു. ജീപ്പ് സര്‍വീസ് തുടങ്ങണമെന്ന് ആവശ്യപ്പെട്ട് ആദിവാസി മഹാസഭ പ്രവര്‍ത്തകര്‍ കഴിഞ്ഞ ദിവസം നെടുമങ്ങാട് ഐ.ടി.ഡി.പി. ഓഫീസില്‍ ധര്‍ണ നടത്തുകയുംചെയ്തു.
Monday, June 11, 2012
ഞാറനീലി പട്ടികവര്‍ഗ സി.ബി.എസ്.ഇ സ്കൂളില് അധ്യാപകരില്ല
പാലോട്: സംസ്ഥാനത്തെ ആദ്യത്തെ പട്ടികവര്‍ഗ സി.ബി.എസ്.ഇ ഇംഗ്ലീഷ് മീഡിയം സ്കൂളില് ആറുവര്‍ഷം കഴിഞ്ഞിട്ടും സ്ഥിരം അധ്യാപകരില്ല. ഇത്തവണ പത്താംക്ലാസിലെത്തിയ കുട്ടികള്‍ പ്രിന്‍സിപ്പലും അധ്യാപകരും ഇല്ലാത്തതിനാല്‍ അവധിക്കാലക്ലാസ് കിട്ടാതെ വീട്ടിലിരുന്നു. സംസ്ഥാനത്തെ വിവിധ ആദിവാസി ഊരുകളിലുള്ള 40 കുട്ടികളാണ് ഓരോ വര്‍ഷവും പെരിങ്ങമ്മല പഞ്ചായത്തിലെ ഞാറനീലിയില്‍ പ്രവര്‍ത്തിക്കുന്ന ഈ വിദ്യാലയത്തില്‍ എത്തുന്നത്.
പല ഘട്ടങ്ങളിലായി 280 കോടി രൂപ ചെലവിട്ട് ആധുനികസൗകര്യങ്ങളോടെയാണ് കെട്ടിടം പണിതീര്‍ത്തിരിക്കുന്നത്. നാനൂറിലധികം കുട്ടികളും ഇവിടെയുണ്ട്. ഇല്ലാത്തത് അധ്യാപകര്‍ മാത്രം. ഓരോ വര്‍ഷവും സ്കൂള് തുറന്നതിനുശേഷം നെടുമങ്ങാട് എസ്.ടി. പ്രോജക്ട് ഓഫീസറുടെ നേതൃത്വത്തില്‍ അധ്യാപകരുടെ തട്ടിക്കൂട്ട് പട്ടികയുണ്ടാക്കി കുറേ താത്കാലിക അധ്യാപകരെ നിയമിക്കും. പലപ്പോഴും നിശ്ചിത യോഗ്യത ഇല്ലാത്തവരാകും വരിക. വല്ലവിധവും അധ്യയനവര്‍ഷം തികച്ച് ശമ്പളവും വാങ്ങി ഇവര്‍ മടങ്ങും. അടുത്തവര്‍ഷം വേറെ കുറെ അധ്യാപകരെത്തും.
കുട്ടികളെ പഠിപ്പിക്കാന്‍ ആവശ്യമായ പരിശീലനം കിട്ടിക്കഴിയുമ്പോള്‍ അവരുടെ കാലാവധിയും കഴിഞ്ഞിരിക്കും. ഈ അധ്യയനവര്‍ഷം സ്കൂള് തുറന്ന് ഇത്രയും ദിവസമായിട്ടും അധ്യാപകരെ നിയമിക്കാന്‍ സാധിച്ചിട്ടില്ല. ഇത്തവണ പത്താംക്ലാസുകാര്‍ മറ്റു വിദ്യാലയങ്ങളോടൊപ്പമാണ് പൊതുപരീക്ഷയെഴുതുന്നത്. അതിനാല്‍ ഇവരുടെ വിജയശതമാനം കുട്ടികള്‍ക്കും പട്ടികവര്‍ഗവകുപ്പിനും വിലയിരുത്തലാകും. അപ്പോഴും പഴി കേള്‍ക്കാന്‍ പോലും ഇവിടെ അധ്യാപകരുണ്ടാവില്ല.
പട്ടികവര്‍ഗ വകുപ്പ് ഡയറക്ടറേറ്റിലെ ശീതസമരമാണ് വിദ്യാലയത്തില്‍ സ്ഥിരനിയമനം വൈകുന്നതിന് കാരണമെന്നറിയുന്നു. ഞാറനീലി സ്‌കൂളിന്റെ പ്രവര്‍ത്തനം താറുമാറാക്കി വിജയശതമാനം കുറയ്ക്കുന്നതിനായി ഒരു ലോബി ഈ ഓഫീസില്‍ പ്രവര്‍ത്തിക്കുന്നതായി ആരോപണമുണ്ട്. സ്ഥിരം അധ്യാപകരെ നിയമിച്ച് കേരളത്തിലെ പാവപ്പെട്ട പട്ടികവര്‍ഗ വിദ്യാര്‍ഥികളുടെ പഠനനിലവാരം ഉയര്‍ത്തണമെന്നും ഞാറനീലി സ്‌കൂളിന്റെ ദൈനംദിന പ്രവര്‍ത്തനങ്ങളില്‍ തുടരുന്ന അവ്യക്തത നീക്കണമെന്നും ആവശ്യപ്പെട്ട് ആദിവാസി ക്ഷേമസമിതി സംസ്ഥാന കമ്മിറ്റി സെക്രട്ടറി ബി. വിദ്യാധരന്‍ കാണി മുഖ്യമന്ത്രി, പട്ടികവര്‍ഗവകുപ്പ് മന്ത്രി, വിദ്യാഭ്യാസവകുപ്പുമന്ത്രി എന്നിവര്‍ക്ക് പരാതി നല്‍കി.
പത്താംക്ലാസ് വിദ്യാര്‍ഥികള്‍ക്ക് രണ്ടുമാസം ക്ലാസ് നഷ്ടമായ വിഷയത്തില്‍ അധികൃതര്‍ രക്ഷാകര്‍ത്താക്കള്‍ക്ക് വ്യക്തമായ മറുപടി നല്‍കണമെന്നും സ്കൂളില് അടിയന്തരമായി പി.ടി.എ കമ്മിറ്റി വിളിച്ചുകൂട്ടണമെന്നും രക്ഷാകര്‍ത്താക്കള്‍ ആവശ്യപ്പെട്ടു.
Tuesday, June 5, 2012
ഓലപ്പീപ്പിയുമായി അധ്യാപകര്‍; പ്രവേശനോത്സവം വൈവിധ്യമായി
ബ്ലോക്ക് പഞ്ചായത്തംഗം ജുമൈലാ സത്താര്‍ പ്രവേശനോത്സവം ഉദ്ഘാടനം ചെയ്തു. ഘോഷയാത്ര, ചെണ്ടമേളം എന്നിവയുടെ അകമ്പടിയോടെയാണ് നവാഗതരെ സ്വീകരിച്ചത്. സമ്മേളനത്തില്‍ ബി. പവിത്രകുമാര്‍, ഡി. പുഷ്‌കരാനന്ദന്‍നായര്‍ എന്നിവര്‍ പ്രസംഗിച്ചു.
ഞാറനീലി കാണി യു.പി.എസ്സില്‍ നടന്ന പ്രവേശനോത്സവം പെരിങ്ങമ്മല ഗ്രാമപ്പഞ്ചായത്ത് പ്രസിഡന്റ് പി.വത്സല ഉദ്ഘാടനം ചെയ്തു. കൊച്ചുവിള അന്‍സാരി, മോഹനകുമാര്‍ എന്നിവര്‍ പ്രസംഗിച്ചു.
കൊല്ലായില്‍ ഗവ. എല്‍.പി.എസ്സില്‍ പഞ്ചായത്തുതല പ്രവേശനോത്സവം പ്രസിഡന്റ് പി. വത്സല ഉദ്ഘാടനം ചെയ്തു. സുല്‍ഫാബീഗം, കൊച്ചുവിള അന്‍സാരി, മോഹനചന്ദ്രന്‍ എന്നിവര്‍ പ്രസംഗിച്ചു.
കൊല്ലായില്‍ എസ്.എന്‍.യു.പി.എസ്സില്‍ നടന്ന പ്രവേശനോത്സവം ഘോഷയാത്രയോടെ ആരംഭിച്ചു. ഗ്രാമപ്പഞ്ചായത്ത് വൈസ് പ്രസിഡന്റ് സുല്‍ഫാബീഗം, പി. ജലജ, കവിരാജന്‍, ജ്യോതിലക്ഷ്മി എന്നിവര്‍ പ്രസംഗിച്ചു.
പാലുവള്ളി ഗവ. യു.പി.എസ്സിലെ പ്രവേശനോത്സവം ബ്ലോക്ക് പഞ്ചായത്തംഗം മഞ്ജു മധുസൂദനന്‍ ഉദ്ഘാടനം ചെയ്തു. ജി.ആര്‍. ചന്ദ്രന്‍, ഗീത എന്നിവര്‍ സംസാരിച്ചു.
പച്ച ഗവ. എല്‍.പി.എസ്സില്‍ അക്ഷരവന്ദനം, വരകള്‍, വര്‍ണങ്ങള്‍ എന്നീ പരിപാടികളോടെ പ്രവേശനോത്സവം നടന്നു. ഗ്രാമപ്പഞ്ചായത്ത് പ്രസിഡന്റ് ശൈലജാ രാജീവന്‍ ഉദ്ഘാടനം ചെയ്തു. പി.എസ്. ബാജിലാല്‍, എസ്.എസ്. മോഹനന്‍ എന്നിവര്‍ പ്രസംഗിച്ചു.
നന്ദിയോട് എസ്.കെ.വി.എച്ച്.എസ്സില്‍ ബ്ലോക്ക് മെമ്പര്‍ ബി. പവിത്രകുമാര്‍ പ്രവേശനോത്സവം ഉദ്ഘാടനം ചെയ്തു. ശ്രീലത, വേണുഗോപാല്‍, ഹരിലാല്‍ എന്നിവര്‍ പ്രസംഗിച്ചു.
വിതുര: മലയോര മേഖലയിലെ വിദ്യാലയങ്ങളുടെ തിരുമുറ്റം തിങ്കളാഴ്ച കരച്ചിലും കലപിലയും കൊണ്ട് നിറഞ്ഞു. തൊളിക്കോട് ഗവ. യു.പി. സ്‌കൂളിലെ പ്രവേശനോത്സവം വാര്‍ഡംഗം അന്‍സര്‍ ഉദ്ഘാടനം ചെയ്തു. പ്രഥമാധ്യാപിക ശ്രീകല, പി.ടി.എ പ്രസിഡന്റ് നിസാറുദ്ദീന്‍ തുടങ്ങിയവര്‍ നേതൃത്വം നല്‍കി. ആനപ്പാറ ഗവ. ഹൈസ്‌കൂളിലെ പ്രവേശനോത്സവം ബ്ലോക്ക് പഞ്ചായത്തംഗം ശകുന്തള ഉദ്ഘാടനം ചെയ്തു. വാര്‍ഡംഗം എ. അല്‍ഫോണ്‍സ്, പ്രഥമാധ്യാപിക സെലീന എന്നിവര്‍ സംസാരിച്ചു.
ക്ലാസ് നാല്... കുട്ടികള്‍ നൂറ്... അധ്യാപകന്‍ ഒന്ന്
പെരിങ്ങമ്മല ഗ്രാമപ്പഞ്ചായത്തിന്റെ കീഴിലുള്ള ഏകവിദ്യാലയമാണിത്. ഏതാനും വര്‍ഷങ്ങളായി കുട്ടികളുടെ എണ്ണത്തില്‍ ഗണ്യമായ കുറവാണ് തുടര്‍ന്നുവന്നത്. എന്നാല്‍ കഴിഞ്ഞ രണ്ടുവര്‍ഷമായി അഡ്മിഷന്‍ കൂടിവരുന്നതിനിടയിലാണ് അധ്യാപകരുടെ കൊഴിഞ്ഞുപോക്ക്.
ഗ്രാമപ്പഞ്ചായത്ത് സഹായങ്ങള്‍ വാരിക്കോരി നല്‍കുന്നുണ്ടെന്ന് അവകാശപ്പെടുമ്പോഴും അധ്യയനത്തില്‍ മികവ് പുലര്‍ത്താത്തതാണ് കുട്ടികള്‍ കുറയാന്‍ കാരണമെന്ന് ആക്ഷേപമുണ്ട്. പ്രവേശനോത്സവം, കുട്ടികള്‍ സ്‌കൂളില്‍ത്തന്നെ വിളയിച്ച വാഴക്കുല പഴുപ്പിച്ച് അതില്‍നിന്ന് മധുരം നല്‍കിയാണ് ആഘോഷിച്ചത്. വാര്‍ഡ് അംഗം എ. സന്തോഷ്‌കുമാര്‍ ആഘോഷപരിപാടികള്‍ ഉദ്ഘാടനം ചെയ്തു.
Monday, June 4, 2012
സ്കൂളുകള്‍ അണിഞ്ഞൊരുങ്ങി: പ്രവേശനോല്‍സവം ഇന്ന്
പാലോട്. സര്‍ക്കാര്‍ സ്കൂളുകളില്‍ കുട്ടികളില്ലെന്ന പരിഭവങ്ങള്‍ക്കിടയില്‍ പെരിങ്ങമ്മല ഗവ. യുപിഎസില്‍ ഇന്നലെ വരെ ഒന്നാം ക്ളാസില്‍ 101 കുട്ടികള്‍ അഡ്മിഷന്‍ നേടിയതു ശ്രദ്ധേയമായി. 109 വര്‍ഷം പഴക്കമുള്ള സ്കൂളില് ഒരുപക്ഷേ വരുംദിവസങ്ങളില്‍ 109 തികയ്ക്കാനാകുമെന്ന പ്രതീക്ഷയിലാണ് അധ്യാപകര്‍. വിപുലമായ പ്രവേശനോല്‍സവമാണ് ഇവിടെ ഒരുക്കിയിരിക്കുന്നത്. ചെണ്ടമേളത്തിന്റെ അകമ്പടിയോടെ രാവിലെ കുട്ടികളെ വരവേല്‍ക്കും. തുടര്‍ന്ന് അഡ്മിഷന്‍ നേടിയ നൂറു കുട്ടികള്‍ നൂറു ദീപം തെളിക്കും. സമ്മാനക്കിറ്റ് വിതരണവും പാഠപുസ്തക വിതരണവും നടക്കും.
വിതുര. അറിവിന്‍െറ ആദ്യക്ഷരം തേടിയെത്തുന്ന കുരുന്നുകളെ വരവേല്‍ക്കാന്‍ സ്കൂളുകള്‍ അണിഞ്ഞൊരുങ്ങി. സ്കൂളും പരിസരവും മറ്റും വൃത്തിയാക്കി തോരണവും കുരുത്തോലയും കെട്ടി അലങ്കരിച്ചു. ചിരിച്ചും കരഞ്ഞും ചിണുങ്ങിയും രക്ഷാകര്‍ത്താക്കളുടെ കൈപിടിച്ചെത്തുന്ന കുരുന്നുകള്‍ക്കു മിഠായിയും വര്‍ണ ബലൂണുകളും സമ്മാനങ്ങളും നല്‍കി വരവേല്‍ക്കും. സര്‍ക്കാര്‍ സ്കൂളുകളും സ്വകാര്യ സ്കൂളുകളും വൈവിധ്യമാര്‍ന്ന പരിപാടികളോടെയാണു പ്രവേശനോല്‍സവം സംഘടിപ്പിച്ചിരിക്കുന്നത്. വിളംബര ഘോഷയാത്രയാണു മുഖ്യയിനം.
മലയോര മേഖലയിലെ മിക്ക സര്‍ക്കാര്‍ സ്കൂളുകളിലും ഇക്കുറി ഒന്നാം ക്ളാസില്‍ അഡ്മിഷന്‍ തേടിയെത്തിയ കുട്ടികളുടെ എണ്ണം വര്‍ധിച്ചിട്ടുണ്ട്. സ്വകാര്യ സ്കൂളുകളിലെ സ്ഥിതിയും വിഭിന്നമല്ല. വിതുര ഗവ. യുപിഎസിലെ പ്രവേശനോല്‍സവം പിടിഎ പ്രസിഡന്റ് കെ. വിനീഷ് കുമാറിന്റെ അധ്യക്ഷതയില്‍ പഞ്ചായത്ത് പ്രസിഡന്റ് എല്‍.വി. വിപിന്‍ ഉദ്ഘാടനം ചെയ്യും. വിളംബര ഘോഷയാത്ര, മധുര വിതരണം, കലാപരിപാടികള്‍ എന്നിവ ഉണ്ടാകും. ആനപ്പാറ, ചായം, ചെറ്റച്ചല്‍, പൊന്‍മുടി, കല്ലാര്‍, ബോണക്കാട്, വലിയവേങ്കാട്, മേമല, മണലയം, തലത്തൂതക്കാവ്, മീനാങ്കല്‍, പനക്കോട് സ്കൂളുകളിലും പ്രവേശനോല്‍സവം സംഘടിപ്പിച്ചിട്ടുണ്ട്.
Monday, May 14, 2012
അവധിക്കാല ക്ലാസ്
പെരിങ്ങമ്മല: പെരിങ്ങമ്മല ഇക്ബാല്‍ ഹയര്‍ സെക്കന്‍ഡറി സ്‌കൂളിലെ രണ്ടാംവര്‍ഷ ഹയര്‍ സെക്കന്‍ഡറി ക്ലാസ്സുകള്‍ 14 ന് ആരംഭിക്കും.
ഭരതന്നൂര്‍: ഭരതന്നൂര്‍ ഗവ. എച്ച്.എസ്.എസിലെ പത്താംക്ലാസുകാര്‍ക്കുള്ള അവധിക്കാല പരിശീലന ക്ലാസ് 14 ന് ആരംഭിക്കും.
Saturday, May 12, 2012
ഹൌസ് വയറിങ് കോഴ്സിന് അപേക്ഷ ക്ഷണിച്ചു
പാലോട്. നന്ദിയോട് പഞ്ചായത്തിലെ വട്ടപ്പന്‍കാട് തുടര്‍വിദ്യാ കേന്ദ്രത്തിന്റെ നേതൃത്വത്തില്‍ തിരുവനന്തപുരം ജന്‍ശിക്ഷന്‍ സന്‍സ്ഥാന്റെ സഹായത്തോടെ ഹൌസ് വയറിങ്ങില്‍ പരിശീലനം നല്‍കുന്നു. വിജയകരമായി കോഴ്സ് പൂര്‍ത്തിയാക്കുന്നവര്‍ക്ക്എംപ്ളോയിമെന്റില്‍ റജിസ്റ്റര്‍ ചെയ്യാവുന്ന സര്‍ട്ടിഫിക്കറ്റ് ലഭിക്കും. 100 രൂപയാണു റജിസ്ട്രേഷന്‍ ഫീസ്. പട്ടികജാതി പട്ടികവര്‍ഗക്കാര്‍ക്കു ഫീസില്ല. താല്‍പര്യമുള്ളവര്‍ 15നു മുന്‍പ് തുടര്‍വിദ്യാ കേന്ദ്രവുമായോ 99468 83616 നമ്പരിലോ ബന്ധപ്പെടണം.
വിതുരയില്‍ ആദിവാസിവിദ്യാര്‍ഥികള്‍ക്ക് പഠനോപകരണം നല്‍കി
വിതുര.പഞ്ചായത്തിലെ വിതുര ഗവ.യുപിഎസ്, ആനപ്പാറ ഗവ എച്ച്എസ്, കല്ലാര്‍ ഗവ. എല്‍പിഎസ്, മരുതാമല ട്രൈബല്‍ സ്കൂള്, തലത്തൂതക്കാവ് എല്‍പിഎസ് എന്നീ സ്കൂളുകളിലെ എല്‍പി വിഭാഗത്തിലെ ആദിവാസി വിദ്യാര്‍ഥികള്‍ക്കു സൌജന്യമായി പഠനോപകരണങ്ങള്‍ വിതരണം ചെയ്തു. പഞ്ചായത്ത് വൈസ്പ്രസിഡന്റ് ശാന്തി ജി. നായര്‍ അധ്യക്ഷത വഹിച്ചു. വെള്ളനാട് ബ്ളോക്ക് പഞ്ചായത്ത് പ്രസിഡന്റ് ശോഭന ജോര്‍ജ് ഉദ്ഘാടനം ചെയ്തു.
വിതുര പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എ.കെ. ഷിഹാബ്ദീന്‍, വിതുര യുപിഎസ് ഹെഡ്മാസ്റ്റര്‍ എല്‍. പുഷ്പലത, ബ്ളോക്ക്പഞ്ചായത്ത് അംഗങ്ങളായ ഒ. ശകുന്തള, എല്‍. ദീക്ഷിത്, പഞ്ചായത്ത് അംഗങ്ങളായ എ. അല്‍ഫോണ്‍സ്, കെ. വിജയകുമാര്‍, എം.എസ്. റഷീദ്, ജി.ഡി. ഷിബുരാജ്, എല്‍. അംബിക, എം. ശാന്ത, കെ. ഷീല, പി.കെ. പ്രകാശ്, പഞ്ചായത്ത് സെക്രട്ടറി കെ.ബി. സുരേഷ്, വി. അനിരുദ്ധന്‍നായര്‍, എന്‍. ഗംഗാധരന്‍നായര്‍ എന്നിവര്‍ പ്രസംഗിച്ചു.
സ്‌കോളര്‍ഷിപ്പ് വിതരണം
വിതുര: ഗവണ്മെന്റ് യു.പി. സ്കൂളില് 2011-12 അധ്യയനവര്‍ഷം 6, 7 ക്ലാസ്സുകളില്‍ പഠിച്ചിരുന്ന ഒ.ബി.സി. വിദ്യാര്‍ഥികള്‍ക്ക് സ്‌കോളര്‍ഷിപ്പ് വിതരണം തുടങ്ങി. അര്‍ഹതയുള്ള വിദ്യാര്‍ഥികളുടെ പട്ടിക സ്കൂള് ഓഫീസില്‍ പ്രദര്‍ശിപ്പിച്ചിട്ടുണ്ട്.
Tuesday, May 8, 2012
സൗജന്യ പഠനോപകരണ വിതരണം
സ്‌കോളര്‍ഷിപ്പ് വിതരണം 8 മുതല്‍
വിതുര: ഗവണ്മെന്റ് യു.പി. സ്കൂളില് 2011-2012 അധ്യയനവര്‍ഷം 6, 7 ക്ലാസുകളില്‍ പഠിച്ചിരുന്ന ഒ.ബി.സി വിദ്യാര്‍ഥികള്‍ക്ക് സ്‌കോളര്‍ഷിപ്പ് നല്‍കുന്നു. സ്കൂള് ഓഫീസില്‍ ചൊവ്വാഴ്ച മുതലാണ് വിതരണം. അര്‍ഹതയുള്ളവരുടെ പട്ടിക സ്കൂളില് പ്രദര്‍ശിപ്പിച്ചിട്ടുള്ളതായി പ്രഥമാധ്യാപിക അറിയിച്ചു
Sunday, April 29, 2012
സ്വീകരണവും മെഡിക്കല്‍ ക്യാമ്പും ഒന്നിന്
വിതുര: ഗവണ്മെന്റ് എച്ച്.എസ്.എസ്സിലെ പൂര്‍വ വിദ്യാര്‍ഥി
കൂട്ടായ്മയായ 'സംഗമം 1970-71ന്റെ ആഭിമുഖ്യത്തില്‍ സൗജന്യമെഡിക്കല്‍ ക്യാമ്പും ജെ.
ഹരീന്ദ്രന്‍നായര്‍ക്ക് സ്വീകരണവും സംഘടിപ്പിക്കുന്നു. മെയ് ഒന്നിന് രാവിലെ 9ന്
വിതുര ഹോട്ടല്‍ രോഹിണി ഓഡിറ്റോറിയത്തില്‍ ജില്ലാ പഞ്ചായത്ത് അംഗം അഡ്വ. എല്‍. ബീന
പൊതുയോഗം ഉദ്ഘാടനം ചെയ്യും. മെഡിക്കല്‍ക്യാമ്പ് ഗ്രാമപ്പഞ്ചായത്ത് പ്രസിഡന്റ്
എല്‍.വി. വിപിന്‍ ഉദ്ഘാടനം ചെയ്യും. വട്ടപ്പാറ എസ്.യു.ടി. ആസ്പത്രിയുടെ
നേതൃത്വത്തില്‍ നടക്കുന്ന ക്യാമ്പില്‍ പങ്കെടുക്കാന്‍ എട്ടുമണിക്ക് എത്തണമെന്ന്
സംഗമം പ്രസിഡന്റ് രോഹിണി പി. വിജയന്‍നായര്‍ അറിയിച്ചു.
Friday, April 27, 2012
എസ്എസ്എല്‍സി പരീക്ഷയില്‍ ഗ്രാമീണ സ്കൂളുകള്‍ക്ക് മികച്ച വിജയം
പാലോട്. എസ്എസ്എല്‍സി പരീക്ഷയില്‍ ഗ്രാമീണ സര്‍ക്കാര്‍ സ്കൂളുകള്‍ക്കു മികച്ച വിജയം. പെരിങ്ങമ്മല ഇടിഞ്ഞാര്‍ ഗവ. ട്രൈബല്‍ സ്കൂള് 93.3 ശതമാനം വിജയം നേടി. ഇവിടെ പരീക്ഷയെഴുതിയ 30പേരില്‍ 28പേര്‍ വിജയിച്ചു. നന്ദിയോട് എസ്കെവി എച്ച്എസ് 88ശതമാനം വിജയം നേടി. മൂന്നുപേര്‍ക്ക് എല്ലാ വിഷയങ്ങള്‍ക്കും എപ്ളസ് ലഭിച്ചു. ഇളവട്ടം ബിആര്‍എം ഹൈസ്കൂളില്‍ 92 ശതമാനം വിജയമുണ്ട്. 193 കുട്ടികള്‍ എഴുതിയതില്‍ 184 പേര്‍ വിജയിച്ചു. മടത്തറ കാണി ഗവ എച്ച്എസില്‍ 90 ശതമാനം വിജയം നേടി.
Saturday, April 21, 2012
മള്‍ട്ടി സ്പോര്‍ട്സ് പ്ളേ സ്പേസ് ഫെസിലിറ്റി നടപ്പാക്കും: ജി. കാര്‍ത്തികേയന്‍
ആദ്യഘട്ടത്തില്‍ ബാസ്കറ്റ്ബോള്‍, വോളിബോള്‍, ടെന്നീസ് എന്നീ മൂന്നു കളികള്‍ക്കും കൂടി ഒരു കളിക്കളം ഉപയോഗിച്ചു പരിശീലനം നല്‍കാന്‍ കഴിയും. മൂന്നു കളികളുടെയും കളിക്കളങ്ങള്‍ വിവിധ നിറങ്ങള്‍ കൊണ്ട് അടയാളപ്പെടുത്തിയാണ് ഉപയോഗിക്കുന്നത്. സിന്തറ്റിക് സര്‍ഫസില്‍ നിര്‍മിക്കുന്ന ഇത്തരം കളിക്കളങ്ങളുടെ നിര്‍മാണ തുക 25 ലക്ഷം രൂപയാണ്. കളിക്കളത്തിനു ചുറ്റും ഫെന്‍സിങ്, 200 പേര്‍ക്ക് ഇരിക്കാവുന്ന മിനി ഗാലറി എന്നിവയും നിര്‍മിക്കുമെന്നു കാര്‍ത്തികേയന്‍ അറിയിച്ചു
Monday, March 26, 2012
പിഎസ്സി പരിശീലനം
Subscribe to:
Posts (Atom)