ക്രിസ്മസ് ആഘോഷങ്ങള്‍ക്കായി നന്ദിയോട് കുരുവിലാഞ്ചാല്‍ സിഎസ്ഐ ചര്‍ച്ച് നക്ഷത്രവിളക്കുകളുടെ ദീപപ്രഭയില്‍ മുങ്ങിയപ്പോള്പാലോട്: ക്രിസ്മസിന്റെ ആഘോഷത്തില്‍ ക്രൈസ്തവ ദേവാലയങ്ങള്‍ ഭക്തിയുടെ പ്രഭാപൂരത്തിലായി. എങ്ങും ആഘോഷങ്ങള്‍ക്കു വര്‍ണപ്പൊലിമയാണ്. ദീപാലങ്കാരത്താല്‍ തിളങ്ങുന്ന പുല്‍ക്കൂടുകളും ക്രിസ്മസ് ട്രീകളും നക്ഷത്രവിളക്കുകളും പ്രകാശം പരത്തി നിറഞ്ഞു. സ്വര്‍ഗീയ സംഗീതത്തിന്റെ അലയടിയില്‍ ദേവാലയങ്ങളില്‍ അനവധി വിശ്വാസികള്‍ പങ്കെടുത്ത പ്രത്യേക കുര്‍ബാനകളും നടന്നു.
നന്ദിയോട്: കുരുവിലാഞ്ചാല്‍ സിഎസ്ഐ ചര്‍ച്ചില്‍ ഒരുക്കിയ ദീപാലങ്കാരവും നക്ഷത്രദീപങ്ങളും കാഴ്ചയ്ക്കു വിരുന്നായി. അന്‍പതിലേറെ നക്ഷത്രങ്ങളില്‍ തീര്‍ത്ത നക്ഷത്രമാലയും ദീപാലങ്കാരവും കൊണ്ടു ദേവാലയവും പരിസരവും പ്രഭാപൂരത്തിലായി. കുര്‍ബാനയ്ക്കു സഭാ അധ്യക്ഷന്‍ ഫാ. പി.എ. ജോര്‍ജ്കുട്ടി നേതൃത്വം നല്‍കി.
പാലുവള്ളി: സെന്റ് മേരീസ് ചര്‍ച്ചും നക്ഷത്രവിളക്കുകളുടെയും പുല്‍ക്കൂടിന്റെയും ദീപാലങ്കാരത്തിന്റെയും മനോഹാരിതയിലും പ്രഭാപൂരത്തിലുമാണ്. കുര്‍ബാനയ്ക്കു ഫാ. ജോയി സാബു നേതൃത്വം നല്‍കി.
പാലോട്: സെന്റ് ജോര്‍ജ് ദേവാലയവും ക്രിസ്മസ് ആഘോഷത്തിന്റെ പ്രഭാപൂരത്തിലായി. സ്വര്‍ഗീയ സംഗീതം അലയടിച്ച കുര്‍ബാനയ്ക്കു ഫാ. ജോസഫ് ഷാജി നേതൃത്വം നല്‍കി.
ഇളവട്ടം: സിഎസ്ഐ ചര്‍ച്ച് ക്രിസ്മസ് ആഘോഷങ്ങള്‍ക്കായി ഒരുങ്ങി ദീപപ്രഭയാലും നക്ഷത്രവിളക്കുകളാലും നിറഞ്ഞു. കുര്‍ബാനയ്ക്കു ഫാ. ജെ.വൈ. വിശ്വദാസ് നേതൃത്വം നല്‍കി.
അഗ്രിഫാം: കൊച്ചുവിള സെന്റ് മേരീസ് ചര്‍ച്ചില്‍ കുര്‍ബാനയ്ക്കു
ഫാ. ഫിലിപ്പ് കാഞ്ചിക്കല്‍ നേതൃത്വം നല്‍കി. ചര്‍ച്ചും പരിസരവും ദീപപ്രഭയിലാണ്.
ഇടിഞ്ഞാര്‍: സെബാസ്ത്യാനോസ് ചര്‍ച്ചിലും ക്രിസ്മസ് ആഘോഷങ്ങള്‍ നടന്നു. കുര്‍ബാനയ്ക്കു ഫാ. ജോസഫ് ഷാജി നേതൃത്വം നല്‍കി.
ഭരതന്നൂര്‍: സെബാസ്ത്യനോസ് ചര്‍ച്ചില്‍ നടന്ന കുര്‍ബാനയ്ക്കു ഫൊറോനാ വികാരി കെ.ജെ. വിന്‍സന്റ് നേതൃത്വം നല്‍കി. അനവധി വിശ്വാസികള്‍ പങ്കെടുത്തു
