പനി ബാധിച്ച് വീട്ടമ്മ മരിച്ചു

തിരുവനന്തപുരം: ജില്ലയില്‍ ഡെങ്കിയും പകര്‍ച്ചപ്പനിയും പടരുന്നു. ചൊവ്വാഴ്ച പനിബാധിച്ച് ചികിത്സയിലായിരുന്ന വീട്ടമ്മ മരിച്ചു. ജില്ലയില്‍ 15 പേര്‍ക്ക് കൂടി ഡെങ്കിപ്പനി ബാധിച്ചതായി ആരോഗ്യ വകുപ്പ് സ്ഥിരീകരിച്ചു.ആനപ്പാറ സാലന്‍ ഭവനില്‍ സൈലസിന്റെ ഭാര്യ എസ്. നിര്‍മല (49)യാണ് പനിബാധിച്ച് മരിച്ചത്.മെഡിക്കല്‍ കോളേജ് ആസ്​പത്രിയില്‍ ചികിത്സയിലിരിക്കെയാണ് മരണം.

മക്കള്‍: ഷൈജു, പരേതയായ സൗമ്യ. മരുമകള്‍: അനു.കഴിഞ്ഞ ദിവസം പനിബാധിച്ച് ഗര്‍ഭിണി മരിച്ചിരുന്നു. ഈ മാസം പനിബാധിച്ച് ജില്ലയില്‍ മൂന്ന് പേരാണ് മരിച്ചത്.ചൊവ്വാഴ്ച ജില്ലയിലെ വിവിധ സര്‍ക്കാര്‍ ആസ്​പത്രികളിലായി 17,680 പേര്‍ ചികിത്സ തേടി. ഇതില്‍ 1100 പേര്‍ പുതിയതായി പനിബാധിച്ച് എത്തിയവരാണ്. 34 പേരെ വിവിധ ആസ്​പത്രികളിലായി പ്രവേശിപ്പിച്ചിട്ടുണ്ട്.

ചൊവ്വാഴ്ച 15 പേര്‍ക്ക് കൂടി ഡെങ്കി പോസിറ്റീവാണെന്ന് സ്ഥിരീകരിച്ചു. തിങ്കളാഴ്ച 13 പേര്‍ക്ക് ഡെങ്കിയാണെന്ന് കണ്ടെത്തിയിരുന്നു. ഈ മാസം ഇതുവരെയായി നൂറോളം പേര്‍ക്കാണ് ഡെങ്കിപ്പനി ബാധിച്ചത്.ഡെങ്കിപ്പനി ബാധിക്കുന്നവരില്‍ ഭൂരിഭാഗവും നഗര പ്രദേശത്തുള്ളവരാണ്.

ജില്ലാ മെഡിക്കല്‍ ഓഫീസറുടെ നേതൃത്വത്തില്‍ നഗരപ്രദേശത്ത് പനി നിര്‍ണയ ക്യാമ്പുകള്‍ സംഘടിപ്പിക്കുന്നുണ്ട്.മെഡിക്കല്‍ കോളേജിലെയും ജനറല്‍ ആസ്​പത്രിയിലെയും പനി വാര്‍ഡുകളില്‍ രോഗികളെക്കൊണ്ട് നിറഞ്ഞുകവിഞ്ഞു. മെഡിക്കല്‍ കോളേജിലെ 22-ാം വാര്‍ഡില്‍ കിടക്കകള്‍ ഇല്ലാത്തത് കാരണം തറയിലാണ് രോഗികളെ കിടത്തിയിരിക്കുന്നത്.

സൈനുദീന്റെ മരണത്തില്‍ അനുശോചിച്ചു

പാലോട്.  കോണ്‍ഗ്രസ് നേതാവ് പെരിങ്ങമ്മല മണ്ണാന്തല കിഴക്കുംകര പുത്തന്‍വീട്ടില്‍ സൈനുദ്ദീന്റെ നിര്യാണം പൊതുരംഗത്തിനു  നഷ്ടമായി. കോണ്‍ഗ്രസ് രാഷ്ട്രീയരംഗത്ത് ആത്മാര്‍ഥതയുടെ പ്രതീകമായി നിലകൊണ്ട സൈനുദ്ദീന്‍ കക്ഷിരാഷ്ട്രീയത്തിനതീതമായി  ഏതാവശ്യത്തിനും ഓടിയെത്തുന്ന പ്രകൃതമായിരുന്നു. കല്ലറ, പെരിങ്ങമ്മല മണ്ഡലം കോണ്‍ഗ്രസ് കമ്മിറ്റികളില്‍ പ്രവര്‍ത്തിച്ച ആദ്യകാല നേതാക്കളില്‍ ഒരാള്‍ കൂടിയായ സൈനുദ്ദീന്‍ കല്ലറ മണ്ഡലം കോണ്‍ഗ്രസ് പ്രസിഡന്റായി പ്രവര്‍ത്തിക്കുകയും പിന്നീടു പെരിങ്ങമ്മലയിലേക്കു താമസം മാറ്റി കോണ്‍ഗ്രസ് മണ്ഡലം കമ്മിറ്റിയില്‍ സജീവമാകുകയും ചെയ്തു.

കോണ്‍ഗ്രസ് പെരിങ്ങമ്മല മണ്ഡലം വൈസ് പ്രസിഡന്റ്, ജനറല്‍ സെക്രട്ടറി, സേവാദള്‍ കല്ലറ ബ്ളോക്ക് ചെയര്‍മാന്‍, ഐഎന്‍ടിയുസി തെന്നൂര്‍ മേഖലാ പ്രസിഡന്റ്, ഇക്ബാല്‍ ഹൈസ്കൂള്‍ പിടിഎ പ്രസിഡന്റ് എന്നീ നിലകളില്‍ പൊതുരംഗത്തു നിറഞ്ഞുനിന്നിരുന്നു. കഴിഞ്ഞ വര്‍ഷം ബൈക്ക് അപകടത്തില്‍ മകനും ചെറുമകളും മരിച്ചതു സൈനുദ്ദീന്റെ ജീവിതത്തില്‍ കനത്ത ആഘാതമായി. മൂന്നു മാസത്തോളമായി സ്വകാര്യ ആശുപത്രിയില്‍ ചികില്‍സയിലായിരുന്നു. കൊച്ചുകരിക്കകം ടൌണ്‍ മസ്ജിദില്‍ കബറടക്കി. വന്‍ ജനാവലി സൈനുദ്ദീന് ആദരാഞ്ജലി അര്‍പ്പിക്കാന്‍ എത്തിയിരുന്നു. തെന്നൂര്‍ ജംക്ഷനില്‍ കോണ്‍ഗ്രസ് മണ്ഡലം പ്രസിഡന്റ് ബി. പവിത്രകുമാറിന്റെ അധ്യക്ഷതയില്‍ സര്‍വകക്ഷി അനുശോചനയോഗം ചേര്‍ന്നു. മൌനജാഥയും നടന്നു.

യൂനിസ്കുട്ടി സാര്‍ ഓര്‍മ്മയായി..

ജീപ്പിടിച്ച് ബൈക്ക് യാത്രക്കാരന്‍ മരിച്ചു

പാലോട്: ബൈക്കും ജീപ്പും കൂട്ടിയിടിച്ച് മടത്തറ ശാസ്താംനട കുന്നുബംഗ്ലാവില്‍ വീട്ടില്‍ അനില്‍ (50) മരിച്ചു. അനില്‍ ഓടിച്ചിരുന്ന ബൈക്കിന്റെ പിന്നിലിരുന്ന വേങ്കൊല്ല അരിപ്പ ഷാജുമന്‍സിലില്‍ ഷാജു (30)വിന് പരിക്കേറ്റു. ചൊവ്വാഴ്ച വൈകീട്ട് 5 മണിയോടെ തിരുവനന്തപുരം-തെങ്കാശി റോഡില്‍ പാലോട് പോലീസ് സ്റ്റേഷനോട് ചേര്‍ന്ന വളവിലായിരുന്നു അപകടം. വിതുര ചായത്ത് റബ്ബര്‍മരം മുറിക്കുന്ന പണികഴിഞ്ഞ് ബൈക്കില്‍ വീട്ടിലേക്ക് മടങ്ങുകയായിരുന്നു അനിലും ഷാജുവും. പാലോട്ടു നിന്ന് നന്ദിയോട് ഭാഗത്തേയ്ക്ക് പോവുകയായിരുന്നു ജീപ്പ്. സമീപത്തെ ഓടയിലേക്ക് ബൈക്കിനൊപ്പം വീണ അനിലിന്റെ പുറത്തേക്ക് കയറിയ ജീപ്പ് തൊട്ട് ചേര്‍ന്ന മണ്‍തിട്ടയിലിടിച്ചു നിന്നു. അനില്‍ തല്‍ക്ഷണം മരിച്ചു. ജീപ്പിടിച്ച സമയത്ത് ഷാജു തെറിച്ച് വീഴുകയായിരുന്നു. ജീപ്പ് ഡ്രൈവര്‍ കല്ലറ സ്വദേശി സുനില്‍കുമാറിനെ പോലീസ് കസ്റ്റഡിയിലെടുത്തു. അനിലിന്റെ ഭാര്യ അനിത. മക്കള്‍: രാഹുല്‍, ആര്യ.

ജീപ്പും ബയ്ക്കും കൂട്ടിടിച്ച് അബകടം ഒരാള്‍ മരിച്ചു

 പാലോട് പോലീസ് സ്റ്റേഷന് സമീപം ജീപ്പും ബൈക്കും കൂട്ടിയിടിച്ച അപകടത്തില്‍ ഒരാള്‍ മരിച്ചു വൈകിട്ട് 5:30 നാണു സംഭവം മടത്തറ സോതദേശി അനില്‍ (52) ആണ് മരിച്ചത്

അനുശോചിച്ചു

വിതുര: കുളത്തൂപ്പുഴ വനം റേഞ്ചിലെതാത്കാലിക ജീവനക്കാരന്‍ അഷ്‌റഫ് ഡ്യൂട്ടിക്കിടെ മിന്നലേറ്റ് മരിച്ച സംഭവത്തില്‍ കേരളാ ഫോറസ്റ്റ് വര്‍ക്കേഴ്‌സ് യൂണിയന്‍ (എ.ഐ.ടി.യു.സി.) ജില്ലാ കമ്മിറ്റിയോഗം അനുശോചിച്ചു. നഷ്ടപരിഹാരത്തിന് പുറമേ അഷ്‌റഫിന്റെ കുടുംബത്തില്‍ ഒരാള്‍ക്ക് വനംവകുപ്പില്‍ നിയമനം നല്‍കണമെന്ന് യോഗം ആവശ്യപ്പെട്ടു. ജില്ലാ പ്രസിഡന്റ് കള്ളിക്കാട് ചന്ദ്രന്‍, സെക്രട്ടറി പാലോട് എ. രാജന്‍, സംസ്ഥാന ട്രഷറര്‍ മീനാങ്കല്‍ കുമാര്‍ തുടങ്ങിയവര്‍ സംസാരിച്ചു.

ലോറി അപകടത്തില്‍ മരിച്ച സുഹൃത്തുക്കള്‍ക്ക് നാടിന്റെ അന്ത്യാഞ്ജലി

ANWAR SHAN PALODE

പാലോട്: റബ്ബര്‍ തടി കയറ്റിവന്ന ലോറി തോട്ടിലേയ്ക്ക് മറിഞ്ഞ് അപകടത്തില്‍ മരിച്ച കയറ്റിയിറക്ക് തൊഴിലാളികള്‍ക്ക് സുഹൃത്തുക്കളും സഹപ്രവര്‍ത്തകരും കണ്ണീരോടെ വിടനല്‍കി. ഞായറാഴ്ച ഉച്ചയ്ക്ക് രണ്ടു മണിയോടെ പാലോട് ജങ്ഷനില്‍ പൊതുദര്‍ശനത്തിന് വെച്ച സുഭാഷിന്റെയുംജോജോയുടെയും മൃതദേഹത്തില്‍ സഹപ്രവര്‍ത്തകര്‍ അന്ത്യാഞ്ജലി അര്‍പ്പിച്ചു.

ശനിയാഴ്ച വൈകീട്ട് ആറു മണിയോടെ ആയിരുന്നു ജവഹര്‍ കോളനിയില്‍ നിന്നും കാക്കാണിക്കരയിലേയ്ക്ക് പോകുന്ന തടി കയറ്റിവന്ന ലോറി പാലത്തില്‍ വെച്ച് അപകടത്തില്‍പ്പെട്ടത്. രണ്ടുപേര്‍ മരിച്ച ദുരന്തത്തില്‍ ലോറിയിലുണ്ടായിരുന്ന അഞ്ചു പേര്‍ വളരെ അത്ഭുതകരമായി രക്ഷപ്പെട്ടിരുന്നു.

ജോജോ, സുഭാഷ് എന്നിവരോടൊപ്പം ലോറിക്കടിയില്‍പ്പെട്ട് അപകടത്തിലായ വിഷ്ണു, സജിമോന്‍, സൈനുദ്ദീന്‍ എന്നിവര്‍ മെഡിക്കല്‍ കോളേജ് ആസ്​പത്രിയില്‍ ചികിത്സയിലാണ്. പാലോട് ജങ്ഷനില്‍ പൊതുദര്‍ശനത്തിനു വെച്ച മൃതദേഹത്തില്‍ കോലിയക്കോട് കൃഷ്ണന്‍നായര്‍ എം.എല്‍. എ., ജില്ലാ പഞ്ചായത്തംഗം സോഫീതോമസ്, വി.കെ.മധു, പി.വത്സല എന്നിവര്‍ അന്ത്യാഞ്ജലി അര്‍പ്പിച്ചു.

ജോജോയുടെ മൃതദേഹം പാലോട് കുന്നുംപുറത്ത് വീട്ടിലും സുഭാഷിന്‍േറത് ജവഹര്‍ കോളനി ബ്ലോക്ക് നമ്പര്‍ 10-ലും സംസ്‌കരിച്ചു. ജോജോയുടെ മരണത്തോടെ കുടുംബം തികച്ചും അനാഥമാവുകയാണ്. ജോജോയുടെ പിതാവ് റോബിന്‍ രണ്ടു വര്‍ഷം മുമ്പ് നടന്ന വാഹനാപകടത്തില്‍ ശരീരത്തിന്റെ ഒരുവശം തളര്‍ന്ന് കിടപ്പാണ്. അമ്മ സുശീലയാകട്ടെ ഹൃദ്‌രോഗം ബാധിച്ച് ചികിത്സയിലും.

ജവഹര്‍ കോളനി ജങ്ഷനില്‍ രണ്ടുപേരുടെയും മൃതദേഹം പൊതുദര്‍ശനത്തിന് വെച്ചിരുന്നു. വിവിധ തൊഴിലാളി യൂണിയനുകളില്‍പ്പെട്ടവര്‍, യൂണിയന്‍ നേതാക്കള്‍, ഗ്രാമപ്പഞ്ചായത്തംഗങ്ങള്‍ എന്നിവര്‍ അന്ത്യാഞ്ജലി അര്‍പ്പിച്ചു. ആയിരങ്ങളാണ് ഇവര്‍ക്ക് അന്ത്യാഞ്ജലി അര്‍പ്പിക്കാനെത്തിയത്.