WELCOME
Showing posts with label അനാസ്ഥ്. Show all posts
Showing posts with label അനാസ്ഥ്. Show all posts
Thursday, July 5, 2012
മാലിന്യം: നന്ദിയോട് ചന്ത പുഴുത്തുനാറുന്നു
വിദ്യാഭ്യാസ വായ്പ നിഷേധിക്കുന്ന ബാങ്കുകള്‍ക്കെതിരെ സമരം നടത്തും: പ്രവാസി റിട്ടേണീസ് കോണ്‍ഗ്രസ്
വിതുര. പാവപ്പെട്ട വിദ്യാര്‍ഥികള്‍ക്കു വിദ്യാഭ്യാസവായ്പ നിഷേധിക്കുന്ന ബാങ്കുകളുടെ നടപടികള്‍ ഉപേക്ഷിക്കണമെന്നു പ്രവാസി റിട്ടേണീസ് കോണ്‍ഗ്രസ് തിരുവനന്തപുരം ജില്ലാകമ്മിറ്റി യോഗം ആവശ്യപ്പെട്ടു. വിദ്യാഭ്യാസ വായ്പയ്ക്ക് അപേക്ഷ നല്‍കിയാല്‍ ചില മുടന്തന്‍ ന്യായങ്ങള്‍ നിരത്തി വായ്പ നിഷേധിക്കുന്ന നിലപാടാണു മിക്ക ബാങ്കുകളും സ്വീകരിച്ചു വരുന്നതെന്നും വായ്പയ്ക്കായി ബാങ്കുകളില്‍ കയറിയിറങ്ങി നട്ടം തിരിയുകയാണെന്നും വായ്പ ലഭിക്കാത്തതുമൂലം അനവധി വിദ്യാര്‍ഥികളുടെ ഉന്നതവിദ്യാഭ്യാസം എന്ന സ്വപ്നം തകര്‍ന്നുവെന്നും ഇതിനെതിരെ ബാങ്ക് പടിക്കല്‍ ശക്തമായ സമര പരിപാടികള്‍ സംഘടിപ്പിക്കുമെന്നും പ്രവാസി റിട്ടേണീസ് കോണ്‍ഗ്രസ് ജില്ലാ ഭാരവാഹികളായ പള്ളിവിള സലിം, ഇ.എം. നസീര്‍, എസ്. ജയേന്ദ്രകുമാര്‍, ആനപ്പാറ റഷീദ്, എ.എം. കാസിം എന്നിവര്‍ അറിയിച്ചു.
Monday, June 25, 2012
അംഗന്‍വാടി കെട്ടിടം നവീകരിക്കാന്‍ അധികൃതര്‍ തയാറാവുന്നില്ലെന്ന് പരാതി
ഭരതന്നൂര്‍. തകര്‍ന്ന അംഗന്‍വാടിക്കെട്ടിടം നവീകരിക്കാന്‍ അധികൃതര്‍ തയാറാകുന്നില്ലെന്നു പരാതി. പ്രദേശവാസികള്‍ കന്നുകാലികളെ കെട്ടി തൊഴുത്തായി ഉപയോഗിക്കുന്നു. പാങ്ങോട് പഞ്ചായത്തിലെ മൈലമൂട് വാര്‍ഡിലെ വേലന്‍മുക്ക് 76-ാം നമ്പര്‍ അംഗന്‍വാടിയാണു നവീകരിക്കാന്‍ അധികൃതര്‍ മടിക്കുന്നത്.
1992 ഒക്ടോബറില്‍ പ്രവര്‍ത്തനം ആരംഭിച്ച അംഗന്‍വാടിയുടെ മേല്‍ക്കൂരയുടെ കഴുക്കോലുകള്‍ നശിച്ചതിനെത്തുടര്‍ന്ന് ഒടിഞ്ഞുതകര്‍ന്നു വീണ് ഒാടുകള്‍ നശിച്ച നിലയിലാണ്. കെട്ടിടത്തിന്റെ മേല്‍ക്കൂര അപകടാവസ്ഥയിലായതിനെത്തുടര്‍ന്നു നാട്ടുകാരുടെ പ്രതിഷേധത്തിനൊടുവില്‍ കുട്ടികളെ സമീപത്തെ വീടുകളില്‍ ഇരുത്തി അംഗവന്‍വാടി പ്രവര്‍ത്തിപ്പിച്ചുതുടങ്ങിയിട്ട് ഒരു വര്‍ഷമായി. ഇരുപത്തിയഞ്ചോളം കുട്ടികള്‍ ഇവിടെ പഠിക്കുന്നുണ്ട്.
ചെങ്കുത്തായ സ്ഥലത്തു വന്‍തോതില്‍ പാറ അടുക്കി ഉയര്‍ത്തിയാണു കെട്ടിട നിര്‍മാണം നടത്തിയിരിക്കുന്നത്. കെട്ടിടത്തിന്റെ പിന്‍ഭാഗത്ത് 30 അടിയോളം താഴ്ചയുള്ള താഴ്ന്ന സ്ഥലമാണ്. ഇവിടെ സംരക്ഷണഭിത്തിയില്ലാത്തതിനാല്‍ നാട്ടുകാര്‍ പരിഭ്രാന്തിയിലാണ്. കുട്ടികള്‍ക്കു കളിക്കുന്നതിനായി വന്‍തുക ചെലവാക്കി സ്ഥാപിച്ച ഉപകരണങ്ങള്‍ മുറ്റത്തു തുരുമ്പെടുത്തു നശിക്കുന്നു. ഇവിടെയാണു നാട്ടുകാര്‍ കന്നുകാലികളെ കെട്ടി കുളിപ്പിക്കുന്നതും തീറ്റുന്നതും. കന്നുകാലികളെ കുളിപ്പിക്കാന്‍ അംഗന്‍വാടിയിലെ കിണറ്റിലെ വെള്ളമാണ് ഉപയോഗിച്ചുവരുന്നത്.
അംഗന്‍വാടി
നവീകരിച്ചു സംരക്ഷിക്കണമെന്നാവശ്യപ്പെട്ട് അധികൃതര്‍ക്കു പരാതി നല്‍കിയിട്ടും നടപടിയെടുക്കാന്‍ തയാറാകുന്നില്ലെന്നു നാട്ടുകാര്‍ പറയുന്നു. തിരഞ്ഞെടുപ്പില്‍ പോളിങ് ബൂത്തായും ആരോഗ്യ പരിപാടികളുടെ പ്രവര്‍ത്ത സെന്ററായും പ്രവര്‍ത്തിക്കുന്ന അംഗന്‍വാടി അറ്റകുറ്റപ്പണികള്‍ നടത്തി പ്രവര്‍ത്തനം പുനരാരംഭിക്കണമെന്നാണു നാട്ടുകാരുടെ ആവശ്യം.
Saturday, June 23, 2012
ചെല്ലഞ്ചിപ്പാലം പണിക്ക് ആമയിഴയുന്ന വേഗം
പാലോട്: മൂന്നുഗ്രാമപ്പഞ്ചായത്തുകളെ തമ്മില്‍ ബന്ധിപ്പിക്കുന്ന പാലം അന്‍പത്‌വര്‍ഷത്തെ കഠിനപരിശ്രമത്തിനൊടുവില്‍ പദ്ധതി പ്രഖ്യാപിച്ചു. നിര്‍മാണ ചെലവ് 11.5 കോടി. 2010 ജനവരിയില്‍ അന്നത്തെ മുഖ്യമന്ത്രി വി.എസ്. അച്യുതാനന്ദന്‍ തറക്കല്ലിട്ടു. 2012- ജനവരിയില്‍ പാലം തുറന്നുകൊടുക്കുമെന്ന് അന്ന് പൊതുമരാമത്ത് വകുപ്പു സെക്രട്ടറി ഉറപ്പും നല്‍കി. എന്നാല്‍ രണ്ട് വര്‍ഷം കൊണ്ട് ചെല്ലഞ്ചിപ്പാലത്തിനായി ആകെ പണികഴിപ്പിച്ചത് വെള്ളത്തിനു മുകളില്‍ നാലടി പൊക്കത്തില്‍ കാണാവുന്ന രണ്ട് തൂണുകളും രണ്ട് കരയിലും പേരിനുമാത്രം നിര്‍മിച്ച രണ്ട് ബെയ്‌സ് ബീമുകളും മാത്രം.
കല്ലറ, പുല്ലമ്പാറ, നന്ദിയോട്, പാങ്ങോട് ഗ്രാമപ്പഞ്ചായത്തുകളെ തമ്മില്‍ ബന്ധിപ്പിച്ചുകൊണ്ടാണ് ചെല്ലഞ്ചിപ്പാലം പണിയുന്നത്. സര്‍ക്കാറിനു കീഴില്‍വരുന്ന കണ്‍സ്ട്രക്ഷന്‍ കോര്‍പ്പറേഷനായിരുന്നു നിര്‍മാണ ചുമതല. ഇവര്‍ പെരുമ്പാവൂര്‍ ആസ്ഥാനമായി പ്രവര്‍ത്തിക്കുന്ന 'ഹോപ്പ്' എന്ന കമ്പനിക്ക് കരാര്‍ കൈമാറി. ഇങ്ങനെ സബ്ബ് ടെന്‍ഡര്‍ നല്‍കിയതാണ് പണി ഇഴഞ്ഞുനീങ്ങാന്‍ കാരണമെന്നു പറയുന്നു.
നല്ലവേനല്‍ കാലത്ത് വാമനപുരം നദി വറ്റിക്കിടന്ന ആറ് മാസവും കാര്യമായ പണി ഒന്നും നടന്നില്ല. ഇടയ്ക്ക് മഴക്കാലം വന്നതോടെ രണ്ട് ബീമുകളുടെ പ്രാരംഭ പണിമാത്രം തുടങ്ങിവച്ചു. ഇങ്ങനെ പോവുകയാണെങ്കില്‍ പത്ത്‌വര്‍ഷം കൊണ്ടും പാലംപണി എങ്ങുമെത്തില്ലെന്ന് നാട്ടുകാര്‍ പറയുന്നു.
2012 ജൂണില്‍ സ്‌കൂള്‍ തുറക്കുമ്പോള്‍ പുതിയ പാലത്തിലൂടെ കുട്ടികള്‍ക്ക് ചെല്ലഞ്ചി സര്‍ക്കാര്‍ സ്‌കൂളിലെത്താം എന്നാണ് അന്ന് അധികൃതര്‍ പറഞ്ഞിരുന്നത്. കടത്തുവള്ളങ്ങളെ ആശ്രയിച്ചാണ് കല്ലറ പഞ്ചായത്തില്‍ നിന്നുള്ള കുട്ടികള്‍ ആറ്റിനിക്കരെ എത്തി പള്ളിക്കൂടത്തില്‍ പോയിരുന്നത്. പാലം പണിക്കായി ആറിന്റെ ഗതി തിരിച്ചുവിട്ടതോടെ ഉണ്ടായിരുന്ന കടത്തും നിലച്ചു. ഈ അധ്യയന വര്‍ഷം ആറ്റിനക്കരെ നിന്നും ഒരു കുട്ടി പോലും ചെല്ലഞ്ചി സ്കൂളില് പഠിക്കാന്‍ എത്തിയില്ല. സ്‌കൂള്‍ അടച്ചുപൂട്ടല്‍ ഭീഷണിയിലാണ്.
പാലത്തിനു വേണ്ടി മുറവിളി കൂട്ടിയിരുന്നവരെ ആരെയും ഇപ്പോള്‍ കാണാനേയില്ല. പണി ആമയിഴയുന്ന സ്ഥിതിയിലായിട്ടും പ്രാദേശിക ഭരണകൂടത്തിനും അനക്കമില്ല. പൊതുമരാമത്തധികൃതരും ഈ വഴിക്ക് വന്നിട്ട് നാളേറെയായെന്ന് ഗ്രാമവാസികള്‍ പറയുന്നു. കടത്ത് മുടങ്ങിയതോടെ നന്ദിയോട്, കല്ലറ പഞ്ചായത്തുകള്‍ തമ്മിലുള്ള കാര്‍ഷിക ഉത്പന്നങ്ങളുടെ കൈമാറ്റവും നിലച്ചു. ചെറിയ കാര്യങ്ങള്‍ക്കുപോലും അന്‍പതിലധികം കിലോമീറ്ററുകള്‍ താണ്ടി ബസ്സില്‍ അങ്ങോട്ടുമിങ്ങോട്ടും പോകേണ്ട ഗതികേടിലാണ് ആറ്റിന്റെ ഇരുകരകളിലുമുള്ള നിരവധി ഗ്രാമങ്ങളില്‍ താമസിക്കുന്നവര്‍.
ആലുംമൂട്- തോട്ടുപുറം- മണ്ണാര്‍കുന്ന് റോഡില്‍ വെള്ളക്കെട്ടും ചെളിക്കളവും
പട്ടികജാതി കോളനിയായ ഒന്‍പതേക്കര്‍ കോളനിയിലേക്ക് പോകുന്നതിനുള്ള ഏകറോഡാണിത്. മാത്രമല്ല നന്ദിയോടുനിന്നും തൊളിക്കോട്, തുരുത്തി, ആലുങ്കുഴി, വെമ്പ്, താന്നിമൂട് തുടങ്ങിയ പ്രദേശങ്ങളിലെല്ലാം പോകുന്നതിനും ഏറ്റവും എളുപ്പമാണ് പൗവത്തൂര്‍- മണ്ണാറംകുന്ന് റോഡ്. റോഡ് നിര്‍മാണ സമയത്ത് ഓടനിര്‍മാണം, പാര്‍ശ്വഭിത്തി കെട്ടല്‍ എന്നിവ നടത്താത്തതാണ് റോഡ് അകാലത്തില്‍ തകര്‍ന്നുപോകാന്‍ കാരണമെന്ന് പറയുന്നു. തോടിനോടുചേര്‍ന്നുള്ള ഭാഗങ്ങളില്‍ വശങ്ങളിലെ മണ്ണ് അടര്‍ന്നു വീണുപോയതും റോഡിന്റെ നാശത്തിനു കാരണമായി.
Wednesday, June 13, 2012
പനി ബാധിച്ച് വീട്ടമ്മ മരിച്ചു
തിരുവനന്തപുരം: ജില്ലയില്‍ ഡെങ്കിയും പകര്‍ച്ചപ്പനിയും പടരുന്നു. ചൊവ്വാഴ്ച പനിബാധിച്ച് ചികിത്സയിലായിരുന്ന വീട്ടമ്മ മരിച്ചു. ജില്ലയില്‍ 15 പേര്‍ക്ക് കൂടി ഡെങ്കിപ്പനി ബാധിച്ചതായി ആരോഗ്യ വകുപ്പ് സ്ഥിരീകരിച്ചു.ആനപ്പാറ സാലന്‍ ഭവനില്‍ സൈലസിന്റെ ഭാര്യ എസ്. നിര്‍മല (49)യാണ് പനിബാധിച്ച് മരിച്ചത്.മെഡിക്കല്‍ കോളേജ് ആസ്പത്രിയില്‍ ചികിത്സയിലിരിക്കെയാണ് മരണം.മക്കള്‍: ഷൈജു, പരേതയായ സൗമ്യ. മരുമകള്‍: അനു.കഴിഞ്ഞ ദിവസം പനിബാധിച്ച് ഗര്‍ഭിണി മരിച്ചിരുന്നു. ഈ മാസം പനിബാധിച്ച് ജില്ലയില്‍ മൂന്ന് പേരാണ് മരിച്ചത്.ചൊവ്വാഴ്ച ജില്ലയിലെ വിവിധ സര്‍ക്കാര്‍ ആസ്പത്രികളിലായി 17,680 പേര്‍ ചികിത്സ തേടി. ഇതില്‍ 1100 പേര്‍ പുതിയതായി പനിബാധിച്ച് എത്തിയവരാണ്. 34 പേരെ വിവിധ ആസ്പത്രികളിലായി പ്രവേശിപ്പിച്ചിട്ടുണ്ട്.
ജില്ലാ മെഡിക്കല്‍ ഓഫീസറുടെ നേതൃത്വത്തില്‍ നഗരപ്രദേശത്ത് പനി നിര്‍ണയ ക്യാമ്പുകള്‍ സംഘടിപ്പിക്കുന്നുണ്ട്.മെഡിക്കല്‍ കോളേജിലെയും ജനറല്‍ ആസ്പത്രിയിലെയും പനി വാര്‍ഡുകളില്‍ രോഗികളെക്കൊണ്ട് നിറഞ്ഞുകവിഞ്ഞു. മെഡിക്കല്‍ കോളേജിലെ 22-ാം വാര്‍ഡില്‍ കിടക്കകള്‍ ഇല്ലാത്തത് കാരണം തറയിലാണ് രോഗികളെ കിടത്തിയിരിക്കുന്നത്.
Saturday, June 9, 2012
പേവിഷബാധയേല്‍ക്കുന്നവരുടെ എണ്ണം പെരുകുന്നു
പാലോട്. തെരുവുനായ്ക്കള്‍ ക്രമാതീതമായി പെരുകുകയും അവയെ നിയന്ത്രിക്കാനുള്ള നടപടികളില്ലാത്തതുംമൂലം ഗ്രാമങ്ങളില്‍ പേവിഷബാധയേല്‍ക്കുന്നവരുടെ എണ്ണം പെരുകുന്നു. കുട്ടികളടക്കം ഇന്ന് അനവധി പേര്‍ ചികില്‍സയിലാണ്. പാലോട് സര്‍ക്കാര്‍ സിഎച്ച്സിയില്‍ 80 പേര്‍ ഇപ്പോള്‍ ചികില്‍സയിലാണ്. പലപ്പോഴും കുത്തിവയ്പിനുള്ള മരുന്ന് തികയാത്ത അവസ്ഥയാണ്. മാത്രമല്ല പാലോട് ആശുപത്രിയും പരിസരവും നായ്ക്കളുടെ പിടിയിലുമാണ്.
ഇവിടെയെത്തുന്ന രോഗികള്‍ക്കിടയിലൂടെ നായ്ക്കള്‍ തലങ്ങും വിലങ്ങും സഞ്ചരിക്കുന്നതു ബദ്ധിമുട്ട് സൃഷ്ടിക്കുന്നുണ്ട്. ഉച്ചകഴിഞ്ഞാല്‍ പിന്നെ നായ്ക്കളുടെ വിശ്രമകേന്ദ്രമാകുകയാണ് ആശുപത്രി. വാര്‍ഡുകളില്‍ വരെ കടന്നുചെല്ലുന്ന നായ്ക്കള്‍ ഉയര്‍ത്തുന്ന ഭീഷണി ചെറുതല്ല. നന്ദിയോട്, പെരിങ്ങമ്മല മാര്‍ക്കറ്റുകളും നായ്ക്കളെക്കൊണ്ടു നിറഞ്ഞതായി പരാതിയുണ്ട്. മറ്റു പൊതു സ്ഥലങ്ങളിലും നായ്ക്കള്‍ ജനത്തിനു ബുദ്ധിമുട്ട് സൃഷ്ടിക്കുകയാണ്. പഞ്ചായത്തുകള്‍ക്ക് ഇവയെ കൊല്ലാനോ പിടിക്കാനോ നിയമമില്ലത്രെ.
എന്നാല്‍ വന്ധ്യംകരണം നടത്താം. അതു മൃഗാശുപത്രി മുഖേനയാണു നടത്തേണ്ടത്. അതു പോലും ഇപ്പോള്‍ നടക്കുന്നില്ലെന്നു പരാതിയുണ്ട്. നന്ദിയോട് സ്കൂളില് കയറി കുട്ടികളെ കടിച്ച സംഭവംവരെ അടുത്തകാലത്ത് ഉണ്ടായിട്ടും അധികൃതരുടെ കണ്ണു തുറപ്പിക്കാന്‍ പര്യാപ്തമായില്ല. ജനത്തിനു ഭീഷണി ഉയര്‍ത്തുന്ന നായ്ക്കളെ നിയന്ത്രിക്കാന്‍ സര്‍ക്കാര്‍ ഇടപെട്ടു നടപടി സ്വീകരിക്കണമെന്ന ആവശ്യം വ്യാപകമായിട്ടുണ്ട്.
Sunday, June 3, 2012
വിതുരയിലെ ഹൈമാസ്റ്റ് ലൈറ്റ് കത്തിക്കണം
വിതുര. ജനകീയാസൂത്രണ പദ്ധതിയുടെ ഭാഗമായി വിതുര പഞ്ചായത്ത് ഒന്‍പതു ലക്ഷം രൂപ വിനിയോഗിച്ചു വിതുര കലുങ്കിലും മാര്‍ക്കറ്റ് ജംക്ഷനിലും സ്ഥാപിച്ച ഹൈമാസ്റ്റ് ലൈറ്റുകള്‍ അടിയന്തരമായി കത്തിക്കണമെന്നു യൂത്ത്കോണ്‍ഗ്രസ് വിതുര മണ്ഡലം പ്രസിഡന്റ് ബി.ആര്‍.സുനില്‍കുമാര്‍ ആവശ്യപ്പെട്ടു.
Tuesday, May 22, 2012
പതിറ്റാണ്ടുകള്‍ കഴിഞ്ഞിട്ടും പണിതീരാതെ പേരയം - പുള്ളിനട റോഡ്
പ്രതിദിനം നൂറുകണക്കിന് വാഹനങ്ങളും അതിന്റെ പത്തിരട്ടി യാത്രക്കാരും ഉപയോഗിക്കുന്ന റോഡിനാണ് ഈ ഗതികേട്. പ്രധാനമന്ത്രിയുടെ 'ഗ്രാമീണ സഡക് യോജന' പദ്ധതിയില്‍ ഉള്‍പ്പെടുത്തിയാണ് റോഡിന്റെ പണി ആരംഭിച്ചത്. റോഡിനാവശ്യമായ സ്ഥലമെടുപ്പ് ആരംഭിച്ചതോടെ പ്രശ്‌നങ്ങളായി. പല സ്ഥലങ്ങളിലും പഴയപടി വലിയ വളവുകള്‍ നിലനിര്‍ത്തി റോഡ്പണിയാന്‍ തിടുക്കം കാട്ടിയെന്ന് ആക്ഷേപമുയര്‍ന്നു. റോഡിന് വീതികൂട്ടാനായി വസ്തു വിട്ടുകൊടുക്കുന്നതിനെച്ചൊല്ലിയായി അടുത്ത തര്‍ക്കം. ഇതും ഏറെനാള്‍ നീണ്ടുപോയി.
ബ്ലോക്ക് പഞ്ചായത്തിന്റെ കീഴില്‍ നടന്ന ജോലികളില്‍ പ്രദേശത്തെ രാഷ്ട്രീയ പാര്‍ട്ടികളുടെ ഇടപെടല്‍ കൂടി ആയതോടെ പണി പാതിവഴിയില്‍ നിലച്ചു.
പേരയം ആയിരവില്ലി ക്ഷേത്രം, പുള്ളിനട തുടങ്ങിയ പ്രദേശങ്ങളില്‍ നിന്നുള്ള ധാരാളം പേര്‍ പേരയം സ്‌കൂള്‍, പേരയം ചന്ത തുടങ്ങിയ സ്ഥലങ്ങളില്‍ എത്തുന്നതിന് ഏക ആശ്രയമാണിത്. കൂടാതെ പേരയം ടൗണില്‍ എത്താനും പേരയത്തുനിന്നും പുള്ളിനട വഴി പാലുവള്ളിയിലെത്തിയാല്‍ പാലോട് ടൗണില്‍ എത്താന്‍ അഞ്ച് കിലോമീറ്ററിലധികം ലാഭിക്കാം. നിലവില്‍ പത്ത് കിലോമീറ്റര്‍ ചുറ്റിസഞ്ചരിച്ച് താന്നിമൂട് വഴിയാണ് ചെങ്കോട്ട റോഡില്‍ എത്തേണ്ടത്. ഇക്ബാല്‍ കോളേജില്‍ ഉള്‍പ്പെടെ പഠിക്കാനെത്തുന്ന നൂറുകണക്കിന് വിദ്യാര്‍ഥികള്‍ പ്രതിദിനം ഈ ദുരിതയാത്ര കടന്നുവേണം പാലോട്ട് ടൗണില്‍ എത്താന്‍. പേരയം-പുള്ളിനട റോഡ് അടിയന്തരമായി പണി പൂര്‍ത്തീകരിക്കാനായി പുതിയ പദ്ധതികള്‍ ആവിഷ്‌കരിക്കണമെന്നും റോഡ് ഗതാഗത യോഗ്യമാക്കണമെന്നും ആവശ്യപ്പെട്ട് സമര പരിപാടികള്‍ക്കൊരുങ്ങുകയാണ് നാട്ടുകാര്‍.
Sunday, May 20, 2012
പൈപ്പ് പൊട്ടിയൊഴുകുന്നത് വീടിനു ഭീഷണി
പാലോട്. പേരക്കുഴിയില്‍ പൈപ്പ് പൊട്ടി ജലം ഒഴുകുന്നതു സമീപത്തെ വീടിനു ഭീഷണിയാകുന്നു. പേരക്കുഴി എല്‍പിഎസിനു സമീപത്താണ് ഒരു മാസത്തോളമായി പൈപ്പ് പൊട്ടി സമീപത്തെ മണ്‍കട്ടയില്‍ തീര്‍ത്ത വീടിന്റെ സമീപത്തുകൂടി ജലം തോട്ടിലേക്ക് ഒഴുകുന്നത്. മാത്രമല്ല ഇവിടത്തെ നടപ്പാതയിലെ സ്ളാബില്‍ കൂടി ജലം ഒഴുകുന്നതുമൂലം പലരും തെന്നിവീഴുന്നതിനും കാരണമായിട്ടുണ്ട്.
Friday, May 18, 2012
ടാര്‍ പ്ലാന്റ് തുറക്കാന്‍ കമ്പനി ശ്രമിച്ചു; സമരക്കാര്‍ വീണ്ടും പൂട്ടിച്ചു
നന്ദിയോട്: തിങ്കളാഴ്ച ഇടതുസംഘടനകള്‍ സമരം പ്രഖ്യാപിച്ച് പൂട്ടിയ പച്ച ക്ഷേത്രത്തിനു സമീപത്തെ വിവാദമായ ടാര്‍ പ്ലാന്റ് വ്യാഴാഴ്ച കമ്പനി വീണ്ടും തുറന്നു. സ്ഥലത്തെത്തിയ നൂറിലധികം വരുന്ന സി.പി.എം, ഡി.വൈ.എഫ്.ഐ. പ്രവര്‍ത്തകര്‍ ചേര്‍ന്ന് പ്ലാന്റ് വീണ്ടും പൂട്ടി. രൂക്ഷമായ പരിസരമലിനീകരണവും പകര്‍ച്ചവ്യാധികളും ചൂണ്ടിക്കാട്ടി പ്രദേശവാസികള്‍ നടത്തിയ സമരത്തിനു തൊട്ടുപിന്നാലെയാണ് ഇടതുസംഘടനകള്‍ പ്രശ്നം ഏറ്റെടുത്തത്.
രാവിലെ ഏഴുമണിയോടെ പ്ലാന്റ് പ്രവര്‍ത്തിച്ചു. ഒമ്പതു മണിക്ക് സമരക്കാരെത്തി പ്രവര്‍ത്തനം നിര്‍ത്തിവയ്ക്കാന്‍ ആവശ്യപ്പെട്ടു. പ്ലാന്റ് നന്ദിയോട്ട് പ്രവര്‍ത്തിപ്പിക്കാന്‍ ആവശ്യമായ മതിയായ രേഖകളില്ലാതെ പ്രവര്‍ത്തനം മുന്നോട്ടു കൊണ്ടുപോകാനാവില്ലെന്ന നിലപാടിലാണ് സമരക്കാര്‍.
രാവിലെ മിക്‌സുചെയ്ത അസംസ്‌കൃതവസ്തുക്കള്‍ പുറത്തു കൊണ്ടുപോകാന്‍ അനുവദിക്കണമെന്ന് പ്ലാന്റ് അധികൃതര്‍ പറഞ്ഞു. തുടര്‍ന്ന് രണ്ടു ലോഡ് സാധനങ്ങള്‍ പുറത്തുകൊണ്ടുപോയി. ഈ സമയം പാലോട് പോലീസ് സ്ഥലത്തെത്തി. കമ്പനിയുടെ പ്രവര്‍ത്തനത്തെ സംബന്ധിച്ച് നാട്ടുകാര്‍ക്കും സമരക്കാര്‍ക്കുമുള്ള പരാതി മനസ്സിലാക്കിയശേഷം മുന്നോട്ടുപോകാമെന്നും ഇതിനായി പാലോട് സി.ഐ. മുമ്പാകെ ചര്‍ച്ച നടത്താമെന്നും തീരുമാനിച്ചതോടെയാണ് സമരക്കാര്‍ പിരിഞ്ഞുപോയത്.
തുടര്‍ന്ന് പാലോട് സി.ഐ. പ്രദീപ്കുമാര്‍ വിളിച്ചുചേര്‍ത്ത അനുരഞ്ജന ചര്‍ച്ച പരാജയപ്പെട്ടു. സമരസമിതി നേതാക്കള്‍, ടാര്‍പ്ലാന്റ് അധികൃതര്‍ എന്നിവരാണ് ചര്‍ച്ചയ്ക്ക് എത്തിയിരുന്നത്.
പഞ്ചായത്ത് ലൈസന്‍സ്, പൊല്യൂഷന്‍, ഹെല്‍ത്ത്, ഫയര്‍ഫോഴ്‌സ്, തഹസില്‍ദാരുടെ അനുമതിപത്രം എന്നിവയൊന്നുംതന്നെ ചര്‍ച്ചയില്‍ വയ്ക്കാനായില്ല. അതുകൊണ്ടുതന്നെ കമ്പനി അനധികൃതമായിട്ടാണ് പച്ചയില്‍ പ്രവര്‍ത്തിക്കുന്നതെന്ന് ചര്‍ച്ചയില്‍ പങ്കെടുത്ത സമരസമിതിയുടെ പ്രതിനിധികള്‍ പറയുന്നു.
ഇക്കാരണങ്ങളാല്‍ സര്‍ക്കാരിന്റെ ഔദ്യോഗിക അംഗീകാരം ഉണ്ടെന്ന കമ്പനിയുടെ വാദം തെറ്റാണെന്ന് ബോധ്യപ്പെട്ടതിനെത്തുടര്‍ന്ന് വരുംദിവസങ്ങളില്‍ സമരം ശക്തമാക്കുമെന്ന് ചര്‍ച്ചയില്‍ പങ്കെടുത്ത സി.പി.എം. നേതാവ് ജി.എസ്.ഷാബി, ആര്‍.എസ്.പി. നേതാവ് ജെ.ബാബു, സി.പി.ഐ. നേതാവ് വി.വൈ.അജിത് എന്നിവര്‍ അറിയിച്ചു. കഴിഞ്ഞദിവസം സമരം നടത്തിയതിന്റെ പേരില്‍ സി.പി.എം, ഡി.വൈ.എഫ്.ഐ. നേതാക്കളുടെ പേരില്‍ കമ്പനി ഡി.ജി.പി. ഉള്‍പ്പെടെയുള്ളവര്‍ക്ക് കേസ് നല്‍കിയിരുന്നു.
Tuesday, May 15, 2012
ബോംബ് നിര്‍മാണ കേസിലെ പ്രതി പൊലീസിനെ വെട്ടിച്ചു മുങ്ങി
വിതുര. ബോംബ് നിര്‍മാണക്കേസിലെ പ്രതി പൊലീസിനെ വെട്ടിച്ച് ഒാടി രക്ഷപ്പെട്ടു. തിരുവനന്തപുരം കഴക്കൂട്ടംഎഫ്സിഐ ഗോഡൌണിനു പിന്നിലുള്ള ആളൊഴിഞ്ഞ സ്ഥലത്തു ബോംബ് നിര്‍മിച്ചുകൊണ്ടിരിക്കുന്നതിനിടയില്‍ പൊട്ടിത്തെറിച്ചു രണ്ടുപേര്‍ക്കു പരുക്കേറ്റിരുന്നു.
ഇക്കഴിഞ്ഞ ബുധനാഴ്ച രാത്രി പത്തിനാണു സംഭവം. ഉഗ്രശബ്ദത്തോടെയുള്ള പൊട്ടിത്തെറി കേട്ടു നാട്ടുകാര്‍ ഒാടിയെത്തുകയും പരുക്കേറ്റു രക്തത്തില്‍ കുളിച്ചുകിടന്നവരെ ആശുപത്രിയില്‍ എത്തിക്കുകയും ചെയ്തു. തുമ്പവിളയില്‍കുളം സ്വദേശി നിസാം (17), ശാന്തി നഗര്‍ സ്വദേശി അനീഷ് (23) എന്നിവര്‍ക്കാണു പരുക്കേറ്റത്. ഇവരെ തുമ്പ പൊലീസ് പിടികൂടി. അനീഷിനെ റിമാന്‍ഡ് ചെയ്തു. നിസാം ആശുപത്രിയില്‍ ചികില്‍സയിലാണ്.
ഒപ്പമുണ്ടായിരുന്ന സുല്‍ഫി എന്ന യുവാവ് ഒാടി രക്ഷപ്പെട്ടതായി അനീഷും നിസാമും പൊലീസിനോടു പറഞ്ഞിരുന്നു. തുടര്‍ന്നു തുമ്പ പൊലീസ് അന്വേഷണം നടത്തിയെങ്കിലും പിടികൂടാനായില്ല. ഞായറാഴ്ച സുല്‍ഫി തൊളിക്കോട് പഞ്ചായത്തിലെ തോട്ടുമുക്കിലുള്ള ബന്ധുവീട്ടില്‍ ഒളിവില്‍ കഴിയുന്നതായി വിവരം ലഭിച്ചതിനെ തുടര്‍ന്നു തുമ്പ പൊലീസും വിതുര പൊലീസും ചേര്‍ന്നു തോട്ടുമുക്ക് വീട്ടിലെത്തി.
പരിശോധന നടത്തുന്നതിനിടയില്‍ പൊലീസ്വലയം ഭേദിച്ചു സുല്‍ഫി ഒാടി രക്ഷപ്പെട്ടു. പൊലീസ് സംഘം
പിന്നാലെ പാഞ്ഞെങ്കിലും ആനപ്പെട്ടിയിലുള്ള ഒരു എസ്റ്റേറ്റിനുള്ളിലേക്കു പ്രതി ഒാടിക്കയറി. അപ്പോഴേക്കും രാത്രിയായി. തുടര്‍ന്നു മണിക്കൂറുകളോളം പൊലീസ് സംഘം എസ്റ്റേറ്റിലും പരിസരപ്രദേശങ്ങളിലും പരിശോധന നടത്തിയെങ്കിലും സുല്‍ഫിയെ കണ്ടെത്താനായില്ല.
ബോംബ് പൊട്ടിത്തെറിച്ച സ്ഥലത്തു നിന്നു പൊട്ടാസ്യം ക്ളോറേറ്റിന്റെ അംശം പൊലീസും ഫോറന്‍സിക് വിദഗ്ധരും കണ്ടെത്തിയിരുന്നു. ഉഗ്രശേഷിയുള്ള ബോംബാണു നിര്‍മിച്ചതെന്നു പൊലീസ് പറയുന്നു. സംഭവത്തെക്കുറിച്ചു സമഗ്രമായ അന്വേഷണം നടന്നുവരികയാണ്. ആര്‍ക്കുവേണ്ടിയാണു ബോംബ് നിര്‍മിച്ചതെന്നും എന്തിനു വേണ്ടിയാണെന്നും വ്യക്തമായിട്ടില്ല. സംഭവവുമായി ബന്ധപ്പെട്ട മുഴുവന്‍ പേരെയും ഉടന്‍ അറസ്റ്റ് ചെയ്യുമെന്നു പൊലീസ് അറിയിച്ചു.
ഡി.വൈ.എഫ്.ഐ. പ്രവര്‍ത്തകര്‍ ടാര്‍ പ്ലാന്റ് ഉപരോധിച്ചു
നന്ദിയോട്: നന്ദിയോട് പഞ്ചായത്തിലെ വിവാദമായ ടാര്‍ പ്ലാന്റ് ഡി.വൈ.എഫ്.ഐ. നന്ദിയോട് ലോക്കല്‍ കമ്മിറ്റിയുടെ നേതൃത്വത്തില്‍ ഉപരോധിച്ചു. ഉപരോധ സമരം സി.പി.എം. നന്ദിയോട് ലോക്കല്‍ കമ്മിറ്റി സെക്രട്ടറി ജി.എസ്. ഷാബി ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്റും സെക്രട്ടറിയും രഹസ്യമായി ചേര്‍ന്ന് എഴുതി നല്‍കിയ എന്‍.ഒ.സി. നിലനില്‍ക്കുന്നതല്ലെന്നും ടാര്‍ പ്ലാന്റ് കമ്പനിക്ക് പൊല്യൂഷന്‍ സര്‍ട്ടിഫിക്കറ്റ് ഉള്‍പ്പെടെ ഒരു ലൈസന്‍സും ഇല്ലെന്നും ഡി.വൈ.എഫ്.ഐ. ആരോപിച്ചു. അതിനാല്‍ കമ്പനി ഉടന്‍ അടച്ചുപൂട്ടണം എന്നാവശ്യപ്പെട്ടാണ് പ്ലാന്റിന്റെ പടിക്കല്‍ ഇടത് സംഘടനകള്‍ സമരം തുടങ്ങിയത്.
ഉപരോധത്തില്‍ ബിമല്‍ അധ്യക്ഷത വഹിച്ചു. ഗ്രാമപ്പഞ്ചായത്തംഗം കവിത, ഡി.വൈ.എഫ്.ഐ. ലോക്കല്‍ കമ്മിറ്റി സെക്രട്ടറി സജീഷ്, സി.പി.എം. നേതാക്കളായ കെ.പി. ചന്ദ്രന്‍, എ. സദാനന്ദന്‍, എസ്. എസ്. മോഹനന്‍ എന്നിവര്‍ പ്രസംഗിച്ചു. രാവിലെ നന്ദിയോട് ടൗണില്‍ നിന്നും ആരംഭിച്ച പ്രകടനത്തോടെയാണ് സമരം ആരംഭിച്ചത്.
നേരത്തെ സമരം നടത്തിയിരുന്ന നാട്ടുകാരും കഴിഞ്ഞ ദിവസത്തെ സമരത്തോടെ രംഗത്ത് വന്നിട്ടുണ്ട്. പോലീസ് കേസ് നല്‍കി തങ്ങളെ ഒതുക്കാനുള്ള ശ്രമങ്ങള്‍ ഇനി വിലപ്പോവില്ലെന്നും ഗ്രാമപ്പഞ്ചായത്ത് നല്‍കിയ വ്യാജരേഖകളാണ് കമ്പനി പോലീസില്‍ നല്‍കിയതെന്നും സമരത്തിന് നേതൃത്വം നല്‍കുന്ന സജീഷ് പറഞ്ഞു.
Monday, May 14, 2012
നാല് ദിവസമായി കുടിവെള്ളമില്ല
പാലോട്: പാലോട് പമ്പ് ഹൗസിന്റെ പരിധിയിലുള്ള പ്രദേശങ്ങളില്‍ കഴിഞ്ഞ നാലുദിവസമായി കുടിവെള്ളം മുടങ്ങുന്നതായി പരാതി. പ്ലാവറ, കള്ളിപ്പാറ, പാലോട് ടൗണ്‍ തുടങ്ങിയ പ്രദേശങ്ങളിലാണ് കുടിവെള്ളം സ്ഥിരമായി മുടങ്ങുന്നത്. ചൊവ്വാഴ്ച രാവിലെ വെള്ളം ലഭിച്ചിരുന്നു. തുടര്‍ന്ന് ലൈനില്‍ വെള്ളം വന്നില്ലെന്ന് ഉപഭോക്താക്കള്‍ പറയുന്നു. ആസ്പത്രി, ഹോട്ടല്‍, സര്‍ക്കാര്‍ സ്ഥാപനങ്ങള്‍ എന്നിവിടങ്ങളിലെ ദൈനംദിന പ്രവര്‍ത്തനങ്ങള്‍ തകരാറിലാണ്.
ടാര്‍ പ്ലാന്റ് അടച്ചുപൂട്ടണമെന്നാവശ്യപ്പെട്ട് ഇടതുസംഘടനകള്‍ സമരത്തിന്
നന്ദിയോട്: ഒരു ലൈസന്‍സും ഇല്ലാതെ പച്ച ക്ഷേത്രത്തിന് സമീപം പ്രവര്‍ത്തിക്കുന്ന ടാര്‍ പ്ലാന്റ് അടച്ചുപൂട്ടണമെന്നാവശ്യപ്പെട്ട് ഒടുവില്‍ ഇടതുസംഘടനകളും രംഗത്തുവന്നു.
തിങ്കളാഴ്ച ഗ്രാമപ്പഞ്ചായത്ത് പടിക്കല്‍ നിന്നാരംഭിക്കുന്ന സമര ജാഥ പ്ലാന്റിന്റെ മുന്നില്‍ എത്തുന്നതോടെ സമരം ആരംഭിക്കും. ഒരു നിയമാനുവാദങ്ങളുമില്ലാതെ വളരെ ആരോഗ്യ പ്രശ്നങ്ങള് സൃഷ്ടിക്കുന്ന ടാര്‍ പ്ലാന്റ് മാറ്റി സ്ഥാപിക്കുന്നതുവരെ സമരം തുടരുമെന്ന് സി.പി.എം ലോക്കല്‍ കമ്മിറ്റി സെക്രട്ടറി ജി.എസ്.ഷാബി പറഞ്ഞു.
ഇതോടെ ഗ്രാമപ്പഞ്ചായത്ത് കഴിഞ്ഞ ദിവസം ഉണ്ടാക്കിയ സമവായക്കരാര്‍ കടലാസില്‍ ഒതുങ്ങും. ഡി.വൈ.എഫ്.ഐ പ്ലാന്റിന്റെ കവാടത്തില്‍ സമരം ശക്തിപ്പെടുത്തുന്നതോടെ സി.പി.എം പഞ്ചായത്ത് ഭരണ സമിതിക്കെതിരെയുള്ള സമരപരിപാടികള്‍ക്കും ആക്കം കൂട്ടും. പഞ്ചായത്ത് കമ്മിറ്റി വിളിച്ചു ചേര്‍ക്കാതെ പ്രസിഡന്റും സെക്രട്ടറിയും ചേര്‍ന്ന് രഹസ്യമായി എന്‍.എ.പി.സി എന്ന ടാര്‍ കമ്പനിക്ക് എന്‍. ഒ. സി എഴുതി നല്‍കിയ സംഭവത്തെ ആയുധമാക്കിയാണ് ഇടത് സംഘടനകള്‍ പഞ്ചായത്തിനെതിരെ സമരം തുടങ്ങുന്നത്. മാര്‍ച്ച് ഒമ്പതിന് നല്‍കിയ ഈ എന്‍.ഒ.സിയെപ്പറ്റി 'മാതൃഭൂമി' കഴിഞ്ഞ ദിവസം വാര്‍ത്ത നല്‍കിയതോടെയാണ് രഹസ്യക്കരാര്‍ പുറത്തറിഞ്ഞത്.
ഇതിനിടെ പ്രദേശവാസികളായ സമരക്കാരുമായി പഞ്ചായത്ത് കമ്മിറ്റി ഉണ്ടാക്കിയ കരാറും തങ്ങളെ കബളിപ്പിക്കും വിധമാണ് എഴുതി തയ്യാറാക്കിയതെന്ന് നാട്ടുകാര്‍ പറയുന്നു. അറുപത് ദിവസത്തേക്കുകൂടി മാത്രമേ ടാര്‍ പ്ലാന്റ് പ്രവര്‍ത്തിക്കൂ. അതിനുകൂടി സമയം അനുവദിക്കണം എന്നാണ് തങ്ങളോട് പറഞ്ഞതെന്നും പിന്നീട് നേതാക്കന്മാര്‍ എഗ്രിമെന്റ് വ്യവസ്ഥകള്‍ എഴുതി ഉണ്ടാക്കിയപ്പോള്‍ അത് കമ്പനിയുടെ 60 പ്രവൃത്തി ദിനങ്ങള്‍ എന്നാക്കിയതില്‍ തട്ടിപ്പിന്റെ മുഖമുണ്ടെന്നും സമരക്കാര്‍ പറയുന്നു.
തിങ്കളാഴ്ച മുതല്‍ പ്ലാന്റിന്റെ പടിക്കല്‍ നടക്കുന്ന സമരത്തിന് ഡി.വൈ.എഫ്.ഐ. നന്ദിയോട് ലോക്കല്‍ കമ്മിറ്റി സെക്രട്ടറി സജീഷാണ് നേതൃത്വം നല്‍കുന്നത്.
Thursday, May 3, 2012
കോട്ടവരമ്പില്‍ മാലിന്യം തള്ളുന്നു
പാലോട്. പേരയം കോട്ടവരമ്പ് ഭഗവതി ക്ഷേത്രത്തിനു സമീപം മാലിന്യം തള്ളുന്നതു ദര്‍ശനത്തിനെത്തുന്നവര്‍ക്കും നാട്ടുകാര്‍ക്കും ദുരിതം വിതയ്ക്കുന്നതായി പരാതി. രാത്രികാലങ്ങളിലാണു മാലിന്യം തള്ളുന്നത്. മാലിന്യം തള്ളുന്നവരെ കണ്ടെത്താന്‍ പൊലീസ് ഉണര്‍ന്നു പ്രവര്‍ത്തിക്കണമെന്നു നാട്ടുകാര്‍ ആവശ്യപ്പെട്ടു.
Tuesday, May 1, 2012
പച്ച നീന്തല്‍ക്കുളം അപകടാവസ്ഥയില്‍
കൗണ്‍സിലിന്റെ തികഞ്ഞ അനാസ്ഥയിലും പ്രതിദിനം 250 ലധികം കുട്ടികള്‍ ഇവിടെ നീന്തല്‍ പരിശീലനത്തിന് എത്തുന്നുണ്ട്. കഴിഞ്ഞ ദിവസം ഇവിടെ പരിശീലനത്തിനിറങ്ങിയ ആകാശ് എന്ന വിദ്യാര്‍ഥിയുടെ കാലിന്റെ പെരുവിരല്‍ തുന്നിക്കെട്ടാന്‍ പോലും കഴിയാത്ത വിധത്തില്‍ കീറിമുറിഞ്ഞു. ടൈല്‍സ് പാതിയും പൊട്ടിപ്പൊളിഞ്ഞു. ഗേറ്റിങ്‌സ് (ഗ്രില്‍) കാസ്റ്റ് അയണ്‍ ആയതിനാല്‍ തുരുമ്പെടുത്ത കമ്പികളായി മാറി. മറ്റ് കുളങ്ങളില്‍ ഫൈബര്‍ ഗേറ്റിങ്‌സ് ആണ് ഉപയോഗിക്കുന്നത് എന്നിരിക്കേ ഇവിടെ അത് കാസ്റ്റ് അയണ്‍ കമ്പികളാണ്. ഇത് അപകടം ഇരട്ടിയാക്കുന്നു.
കുളം ശുചീകരിക്കാനുള്ള സംവിധാനവും നാമമാത്രമാണ്. സെക്ഷന്‍ സ്വീപ്പിങ്ങിനുള്ള മിഷ്യന്റെ ബ്രഷ് നാട്ടുകാരാണ് ഇപ്പോള്‍ വാങ്ങി നല്‍കിയത്. ഈ ഉപകരണം ഒന്നുകൊണ്ടുമാത്രം കുളം വൃത്തിയാക്കാനാകുന്നില്ല. അതുകൊണ്ടുതന്നെ കുളത്തിലിറങ്ങുന്ന നീന്തല്‍താരങ്ങള്‍ക്ക് തൊലിപ്പുറത്തുള്ള രോഗങ്ങളും കൂടുതലാണ്. ഒരു ഫില്‍റ്റര്‍ മാത്രംവച്ച് എത്രദിവസം കുളം മുന്നോട്ടുകൊണ്ട് പോകാന്‍ കഴിയും എന്ന കാര്യത്തിലും സംശയമുണ്ട്.
'പൂള്‍ഡക്ക്' മുഴുവന്‍ കാടുകയറി. സെപ്റ്റിക് ടാങ്ക് വെള്ളം കൊണ്ട് നിറഞ്ഞതിനാല്‍ ഏതുനിമിഷവും അടച്ചിടേണ്ടിവരും. ഈ അപകടകരമായ സാഹചര്യത്തിലാണ് ജില്ലയിലെ 1200 നീന്തല്‍ താരങ്ങളും 30 നീന്തല്‍ക്ലബ്ബുകളും, 500ലധികം രക്ഷിതാക്കളും പച്ച നീന്തല്‍ക്കുളത്തില്‍ വ്യാഴാഴ്ച മുതല്‍ ഞായറാഴ്ച വരെ മത്സരങ്ങള്‍ക്കായി എത്തുന്നത്.
ജില്ലാ നീന്തല്‍ മത്സരം മൂന്നുമുതല്‍
പാലോട്: കണ്ണൊന്നുപിഴച്ചാല്‍ പൊട്ടിയ ടൈല്‍സിലോ, തുരുമ്പെടുത്ത കമ്പിയിലോ കൊണ്ട് കാല്‍ കീറും. എപ്പോള്‍ വേണമെങ്കിലും പ്രവര്‍ത്തനം നിലയ്ക്കാവുന്ന ഒരേയൊരു മോട്ടോര്‍. പ്രാഥമിക കര്‍മങ്ങള്‍ക്ക് മറ്റ് സ്ഥലങ്ങളെ ആശ്രയിക്കേണ്ട ഗതികേട്... ഇത്രയും ചേര്‍ന്നാല്‍ സ്‌പോര്‍ട്‌സ് കൗണ്‍സിലിനു കീഴിലുള്ള നന്ദിയോട്ടെ പച്ച നീന്തല്‍ക്കുളമായി. ഇവിടെയാണ് വ്യാഴാഴ്ച മുതല്‍ ജില്ലാ അക്വാട്ടിക് ചാമ്പ്യന്‍ഷിപ്പിന് വേദിയാകുന്നത്.
കൗണ്‍സിലിന്റെ തികഞ്ഞ അനാസ്ഥയിലും പ്രതിദിനം 250 ലധികം കുട്ടികള്‍ ഇവിടെ നീന്തല്‍ പരിശീലനത്തിന് എത്തുന്നുണ്ട്. കഴിഞ്ഞ ദിവസം ഇവിടെ പരിശീലനത്തിനിറങ്ങിയ ആകാശ് എന്ന വിദ്യാര്‍ഥിയുടെ കാലിന്റെ പെരുവിരല്‍ തുന്നിക്കെട്ടാന്‍ പോലും കഴിയാത്ത വിധത്തില്‍ കീറിമുറിഞ്ഞു. ടൈല്‍സ് പാതിയും പൊട്ടിപ്പൊളിഞ്ഞു. ഗേറ്റിങ്‌സ് (ഗ്രില്‍) കാസ്റ്റ് അയണ്‍ ആയതിനാല്‍ തുരുമ്പെടുത്ത കമ്പികളായി മാറി. മറ്റ് കുളങ്ങളില്‍ ഫൈബര്‍ ഗേറ്റിങ്‌സ് ആണ് ഉപയോഗിക്കുന്നത് എന്നിരിക്കേ ഇവിടെ അത് കാസ്റ്റ് അയണ്‍ കമ്പികളാണ്. ഇത് അപകടം ഇരട്ടിയാക്കുന്നു.
രണ്ട് മോട്ടോര്‍ ഉണ്ടായിരുന്നതില്‍ ഒരെണ്ണം പ്രവര്‍ത്തനം അവസാനിച്ചിട്ട് വര്‍ഷം ഒന്നുതികയുന്നു. മത്സരത്തിനിടെ മോട്ടോര്‍ പ്രവര്‍ത്തനം നിലച്ചാല്‍ ജില്ലാ മത്സരം തന്നെ ത്രിശങ്കുവിലാകും. എന്നിട്ടും എന്ത് ധൈര്യത്തിലാണ് പച്ചയില്‍ മത്സരം നടത്തുന്നതെന്ന് അധികൃതര്‍ക്കും അറിയില്ല. കൗണ്‍സില്‍ പച്ചനീന്തല്‍ക്കുളം പാടെ ഉപേക്ഷിച്ച മട്ടാണ്. ഏതെങ്കിലുമൊരു കൗണ്‍സില്‍ പ്രസിഡന്റ് ഇവിടേക്ക് തിരിഞ്ഞുനോക്കിയിട്ട് വര്‍ഷങ്ങള്‍ കഴിയുന്നു.
കുളം ശുചീകരിക്കാനുള്ള സംവിധാനവും നാമമാത്രമാണ്. സെക്ഷന്‍ സ്വീപ്പിങ്ങിനുള്ള മിഷ്യന്റെ ബ്രഷ് നാട്ടുകാരാണ് ഇപ്പോള്‍ വാങ്ങി നല്‍കിയത്. ഈ ഉപകരണം ഒന്നുകൊണ്ടുമാത്രം കുളം വൃത്തിയാക്കാനാകുന്നില്ല. അതുകൊണ്ടുതന്നെ കുളത്തിലിറങ്ങുന്ന നീന്തല്‍താരങ്ങള്‍ക്ക് തൊലിപ്പുറത്തുള്ള രോഗങ്ങളും കൂടുതലാണ്. ഒരു ഫില്‍റ്റര്‍ മാത്രംവച്ച് എത്രദിവസം കുളം മുന്നോട്ടുകൊണ്ട് പോകാന്‍ കഴിയും എന്ന കാര്യത്തിലും സംശയമുണ്ട്.
'പൂള്‍ഡക്ക്' മുഴുവന്‍ കാടുകയറി. സെപ്റ്റിക് ടാങ്ക് വെള്ളം കൊണ്ട് നിറഞ്ഞതിനാല്‍ ഏതുനിമിഷവും അടച്ചിടേണ്ടിവരും. ഈ അപകടകരമായ സാഹചര്യത്തിലാണ് ജില്ലയിലെ 1200 നീന്തല്‍ താരങ്ങളും 30 നീന്തല്‍ക്ലബ്ബുകളും, 500ലധികം രക്ഷിതാക്കളും പച്ച നീന്തല്‍ക്കുളത്തില്‍ വ്യാഴാഴ്ച മുതല്‍ ഞായറാഴ്ച വരെ മത്സരങ്ങള്‍ക്കായി എത്തുന്നത്.
കല്ലാറില്‍ കുപ്പിയും കുപ്പിച്ചില്ലും നിറയുന്നു
നദിക്കു പുറമെ പൊന്‍മുടി റോഡിന്‍െറ വിവിധ ഭാഗങ്ങളിലും കുപ്പികള്‍ എറിഞ്ഞുടച്ചിട്ടിരിക്കുന്നതു ദൃശ്യമാണ്. നദിയില്‍ സൂക്ഷിച്ചിറങ്ങിയില്ലെങ്കില്‍ കാലില്‍നിന്നു ചോര വാര്‍ന്നൊഴുകും. അപായ ബോര്‍ഡുകളിലും കുപ്പികള്‍ എറിയുന്നതുമൂലം ബോര്‍ഡുകള്‍ തകര്‍ന്നു കിടക്കുകയാണ്. വേനല്‍ കടുത്തതോടെ നദിയില്‍ കുളിക്കാനെത്തുന്നവരുടെ എണ്ണം വര്‍ധിച്ചു. നദിയില്‍ കുളിക്കാനിറങ്ങുന്ന യുവസംഘങ്ങളുടെ വികൃതിമൂലം പൊറുതിമുട്ടിയെന്നു കല്ലാര്‍ നിവാസികള്‍ പരാതിപ്പെട്ടു.
യുവസംഘങ്ങള്‍ മണിക്കൂറുകളോളമാണു നദിയില്‍ നീരാടുന്നത്. വേനല്‍ മൂര്‍ച്ഛിച്ചതോടെ നദിയിലെ ജലം ശേഖരിച്ചാണു നാട്ടുകാര്‍ ഉപയോഗിക്കുന്നത്. വെള്ളം ശേഖരിക്കാന്‍ എത്തുന്ന സ്ത്രീകളെയും പെണ്‍കുട്ടികളെയും നീരാട്ടു സംഘങ്ങള്‍ ശല്യപ്പെടുത്തുന്നതായും പരാതിയുണ്ട്. ആദിവാസി മേഖലയില്‍ വരെ ടൂറിസ്റ്റ് യുവസംഘങ്ങള്‍ എത്തി വീട്ടമ്മമാരെ ശല്യപ്പെടുത്തിയതായി ആദിവാസികള്‍ അറിയിച്ചു.
കുപ്പിയുമായി കല്ലാര്‍, മൊട്ടമൂട്, ആറാനക്കുഴി ആദിവാസി മേഖലയില്‍ എത്തുന്ന സംഘങ്ങള്‍ വൈകിട്ടു വരെ വനത്തില്‍ തമ്പടിച്ചു പ്രശ്നം സൃഷ്ടിക്കുന്നതായാണു പരാതി.
സംഘങ്ങള്‍ തമ്മിലും അടിപിടി ഉണ്ടാകാറുണ്ട്. കല്ലാര്‍ മേഖലയിലെ പ്രശ്നങ്ങള് പരിഹരിക്കുന്നതിനായി പൊലീസ് ഒൌട്ട്പോസ്റ്റ് സ്ഥാപിക്കുമെന്ന മുന്‍ റൂറല്‍ എസ്പിയുടെ വാഗ്ദാനത്തിനു പത്തു വയസ്സു കഴിഞ്ഞിട്ടും യാഥാര്‍ഥ്യമായില്ല.
കുരിശടി - ബ്രൈമൂര്‍ റോഡ് തകര്‍ന്നു, യാത്ര അപകടകരമായി
പാലോട്. പെരിങ്ങമ്മല പഞ്ചായത്തിലെ മങ്കയം കുരിശടി മുതല്‍ ബൈമൂര്‍ വരെയുള്ള ഭാഗം തകര്‍ന്ന് യാത്ര ദുരിതവും അപകടകരവുമായി. വീതികുറഞ്ഞതും വളവുകള്‍ നിറഞ്ഞതുമായ റോഡിന്റെ വശങ്ങളെല്ലാം ഇടിഞ്ഞു നശിച്ച നിലയിലാണ്. കനത്ത മഴ കൂടിയായതിനാല്‍ യാത്ര അപകടം നിറഞ്ഞതായിരിക്കുകയാണ്. അടിയന്തരമായി റോഡ് സഞ്ചാരയോഗ്യമാക്കണമെന്നു നാട്ടുകാര്‍ ആവശ്യപ്പെട്ടു
Subscribe to:
Posts (Atom)