16-കാരിയെ തട്ടിക്കൊണ്ടുപോയി പീഡിപ്പിച്ചെന്ന് പരാതി; 22 കാരന്‍ റിമാന്‍ഡില്‍

പാലോട്: പ്ലസ്‌വണ്‍ വിദ്യാര്‍ഥിനിയായ ആദിവാസി പെണ്‍കുട്ടിയെ തട്ടിക്കൊണ്ടുപോയെന്ന കേസില്‍ യുവാവിനെ പാലോട് പോലീസ് അറസ്റ്റുചെയ്തു. പെരിങ്ങമ്മല ഇടവം നാല്‌സെന്റ് കോളനിയില്‍ ആശാരിപ്പണിയിലേര്‍പ്പെട്ട സജിമോന്‍ (22) ആണ് അറസ്റ്റിലായത്. പാലോട് സി.ഐ. വി.എസ്.പ്രദീപ്, എസ്.ഐ. ബി.ബൈജു എന്നിവര്‍ ചേര്‍ന്ന് പ്രതിയെ അറസ്റ്റുചെയ്തു.

സംഭവത്തെപ്പറ്റി പാലോട് പോലീസ് പറയുന്നതിങ്ങനെ: പ്ലസ്‌വണ്‍ വിദ്യാര്‍ഥിനിയെ ജിപ്പിലെ ക്ലീനറായി വരുന്നതിനിടയില്‍ സജി പരിചയപ്പെട്ടു. തുടര്‍ന്ന് പ്രേമം നടിച്ച് പെണ്‍കുട്ടിയെ വശത്താക്കി. ഈ മാസം 15ന് കുളത്തൂപ്പുഴ കണ്ടുവരാമെന്നു പറഞ്ഞ് പെണ്‍കുട്ടിയെ ജീപ്പില്‍ കൂട്ടിക്കൊണ്ടുപോവുകയായിരുന്നു. തുടര്‍ന്ന് കഴിഞ്ഞ ഒരാഴ്ചയായി ഇടവം, തെന്മല, അടിപറമ്പ്, ശാസ്താംനട തുടങ്ങിയ സ്ഥലങ്ങളില്‍ കൊണ്ടുപോയി പീഡിപ്പിക്കുകയായിരുന്നു.

ഇതിനിടെ പെണ്‍കുട്ടിയുടെ പിതാവ് കുട്ടിയെ കാണാനില്ലെന്ന് പാലോട് സി.ഐക്ക് പരാതി നല്‍കി.

പ്രതി നേരത്തെയും ക്രിമിനല്‍ കേസ്സുകളില്‍പ്പെട്ട ആളാണെന്നും ഈ സംഭവത്തില്‍ ഉള്‍പ്പെട്ട പ്രതിയുടെ സുഹൃത്തുക്കളെക്കൂടി അറസ്റ്റുചെയ്യുമെന്നും പോലീസ് പറയുന്നു.

യുവാവിന്റെ മുഖത്ത് ആസിഡൊഴിച്ചു; മൂന്നുപേര്‍ അറസ്റ്റില്‍

വിതുര: രാത്രി ബൈക്കില്‍ വരികയായിരുന്ന യുവാവിന്റെ മുഖത്ത് ആസിഡൊഴിച്ച സംഭവവുമായി ബന്ധപ്പെട്ട് മൂന്നുപേരെ വിതുര പോലീസ് അറസ്റ്റുചെയ്തു. വിതുര പേപ്പാറ റോഡ് കാലന്‍കാവ് 'ദേവശ്രീ'യില്‍ എ.ബിജു (35) വിന്റെ മുഖത്ത് വെള്ളിയാഴ്ച രാത്രിയാണ് ആസിഡൊഴിച്ചത്. കണ്ണിനുള്ളില്‍ പൊള്ളലേറ്റ ബിജു തിരുവനന്തപുരം കണ്ണാസ്​പത്രിയില്‍ ചികിത്സയിലാണ്. പേപ്പാറ റോഡ് ചപ്പാത്ത് ഓക്‌സ്‌ഫോര്‍ഡ് സ്‌കൂളിനു സമീപം രാത്രി എട്ടു മണിയോടെയായിരുന്നു സംഭവം. വിതുര മേമല നീതുഭവനില്‍ ബി.അരവിന്ദ് (21), ചപ്പാത്ത് കുന്നുംപുറത്ത് എസ്. റെജി (35), മാങ്കാല കിണറുവെട്ടിയ മണ്‍പുറത്ത് ജി. ശ്യാംലാല്‍ (21) എന്നിവരാണ് അറസ്റ്റിലായത്. എസ്.ഐ. സിജു കെ.എല്‍.നായരുടെ നേതൃത്വത്തിലുള്ള പോലീസ് സംഘമാണ് ശനിയാഴ്ച ഇവരെ അറസ്റ്റുചെയ്തത്. വ്യക്തിവൈരാഗ്യമാണ് അക്രമത്തിനു പിന്നിലെന്ന് പോലീസ് അറിയിച്ചു. ബിജുവും പ്രതികളും കെട്ടിടനിര്‍മാണ തൊഴിലാളികളാണ്.

പേരയത്ത് ഒരാള്‍ക്ക് കുത്തേറ്റു

പാലോട്. പേരയത്തിനടുത്ത് ഇരുവര്‍ തമ്മിലുള്ള വാക്കുതര്‍ക്കത്തെ തുടര്‍ന്ന് ഒരാള്‍ക്കു കുത്തേറ്റു. പേരയം പൊടിക്കിലാം അച്ചുഭവനില്‍ സതീശനാണു കുത്തേറ്റ്  ചികില്‍സയില്‍ കഴിയുന്നത്. സംഭവവുമായി ബന്ധപ്പെട്ട് പേരയം പൊടിക്കിലാം വിഷ്ണു ഭവനില്‍ വിക്രമന്റെയും മകന്‍ വിഷ്ണുവിന്റെയും പേരില്‍ കേസെടുത്തതായി പൊലീസ് അറിയിച്ചു. ടാപ്പിങ് കത്തി കൊണ്ടാണു കുത്തിയത്. അപവാദം പറഞ്ഞുവെന്ന കാരണത്താലാണ് ഇവര്‍ തമ്മില്‍ വഴക്കുണ്ടായത്. തുടര്‍ന്ന് കത്തിക്കുത്തില്‍ കലാശിച്ചുവെന്നു പൊലീസ് പറഞ്ഞു.

ആദിവാസിയുവതി പൊള്ളലേറ്റ് മരിച്ച സംഭവം: ഭര്‍ത്താവ് അറസ്റ്റില്‍

പാലോട്: തെന്നൂര്‍, മുളമൂട്ട് മണ്‍പുറത്ത് തടത്തരികത്ത് വീട്ടില്‍ ആദിവാസി യുവതി ബീന (24) ഭര്‍തൃഗൃഹത്തില്‍ പൊള്ളലേറ്റ സംഭവത്തില്‍ ഭര്‍ത്താവ് ആര്യനാട് ആനന്ദേശ്വരം വിളയില്‍ വീട്ടില്‍ ബിനു (36) വിനെ ചടയമംഗലം പോലീസ് അറസ്റ്റുചെയ്തു.

തന്നെ ഭര്‍ത്താവ് നിരന്തരമായി പീഡിപ്പിക്കുന്നു എന്ന് ചൂണ്ടിക്കാട്ടി ബീന, അമ്മ വാസന്തിയെ നിരവധി തവണ വിവരമറിയിച്ചിരുന്നു. ഇക്കാര്യങ്ങള്‍ ചൂണ്ടിക്കാട്ടി വാസന്തി ആഭ്യന്തരവകുപ്പ് മന്ത്രിക്ക് നല്‍കിയ പരാതിയിന്മേല്‍ നടത്തിയ അന്വേഷണത്തിലാണ് ചടയമംഗലത്തെ ഒരു റബ്ബര്‍എസ്റ്റേറ്റില്‍നിന്നും ബിനുവിനെ അറസ്റ്റുചെയ്തത്.

ഇക്കഴിഞ്ഞ ഫിബ്രവരി 8നായിരുന്നു ശരീരമാസകലം പൊള്ളലേറ്റനിലയില്‍ ബീനയെ മെഡിക്കല്‍കോളേജില്‍ പ്രവേശിപ്പിച്ചത്. ഇതിന് ഒന്നര മണിക്കൂര്‍ മുമ്പും ഭര്‍ത്താവ് തന്നെ കൊല്ലുമെന്ന് ഭീഷണിപ്പെടുത്തിയതായി ബീന അമ്മയെ ഫോണില്‍ വിളിച്ചറിയിച്ചിരുന്നു. ബീനയുടെ ശവസംസ്‌കാരചടങ്ങുകള്‍ക്കുപോലും ബിനു പങ്കെടുത്തിരുന്നില്ല.

ഇയാള്‍ മുമ്പ് രണ്ട് വിവാഹം കഴിച്ചിരുന്നതായി പോലീസ് പറയുന്നു. പരുത്തിപ്പള്ളി സ്വദേശിനി ശുഭലേഖ (21) യായിരുന്നു ആദ്യ ഭാര്യ. ഈ പെണ്‍കുട്ടിയും വിഷം കഴിച്ചു മരിക്കുകയായിരുന്നത്രേ. അന്നും നാട്ടുകാര്‍ മരണത്തില്‍ സംശയമുന്നയിച്ചിരുന്നു. രണ്ടാമത്തെ വിവാഹത്തിലെ പെണ്‍കുട്ടി ഒരു വര്‍ഷം കഴിഞ്ഞപ്പോള്‍ പിണങ്ങിപ്പോവുകയായിരുന്നു. മൂന്നാമത്തെ വിവാഹമായിരുന്നു ബീനയുടേത്. ഇതില്‍ രണ്ടു വയസ്സുള്ള ഒരു മകള്‍ കൂടിയുണ്ട്.

ബിനുവിന്റെ നേരത്തെയുള്ള ഭാര്യയുടെ മരണവും അന്വേഷണവിധേയമാക്കണമെന്ന് ആദിവാസി സംഘടനകള്‍ ആവശ്യപ്പെട്ടു.

നിരവധി കേസുകളിലെ പ്രതി പോത്ത് ഷാജി അറസ്റ്റില്‍

വിതുര: തിരുവനന്തപുരം, കൊല്ലം ജില്ലകളിലെ വിവിധ പോലീസ് സ്റ്റേഷനുകളില്‍ കേസുകളുള്ള ഗുണ്ട ഷാജി എന്ന പോത്ത് ഷാജി (33)യെ വിതുര പോലീസ് അറസ്റ്റ് ചെയ്തു. വിതുര തൊളിക്കോട് തേവന്‍പാറ സ്വദേശിയായ ഷാജിയെ 24ന് രാത്രി 11 ഓടെ തൊളിക്കോട്ടുനിന്നാണ് അറസ്റ്റുചെയ്തതെന്ന് പോലീസ് അറിയിച്ചു. വിതുരയിലെ സ്വകാര്യ ബാറില്‍ 23ന് കാഷ്യറെ ഷാജി വാള്‍ കാട്ടി ഭീഷണിപ്പെടുത്തി ഗുണ്ടാപ്പിരിവ് ചോദിച്ചതായി പരാതിയുണ്ടായിരുന്നു. ഗുണ്ടാനിയമപ്രകാരം നേരത്തേ അറസ്റ്റിലായി ജാമ്യത്തിലിറങ്ങിയ ഷാജി തന്റെ ഭാര്യ ദുരൂഹസാഹചര്യത്തില്‍ മരിച്ച സംഭവത്തിലും റിമാന്‍ഡിലായിട്ടുണ്ട്. മാല, വളര്‍ത്തുമൃഗങ്ങള്‍ തുടങ്ങിയവ മോഷ്ടിച്ച സംഭവങ്ങളില്‍ നെടുമങ്ങാട്, പാലോട്, ഈരാറ്റുപേട്ട സ്റ്റേഷനുകളില്‍ ഇയാള്‍ക്കെതിരെ കേസുള്ളതായി പോലീസ് അറിയിച്ചു. പോത്തിനെ എവിടെ കണ്ടാലും മോഷ്ടിക്കുന്നതിനാലാണ് പോത്ത് ഷാജിയെന്ന പേര് വീണത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. നെടുമങ്ങാട് ഡിവൈ.എസ്.പി.യുടെ നിര്‍ദ്ദേശപ്രകാരം പാലോട് സി.ഐ. ജി.എസ്. പ്രദീപ്കുമാര്‍, വിതുര എസ്.ഐ. സിജു കെ.എല്‍. നായര്‍ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.

കാണാതായ ആനക്കൊമ്പ് ഉപേക്ഷിച്ച നിലയില്‍ കണ്ടെത്തി

നെടുമങ്ങാട്: പാലോട് ഫോറസ്റ്റ് റെയിഞ്ചോഫീസില്‍നിന്നും കാണാതായ ആനക്കൊമ്പ് നെടുമങ്ങാട് മുത്തുമാരിയമ്മന്‍ദേവസ്ഥാനത്തിന് സമീപം ബാഗില്‍ ഉപേക്ഷിച്ച നിലയില്‍ കണ്ടെത്തി. ക്ഷേത്രത്തിന് സമീപം ബാഗ് കണ്ടെത്തിയത് ക്ഷേത്രസെക്രട്ടറി രാജീവ് പോലീസിനെ അറിയിച്ചു. പോലീസെത്തി ബാഗ് പരിശോധിച്ചപ്പോഴാണ് മൂന്ന് കഷണങ്ങളായി മുറിച്ച നിലയില്‍ ആനക്കൊമ്പ് കണ്ടെത്തിയത്. ബാഗിനുള്ളിലും ചുറ്റിലും മുളകുപൊടി വിതറിയിരുന്നു.

വെള്ളിയാഴ്ച രാവിലെ 10 മണിയോടെയാണ് പോലീസെത്തി ബാഗ് പരിശോധിച്ചത്. ആനക്കൊമ്പാണ് ബാഗിലെന്ന് കണ്ടെത്തിയതോടെ പാലോട് റെയിഞ്ചോഫീസര്‍ അനില്‍കുമാറിനെ വരുത്തി. പാലോട് റെയിഞ്ചോഫീസില്‍നിന്നും നഷ്ടപ്പെട്ട ആനക്കൊമ്പാണെന്ന് റെയിഞ്ചോഫീസര്‍ സ്ഥിരീകരിച്ചു.

രണ്ടാഴ്ച മുമ്പാണ് പാലോട് റെയിഞ്ചോഫീസില്‍ സൂക്ഷിച്ചിരുന്ന ആനക്കൊമ്പുകളിലൊന്ന് നഷ്ടപ്പെട്ടത്. പാലോട് എസ്.ഐ, സി.ഐ. എന്നിവരുടെ നേതൃത്വത്തില്‍ ആനക്കൊമ്പ് മോഷണത്തെക്കുറിച്ച് അന്വേഷണം ഊര്‍ജിതമാക്കിയതോടെ മോഷ്ടാക്കള്‍ ക്ഷേത്രമുറ്റത്ത് ഉപേക്ഷിച്ച് കടന്നതാവാമെന്ന് സംശയിക്കുന്നു. മൂന്നു ലക്ഷത്തിലധികം വിലവരുന്ന ആനക്കൊമ്പ് വനംവകുപ്പ് ജീവനക്കാരുടെ അറിവോടെയാണ് നഷ്ടപ്പെട്ടതെന്ന് ആരോപണം ഉയര്‍ന്നിരുന്നു.

തോട്ടില്‍ വിഷംകലക്കി; മീനുകള്‍ ചത്തുപൊങ്ങി

വിതുര: തോട്ടില്‍ അജ്ഞാതര്‍ വിഷം കലക്കിയതിനെത്തുടര്‍ന്ന് മീനുകള്‍ ചത്തുപൊങ്ങി. വിതുര ഗ്രാമപ്പഞ്ചായത്തിലെ ചേന്നന്‍പാറ വാര്‍ഡിലുള്‍പ്പെടുന്ന കൊച്ചുകരിക്കകം-മൈലക്കോണം തോട്ടിലാണ് വിഷം കലര്‍ന്നത്. നിരവധി കുടിവെള്ളപദ്ധതികള്‍ക്ക് വെള്ളമെടുക്കുന്ന വാമനപുരം ആറ്റില്‍ എത്തിച്ചേരുന്ന തോടാണിത്. മൈലക്കോണം ഭാഗത്തുള്ളവര്‍ കുളിക്കാനും മറ്റും ഈ തോടിനെയാണ് ആശ്രയിക്കുന്നത്. ചത്തുപൊങ്ങിയ മീനുകള്‍ അഴുകാന്‍ തുടങ്ങിയത് ദുര്‍ഗന്ധത്തിനും കാരണമായിട്ടുണ്ട്. വാര്‍ഡംഗം മാന്‍കുന്നില്‍ പ്രകാശ് വിതുര ഗ്രാമപ്പഞ്ചായത്തിലും പോലീസ് സ്റ്റേഷനിലും പരാതി നല്‍കി.

ഫോറസ്റ്റ് റേഞ്ച് ഓഫിസില്‍ നിന്ന് തടിയും പോയി

പാലോട്. ഫോറസ്റ്റ് റേഞ്ച് ഓഫിസില്‍ നിന്ന് ആനക്കൊമ്പും വാഹനങ്ങളുടെ പാര്‍ട്സും പോയതു പോലെ തന്നെ  മുന്‍പു കേസില്‍ പിടിച്ചിട്ടിരുന്ന തടിയും പോയത്രെ. വാമനപുരം നദിയിലെ ഒഴുക്കില്‍പ്പെട്ടാണു പോയതെന്നാണു റിപ്പോര്‍ട്ടുകള്‍.

ആദിവാസി സെറ്റില്‍മെന്റുകളില്‍ നിന്നു പിടിച്ച അനവധി കേസുകളിലെ  തൊണ്ടിമുതലായ പ്ളാവിന്റെ തടികളാണ് ഇത്തരത്തില്‍ 'ഒഴുകിപ്പോയതു മൂലം  കാണാനില്ലാത്തത്. അതേസമയം ആനക്കൊമ്പ് കാണാതായതു സംബന്ധിച്ച അന്വേഷണത്തിനു ജീവന്‍വച്ചതായും പുനലൂര്‍ കേന്ദ്രീകരിച്ചു ചില അന്വേഷണങ്ങള്‍ നടക്കുന്നതായും  സൂചനയുണ്ട്.

ആനക്കൊമ്പ് കടത്ത്: അന്വേഷണം പുതിയ വഴിത്തിരിവില്‍

പാലോട്: പാലോട് റെയ്ഞ്ച് ഓഫീസില്‍ നിന്നും ആനക്കൊമ്പ് മോഷണം പോയ സംഭവത്തില്‍ ജീവനക്കാരുടെ ഫോണ്‍ നമ്പരുകള്‍ കേന്ദ്രീകരിച്ച് നടത്തിയ അന്വേഷണം വഴിത്തിരിവില്‍. കൂടുതല്‍ പേരെ ചോദ്യം ചെയ്യുന്നതിനും തൊണ്ടി മുതല്‍ കണ്ടെടുക്കുന്നതിനുമായി കൊല്ലം, പുനലൂര്‍ പ്രദേശങ്ങളില്‍ പോലീസ് തിങ്കളാഴ്ച തിരച്ചില്‍ നടത്തി. ഈ പ്രദേശത്തുള്ള സ്ഥിരം ആനക്കൊമ്പ് വ്യാപാരികളുടെ ഫോണിലേയ്ക്ക് പാലോട്ട് നിന്നും പോയിട്ടുള്ള നമ്പരുകള്‍ കേന്ദ്രീകരിച്ചാണ് അന്വേഷണം പരോഗമിക്കുന്നത്.

കഴിഞ്ഞ തിങ്കളാഴ്ചയാണ് ആനക്കൊമ്പ് മോഷണം പോയ വിവരം വനപാലകര്‍ അറിഞ്ഞത്. എന്നാണ് മോഷണം പോയതെന്ന കാര്യത്തില്‍ ജീവനക്കാര്‍ക്കും വ്യക്തമായ വിവരമില്ല. പോലീസ് ചോദ്യം ചെയ്യലില്‍ ജീവനക്കാര്‍ പലരും പരസ്​പര വിരുദ്ധമായ മൊഴികളാണ് നല്‍കിയത്. റെയ്ഞ്ച് ഓഫീസര്‍, ഡെപ്യൂട്ടി റെയ്ഞ്ചര്‍മാര്‍, മറ്റ് ജീവനക്കാര്‍ എന്നിവരെയെല്ലാം കഴിഞ്ഞ ദിവസങ്ങളില്‍ പാലോട് പോലീസ് ചോദ്യം ചെയ്തിരുന്നു.

മൂന്നു ലക്ഷം രൂപ വിലവരുന്ന ആനക്കൊമ്പ് മോഷണം പോയ സ്റ്റോര്‍ മുറിയില്‍ മറ്റ് മൂന്ന് കൊമ്പുകള്‍ കൂടി ഉണ്ടായിരുന്നു. സ്റ്റോറിന്റെ താക്കോല്‍ ഓഫീസില്‍ മറ്റ് താക്കോലുകളോടൊപ്പം വളരെ അലക്ഷ്യമായാണ് സൂക്ഷിച്ചിരുന്നത്. മാത്രമല്ല സ്റ്റോറിന്റെ ജനാലകളില്‍ താഴ് ഉണ്ടായിരുന്നില്ല. ജീവനക്കാരുടെ സഹായമില്ലാതെ ആനക്കൊമ്പ് ഇവിടെ നിന്നും കടത്താന്‍ കഴിയില്ലെന്ന നിലപാടിലാണ് പോലീസ് ഫോണ്‍ നമ്പരുകള്‍ കേന്ദ്രീകരിച്ച് അന്വേഷണം തുടങ്ങിയത്.

ഈ അന്വേഷണ വഴിയാണ് കൊല്ലത്തെ ചില ആനക്കൊമ്പ് കച്ചവടക്കാരിലേയ്ക്ക് നീണ്ടത്. ഇവിടെ നിന്നും ചിലരെ തിങ്കളാഴ്ച പാലോട് സി. ഐ. പ്രദീപ്കുമാറിന്റെ നേതൃത്വത്തില്‍ കസ്റ്റഡിയില്‍ എടുത്തതായും സൂചനയുണ്ട്. അന്വേഷണം ശരിയായ വഴികളിലൂടെയാണെന്നും ഉടന്‍തന്നെ യഥാര്‍ഥ പ്രതികളെ പിടികൂടാന്‍ സാധിക്കുമെന്നും പാലോട് പോലീസ് പറയുന്നു.

യുവതിയുടെ മരണം: ഭര്‍തൃമാതാവ് അറസ്റ്റില്‍

വിതുര: ശിവന്‍കോവില്‍ ജങ്ഷന്‍ ചാന്ദ്‌നി ഭവനില്‍ വിനീഷ് ചന്ദിന്റെ ഭാര്യ രാഖി (25) ഭര്‍തൃഗൃഹത്തില്‍ തൂങ്ങിമരിച്ച കേസിലെ ഒന്നാംപ്രതി ചാന്ദ്‌നി (51) യെ അറസ്റ്റ് ചെയ്തു. വിനീഷ് ചന്ദിന്റെ അമ്മയാണ് ചാന്ദ്‌നി. നെടുമങ്ങാട് ഡിവൈ.എസ്.പി. കെ. മുഹമ്മദ് ഷാഫിയുടെ നേതൃത്വത്തിലുള്ള പോലീസ് സംഘമാണ് തിങ്കളാഴ്ച പ്രതിയെ അറസ്റ്റ് ചെയ്തത്. കേസിലെ രണ്ടാംപ്രതി വിനീഷ് ചന്ദിനെ കണ്ടെത്താനായില്ലെന്ന് പോലീസ് അറിയിച്ചു.

കഴിഞ്ഞ ഫിബ്രവരി 16ന് രാത്രിയാണ് രാഖിയെ തൂങ്ങിമരിച്ച നിലയില്‍ കണ്ടെത്തിയത്. അന്ന് വൈകീട്ട് ഭര്‍ത്താവിന്റെ സാന്നിധ്യത്തില്‍ ചാന്ദ്‌നി മരുമകളെ ഏറെ ശകാരിക്കുകയും അധിക്ഷേപിക്കുകയും ചെയ്തിരുന്നതായി പോലീസ് അറിയിച്ചു. ഇക്കാര്യം പ്രതികള്‍ മൊഴി നല്‍കിയിട്ടുമുണ്ട്. ഈ സംഭവത്തെപ്പറ്റി രാഖി തന്റെ ആത്മഹത്യാക്കുറിപ്പില്‍ പരാമര്‍ശിച്ചത് കൂടി തെളിവായി സ്വീകരിച്ചാണ് ചാന്ദ്‌നിയെ അറസ്റ്റ് ചെയ്തതെന്ന് പോലീസ് അറിയിച്ചു. കൈയക്ഷരം ഉറപ്പിക്കാനായി കുറിപ്പ് ഫോറന്‍സിക് പരിശോധനയ്ക്ക് അയച്ചിട്ടുണ്ട്. വിവാഹത്തിന്റെ പിറ്റേന്ന് അച്ഛന്‍ മരിച്ച സംഭവത്തില്‍ രാഖി ഏറെനാളായി മാനസികസമ്മര്‍ദം അനുഭവിച്ചിരുന്നതായും പോലീസ് പറയുന്നു. ചാന്ദ്‌നിയെ കോടതി റിമാന്‍ഡ് ചെയ്തു.

പ്രകൃതിവിരുദ്ധ പീഡനം: അറുപത്തൊന്നുകാരന്‍ അറസ്റ്റില്‍

പാങ്ങോട്: ബാലന്മാരെ പ്രകൃതിവിരുദ്ധ ലൈംഗിക പീഡനത്തിനിരയാക്കിയ കേസില്‍ മൈലമൂട് അഞ്ചാനക്കുഴിക്കര തടത്തരികത്തുവീട്ടില്‍ കെ. സുന്ദരനെ (61) പോലീസ് അറസ്റ്റ് ചെയ്തു. എട്ടും ഒമ്പതും പന്ത്രണ്ടും വയസ്സുള്ള കുട്ടികളാണ് പീഡനത്തിനിരയായത്. മൂന്ന് കുട്ടികളും പട്ടികവര്‍ഗത്തില്‍പ്പെട്ടവരാണ്.

പണവും മധുരപലഹാരങ്ങളും നല്‍കി കുട്ടികളെ വീട്ടിലേക്ക് കൂട്ടികൊണ്ടുപോയാണ് പീഡിപ്പിച്ചിരുന്നതെന്ന് പോലീസ് പറഞ്ഞു. കുട്ടികള്‍ക്ക് ശാരീരികാസ്വസ്ഥതകള്‍ ഉണ്ടായതിനെ തുടര്‍ന്ന് രക്ഷിതാക്കള്‍ ചോദിച്ചപ്പോഴാണ് പീഡനവിവരം പുറത്തറിയുന്നത്. മാര്‍ച്ച് 14ന് ഒരു കുട്ടിയുടെ രക്ഷിതാവ് പാങ്ങോട് പോലീസില്‍ പരാതി നല്‍കി. കുട്ടിയുടെ മൊഴിയെടുത്ത പോലീസ് ക്രൈം ഡിറ്റാച്ച്‌മെന്റ് സെല്ലിന് കേസ് കൈമാറി. ക്രൈം ഡിറ്റാച്ച്‌മെന്റ് ഡിവൈ.എസ്.പി. സുരേഷ്‌കുമാറിന്റെ നേതൃത്വത്തിലാണ് അന്വേഷണം നടന്നത്. മറ്റ് രണ്ട് കുട്ടികള്‍ കൂടി പീഡനത്തിനിരയായിട്ടുണ്ടെന്ന് അന്വേഷണത്തില്‍ വ്യക്തമായി.

അറസ്റ്റിലായ സുന്ദരന്‍ 2007-ല്‍ ബാലികയെ പീഡിപ്പിച്ച കേസില്‍ അറസ്റ്റിലായിട്ടുണ്ടെന്ന് പോലീസ് പറഞ്ഞു. ഈ കേസില്‍ ജാമ്യം നേടി പുറത്തിറങ്ങിയാണ് ഇയാള്‍ ബാലന്മാരെ പീഡനത്തിനിരയാക്കിയത്. പ്രതിയെ നെടുമങ്ങാട് കോടതിയില്‍ ഹാജരാക്കി.

വീട്ടില്‍നിന്ന് സ്വര്‍ണവും പണവും കവര്‍ന്നു

ഭരതന്നൂര്‍.വീട്ടില്‍നിന്ന് സ്വര്‍ണവും പണവും കവര്‍ന്നു. കഴിഞ്ഞദിവസം രാത്രിയായിരുന്നു സംഭവം. ഭരതന്നൂര്‍ നെല്ലിക്കുന്ന് ബൌണ്ടറില്‍ രത്നാകരന്റെ ഭാര്യയുടെ കഴുത്തിലുണ്ടായിരുന്ന ഒന്നര പവന്റെ മാല പൊട്ടിച്ചെടുക്കുകയായിരുന്നു. മേശയില്‍ സൂക്ഷിച്ചിരുന്ന 10,000രൂപയും നഷ്ടപ്പെട്ടു. പാങ്ങോട് പൊലീസില്‍ പരാതി നല്‍കി.

ആനക്കൊമ്പ് മോഷണം: അന്വേഷണം ജീവനക്കാരെ കേന്ദ്രീകരിച്ച് ..

പാലോട്: പാലോട് റേഞ്ച് ഓഫീസില്‍നിന്നും ആനക്കൊമ്പ് കടത്തിക്കൊണ്ടുപോയ സംഭവത്തില്‍ കേസന്വേഷണം ജീവനക്കാരെ കേന്ദ്രീകരിച്ച് പുരോഗമിക്കുന്നു. ഫിംഗര്‍പ്രിന്റ് വിദഗ്ദ്ധര്‍, സയന്റിഫിക് അനലൈസ് വിഭാഗം ഉദ്യോഗസ്ഥര്‍ എന്നിവര്‍ സംഭവസ്ഥലം പരിശോധിച്ചു. ഓഫീസിന്റെ സ്റ്റോര്‍മുറിയില്‍ സൂക്ഷിച്ചിരുന്ന നാല് ആനക്കൊമ്പുകളില്‍ ഒരെണ്ണമാണ് മോഷണം പോയത്. മൂന്നു ലക്ഷമാണ് മതിപ്പുവില.

ജനല്‍കമ്പി വളച്ചാണ് ആനക്കൊമ്പ് കടത്തിയതെന്ന് വനംവകുപ്പ് ജീവനക്കാര്‍ പോലീസിന് നല്‍കിയ മൊഴി അടിസ്ഥാനരഹിതമാണെന്ന് അന്വേഷണത്തില്‍ തെളിഞ്ഞു. വളച്ചെടുത്ത കമ്പിയ്ക്കകത്തുകൂടി ഒരാള്‍ക്ക് അകത്തു കയറാന്‍ ആവില്ല. നാലു കൊമ്പില്‍ ഒരെണ്ണം മാത്രം മോഷണം പോയതിലും ദുരൂഹതയേറുന്നു.

ഓഫീസിലെ ഉദ്യോഗസ്ഥന്മാര്‍, ഡ്രൈവര്‍, കരാര്‍പണിക്കെത്തിയ തൊഴിലാളികള്‍ എന്നിവരെ ബുധനാഴ്ച ചോദ്യംചെയ്തു. പാലോട് സി.ഐ. പ്രദീപ്കുമാറിനാണ് കേസന്വേഷണ ചുമതല.

ആറ്റിങ്ങല്‍ വെഞ്ഞാറമൂട് വലിയകട്ടയ്ക്കാല്‍ കൃഷ്ണന്‍പോറ്റിയുടെ ആന ചരിഞ്ഞപ്പോള്‍ വനംവകുപ്പ് നിയമപരമായി ഏറ്റെടുത്ത കൊമ്പുകളില്‍ ഒന്നാണ് തിങ്കളാഴ്ച ഇവിടെനിന്നും കടത്തിക്കൊണ്ടുപോയത്.

സ്റ്റോറില്‍ സൂക്ഷിച്ചിട്ടുള്ള നാല് കൊമ്പുകള്‍ക്കിടയില്‍നിന്നാണ് ഒരെണ്ണം മാത്രം മോഷണം പോയതെന്ന് വനംവകുപ്പ് ഉദ്യോഗസ്ഥര്‍ പറയുന്നു. അടുത്ത ദിവസം കൂടുതല്‍ പേരെ ചോദ്യം ചെയ്യുന്നതിനൊപ്പം ശാസ്ത്രീയ തെളിവുള്‍കൂടി പരിശോധിക്കുമെന്ന് പാലോട് സി.ഐ. പ്രദീപ്കുമാര്‍

ഗ്യാസ് തൊഴിലാളികള്‍ക്ക് മര്‍ദനം: അറസ്റ്റുവരെ വിതരണമില്ല

വിതുര: പാചക വാതക തൊഴിലാളികള്‍ക്ക് മര്‍ദനമേറ്റ സംഭവത്തില്‍ പ്രതിഷേധിച്ച് 12ന് സൂചനാ പണിമുടക്ക് നടത്തുമെന്ന് ജില്ലാ കുക്കിങ് ഗ്യാസ് വര്‍ക്കേഴ്‌സ് യൂണിയന്‍ (സി. ഐ.ടി.യു.) സെക്രട്ടറി പി. രാജേന്ദ്രദാസ് അറിയിച്ചു. നെടുമങ്ങാട് നേതാജി ഏജന്‍സിയുടെ പരിധിയിലായിരിക്കും പണിമുടക്ക്. തൊഴിലാളികളെ മര്‍ദിച്ചവരെ അറസ്റ്റ് ചെയ്യും വരെ വിതുര ഭാഗത്തേക്ക് ഏജന്‍സി വാഹനം സര്‍വീസ് നടത്തില്ലെന്നും സെക്രട്ടറി അറിയിച്ചു. കഴിഞ്ഞ ദിവസം വിതുര തോട്ടുമുക്ക് കവലയിലാണ് തൊഴിലാളികള്‍ക്ക് മര്‍ദനമേറ്റത്. വാഹനത്തിന്റെ ഡ്രൈവര്‍ അബ്ദുല്‍റൗഫ്, വിതരണ തൊഴിലാളികളായ സിറാജുദ്ദീന്‍, അനില്‍കുമാര്‍ എന്നിവരാണ് കൈയേറ്റത്തിന് ഇരയായത്. പാചക വാതക വിതരണം വൈകിയെന്ന് ആരോപിച്ചായിരുന്നു മര്‍ദനം. ലോറി സമരം കാരണമാണ്‌വിതരണം വൈകിയതെന്ന് തൊഴിലാളികള്‍ പറയുന്നു. സംഭവസ്ഥലത്തേക്ക് ഏജന്‍സി അധികൃതര്‍ എത്താത്തതില്‍ തൊഴിലാളികള്‍ പ്രതിഷേധിച്ചു. സംഭവത്തില്‍ അഞ്ചു പേര്‍ക്കെതിരെ കേസ്സെടുത്തതായി വിതുര എസ്.ഐ. അറിയിച്ചു.



പാചകവാതകം വിതരണം നിര്‍ത്തി

വിതുര.പാചകവാതകം കയറ്റിവന്ന വാഹനത്തിലെ ജീവനക്കാരെ മര്‍ദിച്ച കേസിലെ പ്രതികളെ അറസ്റ്റ്ചെയ്യാത്തതില്‍ പ്രതിഷേധിച്ച് തോട്ടുമുക്ക് മേഖലയിലെ ഗ്യാസ് വിതരണം നിര്‍ത്തിവയ്ക്കാന്‍ തീരുമാനിച്ചതായി നെടുമങ്ങാട് നേതാജി ഗ്യാസ് ഏജന്‍സിയിലെ തൊഴിലാളിയൂണിയന്‍ നേതാക്കള്‍ അറിയിച്ചു. പാചകവാതകവിതരണം മുടങ്ങിയതില്‍ പ്രതിഷേധിച്ച് ശനിയാഴ്ച പാചകവാതകവുമായി വന്ന വണ്ടിയിലെ ജീവനക്കാര്‍ക്ക് തൊളിക്കോട് പഞ്ചായത്തിലെ തോട്ടുമുക്കില്‍വച്ച്  മര്‍ദനമേറ്റിരുന്നു. 


നേതാജി ഗ്യാസ് ഏജന്‍സിയിലെ ജീവനക്കാരായ വെഞ്ഞാറമൂട് ജി. അനില്‍കുമാര്‍, സിറാജുദീന്‍, അബ്ദുല്‍ റഹൂബ് എന്നിവരാണു മര്‍ദനമേറ്റതിനെ തുടര്‍ന്ന് താലൂക്ക് ആശുപത്രിയില്‍ കഴിയുന്നത്. തോട്ടുമുക്ക് സ്വദേശി നാസറിനെയും മറ്റു മൂന്നുപേരെയും പ്രതിയാക്കി മര്‍ദനമേറ്റവര്‍ വിതുര പൊലീസില്‍ പരാതി നല്‍കി. പ്രശ്നത്തിനിടയില്‍ ഗ്യാസ്സിലിണ്ടറും മോഷ്ടിച്ചതായി പരാതിയില്‍ പറയുന്നു. കാണാതായ സിലിണ്ടര്‍ പിന്നീട് നാട്ടുകാര്‍ സ്റ്റേഷനിലെത്തിച്ചു. 


തോട്ടുമുക്ക് മേഖലയില്‍ മാസങ്ങളായി പാചകവാതകവിതരണം തടസ്സപ്പെട്ടിരിക്കുകയായിരുന്നു. ഗ്യാസ് വിതരണംആഴ്ചകളോളം തടസ്സപ്പെട്ടതിനെ തുടര്‍ന്ന് മുന്‍പും ഇവിടെ പ്രശ്നമുണ്ടായിട്ടുണ്ട്. ശനിയാഴ്ച ഗ്യാസ് വണ്ടി വന്നെങ്കിലും എല്ലാ ഉപഭോക്താക്കള്‍ക്കും പാചകവാതകം ലഭിച്ചില്ല. ഇതില്‍ ക്ഷുഭിതരായ നാട്ടുകാരാണു ജീവനക്കാരുമായി പ്രശ്നമുണ്ടാക്കിയത്. പ്രതികളുടെ പേരില്‍ ഉടന്‍ നടപടിയെടുക്കുമെന്ന് എസ്ഐ അറിയിച്ചു.

പോലീസ് ജീപ്പിന് മുന്നില്‍ മണല്‍ തട്ടല്‍: പ്രതി റിമാന്‍ഡില്‍

വിതുര: പോലീസ് ജീപ്പിന് മുന്നിലേക്ക് ടിപ്പറില്‍ നിന്ന് മണല്‍ തട്ടിയിട്ടശേഷം രക്ഷപ്പെട്ട കേസിലെ പ്രതിയെ അറസ്റ്റുചെയ്തു. വിതുര ചെറ്റച്ചല്‍ പൊട്ടന്‍ചിറ രതീഷ് ഭവനില്‍ രതീഷ് (30) ആണ് അറസ്റ്റിലായത്. പ്രതിയെ റിമാന്‍ഡ് ചെയ്തു. ഒരാഴ്ച മുമ്പ് വിതുര ചിറ്റാറിനു സമീപത്താണ് കേസിനാസ്​പദമായ സംഭവം നടന്നത്. അനധികൃത മണല്‍കടത്ത് തടയാന്‍ വിതുര എസ്.ഐ. സിജു കെ.എല്‍.നായരുടെ നേതൃത്വത്തില്‍ പോലീസ് സംഘം ശ്രമിക്കുന്നതിനിടെയായിരുന്നു സംഭവം. പോലീസ് ജീപ്പ് പിന്നാലെ വരാതിരിക്കാനാണ് ടിപ്പറിന്റെ കാരിയര്‍ ഉയര്‍ത്തിജീപ്പിന്റെ ബോണറ്റിലേക്കും റോഡിലേക്കുമായി മണല്‍ തട്ടിയത്.

അടിയേറ്റ് ഭാര്യ മരിμന്നുകരുതി പൊലീസില്‍ കീഴടങ്ങി

കല്ലറ: മദ്യലഹരിയില്‍ ഭാര്യയെ മര്‍ദ്ദിμു. മരിμന്നു കരുതി പൊലീസില്‍ കീഴടങ്ങി. പൊലീസുകാര്‍ ഉപദേശിμു തിരിμയμു. ഇനി മേലാല്‍ ഉപദ്രവിക്കില്ലെന്നു മദ്യപന്റെ വക ഉറപ്പ് പൊലീ
സിന്. പാങ്ങോട് പടളിക്കരക്കുന്നില്‍ കഴിഞ്ഞ ദിവസം ഉμയ്ക്കായിരുന്നു സംഭവം.
ഉμഭക്ഷണത്തിന് വീട്ടിലെത്തിയ ഭര്‍ത്താവ് അല്പം മദ്യപിμിരുന്നു. മദ്യപാനത്തെക്കുറിμ് ഭാര്യയുമായി തര്‍ക്കത്തിലായി. തര്‍ക്കം മൂത്ത് അടിയായി. വെട്ടുകത്തിയെടുത്ത്  ചെറിയൊരു തട്ട്. ഇത്രയും ചെയ്ത് ഭര്‍ത്താവ് ജോലിക്ക് പോയി. ഈ കോലാഹലമൊക്കെകഴിഞ്ഞപ്പോഴാണ് മകന്‍ വീട്ടിലെത്തിയത്. അമ്മ രക്തത്തില്‍ കുളിμ് കിടക്കുന്നതാണ് അയാള്‍ കാണുന്നത്. അയല്‍ വാസികളുടെ സഹായത്തോടെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിμു. ഇതിനിടയിലാണ് തന്റെ മര്‍ദ്ദനമേറ്റ് ഭാര്യ മരിμന്ന തെറ്റായ വിവരം ജോലിസ്ഥലത്തുവμ് അറിയുന്നത്. ഉടന്‍തന്നെ പൊലീസ്സ്റ്റേഷനിലെത്തി പാറാവുകാരനോട് വിവരം പറഞ്ഞു.
 തുടര്‍ന്ന് പൊലീസുകാര്‍ നടത്തിയ അന്വേഷണത്തില്‍ കാര്യങ്ങള്‍ ബോധ്യപ്പെടുകയും ഇയാളെ താക്കീത് നല്‍കി വിടുകയും ചെയ്ത

മദ്യപരുടെ അഴിഞ്ഞാട്ടം; മടത്തറ ജംക്ഷന്‍ സംഘര്‍ഷമേഖലയാകുന്നു

മടത്തറ. മദ്യപരുടെ അഴിഞ്ഞാട്ടംമൂലം മടത്തറ ജംക്ഷന്‍ രാപകലുകള്‍ സംഘര്‍ഷമേഖലയാകുന്നതായുള്ള പരാതി വ്യാപകമായി.  രാത്രിയായാല്‍ പിന്നെ വഴിനടക്കാനും കഴിയാത്ത അവസ്ഥയാണത്രെ. ഇന്നലെയും ഇവിടെ മദ്യപര്‍ തമ്മില്‍ പ്രശ്നങ്ങള്‍ അരങ്ങേറി. ജംക്ഷനോടു ചേര്‍ന്നുള്ള മദ്യശാലയില്‍ നിന്നു വാങ്ങുന്ന മദ്യം കുടിക്കാന്‍ ചില കടകളില്‍ സൌകര്യം നല്‍കുന്നതാണു പ്രശ്നത്തിനു കാരണമെന്നു നാട്ടുകാര്‍ പറയുന്നു.

ഇവിടെ മദ്യശാല വന്നതിനു ശേഷം എന്നും പ്രശ്നമാണെന്ന പരാതി ഉയരാന്‍ തുടങ്ങിയിട്ടു നാളേറെയായി. കച്ചവടക്കാര്‍ക്കും സ്കൂള്‍കുട്ടികള്‍ അടക്കമുള്ളവര്‍ക്കും മദ്യപശല്യം ബുദ്ധിമുട്ട് സൃഷ്ടിക്കുന്നുണ്ട്. പൊലീസിന്റെ അടിയന്തര ശ്രദ്ധ ഉണ്ടാകണമെന്ന ആവശ്യം ശക്തമായി.

മദ്യപിμ സുഹൃത്തുക്കള്‍ പരസ്പരം ആക്രമിμു; കുത്തേറ്റ ഇരുവരും ആശുപത്രിയില്‍

കല്ലറ: മദ്യപിμ സുഹൃത്തുക്കള്‍ തമ്മിലടിμു. പരസ്പരം വെട്ടി. രണ്ടുപേര്‍ക്കും ഗുരുതര പരിക്ക്. പാങ്ങോട് കാഞ്ചിനട വട്ടപ്പുല്ല് ജംഗ്ഷനിലാണ് സംഭവം. ഇന്നലെ ഉμയ്ക്ക് മദ്യപിμുണ്ടായ തര്‍ക്കമാണ് അടിപിടിയിലും കത്തിക്കുത്തിലും കലാശിμത്. പാങ്ങോട് കാഞ്ചിനട വട്ടപ്പുല്ല് സ്വദേശി സുരേന്ദ്രന്‍ (29), വിക്രമന്‍ (40) എന്നിവരാണ് പരിക്കേറ്റ് ആശുപത്രിയില്‍ കഴിയുന്നത്.
തര്‍ക്കത്തിനിടെ വിക്രമന്‍ കയ്യിലിരുന്ന വെട്ടുകത്തിയെടുത്ത് സുരേന്ദ്രന്റെ കഴുത്തിനു
വെട്ടുകയായിരുന്നു. വെട്ടുകൊണ്ടയുടന്‍ സുരേന്ദ്രന്‍ വിക്രമന്റെ  തലയില്‍ കല്ലുകൊണ്ടിടിμു. പരസ്പരം ആക്രമണം നടത്തിയ പരിക്കേറ്റവരെ പൊലീസും നാട്ടുകാരും ചേര്‍ന്നാണ്  ആശുപത്രിയിലെത്തിμത്.

മൊബൈലില്‍ അശ്ളീല ചിത്രങ്ങള്‍ കണ്ടെത്തി:വിദ്യാര്‍ത്ഥി ആത്മഹത്യയ്ക്ക് ശ്രമിച്ചു.

പാങ്ങോട് : മൊബൈലില്‍ അശ്ളീല ചിത്രങ്ങള്‍ കണ്ടെത്തിയതിനെ തുടര്‍ന്ന് വിദ്യാര്‍ത്ഥി ആത്മഹത്യയ്ക്ക് ശ്രമിച്ചു. പാങ്ങോട് പഞ്ചായത്തിലാണ് സംഭവം. പഞ്ചായത്തിലെ സര്‍ക്കാര്‍ സ്കൂളില്‍ കഴിഞ്ഞ ദിവസം നടന്ന വിദ്യാര്‍ത്ഥികളുടെ പിരിഞ്ഞുപോകല്‍ ചടങ്ങിനിടെ 9-ാം ക്ളാസ് വിദ്യാര്‍ത്ഥി പെണ്‍കുട്ടികളുടെ ഫോട്ടോയെടുത്തിരുന്നു. വിദ്യാര്‍ത്ഥിനികള്‍ പരാതി നല്‍കിയതിനെ തുടര്‍ന്ന്  അദ്ധ്യാപകര്‍ മൊബൈല്‍ഫോണ്‍ പരിശോധിμപ്പോള്‍ ഈ
വിദ്യാര്‍ത്ഥിയുടെ ഫോണില്‍ നിന്ന് അശ്ളീല ചിത്രങ്ങള്‍ കണ്ടെത്തിയിരുന്നു. ഇതിനെ തുടര്‍ന്ന് രക്ഷിതാവിനെ കൂട്ടിക്കൊണ്ടുവരാന്‍ പറഞ്ഞ് വിദ്യാര്‍ത്ഥിയെ വീട്ടിലേക്ക്  തിരിച്ചയച്ചു. വീട്ടിലെത്തിയ വിദ്യാര്‍ത്ഥി വിഷം കഴിച്ച് ആത്മഹത്യയ്ക്ക് ശ്രമിച്ചു. വീട്ടുകാര്‍ കണ്ടതിനെ തുടര്‍ന്ന്  തൊട്ടടുത്തുള്ള സ്വകാര്യ ആശുപത്രിയില്‍ പ്രവേശിപ്പിμു. പിന്നീട് ഇയാളെ മെഡിക്കല്‍കോളേജിലേക്ക് മാറ്റി. ഇപ്പോള്‍ അപകടനില തരണം ചെയ്തുവെന്നാണ് ഡോക്ടര്‍മാര്‍ പറയുന്നത്.

കടകള്‍ കുത്തിത്തുറന്ന് മോഷണം

പെരിങ്ങമ്മല: സെന്റ്‌മേരീസില്‍ രണ്ട് കടകള്‍ കുത്തിത്തുറന്ന് പണവും സാധനങ്ങളും കവര്‍ന്നു. ജോര്‍ജ്‌തോമസിന്റെ പലചരക്കുകടയും കുഞ്ഞുമോന്റെ ചായക്കടയുമാണ് കുത്തിത്തുറന്നത്. പണവും കടയിലുണ്ടായിരുന്ന കുറേയധികം സാധനങ്ങളും കവര്‍ന്നു. പാലോട് പോലീസ് കേസ്സെടുത്തു.