കൗതുക കാഴ്ച......

പട്ടി കുട്ടിക്ക് കുരങ്ങു കൂട്ട്.....

കുളത്തുപ്പുഴയിലെ ആര്‍.പി.എല്‍ എസ്റെറ്റിലെ അഭായഗിരി കോളനിയിലാണ് ഈ അപൂര്‍വ കൂട്ടുകാര്‍ ഉള്ളത്.ഇവിടെഎത്തുന്ന ഏതൊരാള്‍ക്കും കൗതുകം ആകുന്നതാണ് കുരങ്ങിറെയും പട്ടിയുടെയും ഈ അപൂര്‍വ സൗഹൃദം.മാസങ്ങള്‍ക്ക് മുമ്പ് ആര്‍.പി.എല്‍ എസ്റെറ്റില്‍ ഉപേക്ഷിച്ച പട്ടി കുട്ടിയെ ഒരു തൊഴിലാളി എടുത്തുകൊണ്ടുവന്നു സംരക്ഷിക്കുകയായിരുന്നു.ഏതാണ്ട് ഇതേ അവസ്ഥയില്‍ തന്നെ ഇവിടെ എത്തിയ ഈ കുട്ടി കുരങ്ങു പട്ടി കുട്ടിയുമായി വളരെ വേഗം ചങ്ങത്തത്തില്‍ ആകുകയായിരുന്നു.എങ്ങനയോ ഒറ്റപെട്ടെത്തിയ കുരങ്ങിന് തനിക്ക് നല്‍കുന്ന ഭക്ഷണത്തില്‍ നിന്നുമാണ് പട്ടികുട്ടി ഭക്ഷണം നല്‍കി വരുന്നത്.ഇനി ആരെങ്കിലും അവിടേക്ക് എത്തിയാല്‍ ഈ കുട്ടി കുരങ്ങു ഓടി പട്ടികുട്ടിയുടെ പള്ളയില്‍ സ്ഥാനം പിടിക്കും.പട്ടികുട്ടിയുടെയും കുട്ടി കുരങ്ങിറെയും അപൂര്‍വ കൂട്ട് പുറത്തെത്തിയതോടെ ഇതിനെ കാണാന്‍ നിരവധിപേര്‍ ഇപ്പോള്‍ നിത്യവും ഇവടെ എത്താറുണ്ട്.....
സനില്‍കുമാര്‍ ഫോക്സ് ടി.വി.ന്യൂസ്‌ കുളത്തുപ്പുഴ.....

പെരിങ്ങമ്മല മുന്തിരിപ്പാടം

വിരുന്നുകാരായി മയിലുകളെത്തി

പാലോട്: തികച്ചും അപ്രതീക്ഷിതമായി രണ്ട് മയിലുകളെത്തിയത് നാട്ടുകാര്‍ക്ക് കൗതുകമായി. പാലോട് ടൗണിനോട് ചേര്‍ന്ന് പാണ്ഡ്യന്‍പാറ റോഡിനരികത്താണ് മയിലുകള്‍ ഇണകളായി പറന്നിറങ്ങിയത്. ആദ്യം ഒന്നുരണ്ടു പേര്‍ വാഹനങ്ങളിലിരുന്നുകൊണ്ട് മയിലുകളെ കണ്ടു.

പിന്നാലെ ഫോണ്‍ കോളുകളുടെ ഒഴുക്ക് തുടങ്ങിയതോടെ മയിലുകളെ കാണാന്‍ നാട്ടുകാര്‍ ധാരാളമെത്തി. റോഡുവക്കില്‍ നിന്നും ആഹാരം കൊത്തിപ്പെറുക്കുന്ന മയിലുകള്‍ കുട്ടികള്‍ക്കും കൗതുകമായി. വി.ബി.ഐ ക്ക് സമീപം ധാരാളം അപൂര്‍വയിനം പക്ഷികള്‍ എത്താറുണ്ടെന്ന് സമീപവാസികള്‍ പറയുന്നു.

കാറുകള്‍ വരുമാനക്കാരാകുന്നു

 ഉണ്ണി കെ. വാരിയര്‍

തൃശൂര്‍ . കാറിന്റെ അരിക്കാശ് കാറുതന്നെ കണ്ടെത്തുന്ന കാലം വരുന്നു. പെട്രോളടിക്കാനുള്ള പണം കാറുകള്‍തന്നെ സമ്പാദിക്കുമെന്നു കേട്ട് ഞെട്ടരുത്, അതിനുള്ള വഴി തുറന്നു കഴിഞ്ഞു. ഒറ്റ നിറത്തിലുള്ള കാറിനു പകരം പരസ്യങ്ങള്‍ നിറഞ്ഞൊരു കാര്‍ ഒാടിച്ചു പോകാന്‍ നിങ്ങള്‍ക്കു മടിയില്ലെങ്കില്‍ കാറുകള്‍ പണം സമ്പാദിച്ചു തുടങ്ങും എന്നര്‍ഥം.

ഒരു കൂട്ടം യുവാക്കളുടെ നേതൃത്വത്തില്‍ തുടങ്ങിയ രണ്ടു കടകളുടെ പരസ്യത്തിലാണു കാറുകളുടെ ഈ സാധ്യത തെളിഞ്ഞത്. സ്ത്രീകളുടെ വസ്ത്രങ്ങള്‍ വില്‍ക്കുന്ന ഗ്രേസ് എന്ന കടയും ചെരുപ്പുകളും ബാഗുകളും വില്‍ക്കുന്ന ഹവയുമാണു പരസ്യത്തില്‍ ശ്രദ്ധേയമായ ഈ പരീക്ഷണം നടത്തിയത്. രണ്ടു കടകളുടെയും ഉടമകള്‍ അടുത്ത സുഹൃത്തുക്കളാണ്. പുതിയ കടകള്‍ തുടങ്ങിയപ്പോള്‍ ഇരുവരും നാനോ കാറുകള്‍ വാങ്ങി. ഈ കാറുകളെ സ്വന്തം കടകളുടെ പരസ്യംകൊണ്ടു സുന്ദരിയാക്കാന്‍ തീരുമാനിച്ചു. അങ്ങനെയാണു ഗ്രേസിന്റേയും ഹവയുടേയും ചിത്രങ്ങളുമായി കാറുകള്‍ നിരത്തിലിറങ്ങിയത്. രണ്ടും ദിവസങ്ങള്‍ക്കുള്ളില്‍ത്തന്നെ ഹിറ്റായതോടെ ഇരു കൂട്ടരും രണ്ടു പുതിയ നാനോ കാറുകള്‍ കൂടി വാങ്ങി പരസ്യമെഴുതി.

ഹോഡിങ്ങുകള്‍ വയ്ക്കുന്നതിലും കൂടുതല്‍ ശ്രദ്ധ നേടാന്‍ പരസ്യകാറുകള്‍ക്കു കഴിയുമെന്നാണു ഗ്രേസ് ഉടമ മജോ ജോണിന്റെയും ഹവ എക്സിക്യൂട്ടീവ് ഡയറക്ടര്‍ റഫീഖ് മൂസയുടെയും മാനേജിങ് ഡയറക്ടര്‍ ടി.യു. നൌഫലിന്റെയും അനുഭവം. ഇവരുടെ വരാനിരിക്കുന്ന ഷോറൂമുകള്‍ക്കുവേണ്ടിയും പരസ്യനാനോ ഇറക്കുന്ന കാര്യം പരിഗണിക്കുന്നു. തല്‍ക്കാലം സ്വന്തം കാറില്‍ പരസ്യം ചെയ്യാനെ ഇവര്‍ ആലോചിക്കുന്നുള്ളു.

ചരുരശ്ര അടിക്കു 10 പൈസയാണു പരസ്യം ഒട്ടിക്കാന്‍ മോട്ടോര്‍ വാഹനവകുപ്പിനു നല്‍കേണ്ടത്. ഇതിനു പ്രത്യേക അനുമതിയും വേണം. പ്രതിമാസം 3000 രൂപ വായ്പ അടയ്ക്കേണ്ട കാറിന് ഇതേ തുകയ്ക്കുതന്നെ പരസ്യം നല്‍കിയാല്‍പ്പോലും മുതലാകുമത്രെ. പ്രത്യേകിച്ചും സ്ഥിരമായി പൊതുസ്ഥലത്തു പാര്‍ക്കു ചെയ്യുന്ന കാറുകളിലെ പരസ്യത്തിന്. ഒരു പ്രമുഖ കാര്‍ വിതരണ കമ്പനിതന്നെ പരസ്യം ഒട്ടിച്ച കാര്‍ വില്‍ക്കുന്ന രീതി പരീക്ഷിക്കുന്ന കാര്യം പഠിച്ചുകൊണ്ടിരിക്കുകയാണ്. ഈ രീതി വിജയിച്ചാല്‍ പലരുടേയും കാറില്‍ വര്‍ണശബളമായ പരസ്യങ്ങള്‍ വിരിയും. പ്രത്യേകിച്ചും കൂടുതല്‍ ഒാടുന്ന കാറുകളുടെ മേല്‍. അതോടെ കാറിന്റെ ജീവിത മാര്‍ഗം കാറിനുതന്നെ കണ്ടെത്താന്‍ സാധിക്കും.

ടയര്‍ മാറാനുള്ള പെടാപ്പാട് ഇനി വേണ്ട....

പാലോട്. വാഹനങ്ങളുടെ ടയര്‍ മാറാനുള്ള പെടാപ്പാട് ഇനി വേണ്ട..... അനായാസം,  അതും ഒറ്റയ്ക്കു തന്നെ ചെയ്യാം.... അതിനുള്ള ഉപകരണം വികസിപ്പിച്ചെടുത്തിരിക്കുകയാണ് ആനാട് മോഹന്‍ദാസ് എന്‍ജിനീയറിങ് കോളജിലെ അവസാന വര്‍ഷ മെക്കാനിക്കല്‍ എന്‍ജിനീയറിങ് വിദ്യാര്‍ഥികളായ എം.എസ്. രമേഷ്,  എ. അനീഷ്, ജെ.എസ്.അശ്വിന്‍, എസ്.എ. അരുണ്‍ജിത് എന്നിവര്‍.  'ഹൈഡ്രോളിക് വീല്‍ എലിവേറ്റര്‍ എന്ന ഈ ഉപകരണം ലോറി പോലുള്ള വലിയ വാഹനങ്ങളുടെ  ടയര്‍ പോലും ഒറ്റയ്ക്കു പ്രവര്‍ത്തിപ്പിച്ചു മാറാവുന്നതാണ്.

സാധാരണ ഒന്നിലേറെ  പേര്‍ ചേര്‍ന്നു  ലിവര്‍ ഉപയോഗിച്ചു  ടയര്‍ മാറ്റുന്ന ശ്രമകരവും അപകടകരവുമായ രീതിക്കു പകരമായി ഈ ഉപകരണത്തിലെ  കണ്‍ട്രോള്‍ സ്വിച്ചിന്റെ സഹായത്തോടെ  ഒരാള്‍ക്കു തന്നെ ടയര്‍ ഉയര്‍ത്തി ഹബ്ബിലേക്കു വയ്ക്കാനും ഹബ്സ്റ്റഡ് സ്ഥാനം ഉറപ്പിക്കാനും നിമിഷനേരം മതിയെന്നു വിദ്യാര്‍ഥികള്‍ അവകാശപ്പെടുന്നു.

വാഹനത്തിന്റെ ബാറ്ററിയില്‍ നിന്നുള്ള ഊര്‍ജമുപയോഗിച്ചു തന്നെ  പ്രവര്‍ത്തിപ്പിക്കാവുന്ന ഉപകരണം  വാഹനത്തിനുള്ളില്‍ തന്നെ സൂക്ഷിക്കാവുന്ന തരത്തിലാണു രൂപകല്‍പനയും. 3000 രൂപയ്ക്ക് ഈ ഉപകരണം നിര്‍മിച്ചു നല്‍കാനാകുമത്രെ.  ഇതിനു പേറ്റന്റ് എടുത്തു വാണിജ്യാടിസ്ഥാനത്തില്‍ വിപണിയിലിറക്കാനുള്ള ശ്രമത്തിലാണു വിദ്യാര്‍ഥികള്‍. തങ്ങളുടെ അവസാന വര്‍ഷ പ്രോജക്ടായി വികസിപ്പിച്ച പ്രസ്തുത ഉപകരണത്തിന്റെ   ഗൈഡായി അധ്യാപകന്‍ അരുണ്‍കുമാറാണു പ്രവര്‍ത്തിച്ചത്.

ചാകര...ഈ....

വാമനപുരം നദി പാലോട് കടവില്‍ കുടുങ്ങിയ വമ്പന്‍ ആറ്റുവാള

ചിത്രം: രഗീഷ് ഓര്‍മ്മ സ്റ്റുഡിയോ

ജലം ചുരത്തുന്ന ഇലകള്‍ ഗവേഷകരിള്‍ കവുതുകമുണര്‍ത്തി...

പാലോട് : ഗവേഷകര്‍ക്ക് കവുതുകം പകര്‍ന്ന് വള്ളിചെടിയുടെ ഇലകള്‍ ജലം ചുരത്തുന്നു. പാലോട് (J.N.T.B.G.R.I ) ലാണ് തീപ്പച്ചയെന്നറിയാപ്പെടുന്ന വള്ളിചെടിയുടെ ഇലകളിള്‍ നിന്നാണ് ജലത്തുള്ളികള്‍ ഇറ്റുവീഴുന്നത്. 12 വര്ഷമായി ഇവിടെ മരത്തിള്‍ പടര്ന്നുനില്ക്കുന്ന ചെടിയാണ് തീപ്പച്ച. പൊള്ളലേറ്റവര്ക്ക് ആശ്വാസമായി ഇതിന്റെ ഇലകള് അരച്ച് ഉപയോഗിക്കാറുണ്ട്.

അപൂര്‍വയിനം ഔഷധികളും ജലം വമിക്കുന്ന പ്രവണത കാണാറുണ്ടെന്നു ശാസ്ത്രജ്ഞര്‍ പറയുന്നു. കഴിഞ്ഞദിവസമാണ് തീപ്പച്ചയില് നിന്ന് ജലത്തുള്ളികള് ഇറ്റുവീഴുന്നതായി 
ഉദ്യോഗസ്ഥരുടെ ശ്രദ്ധയില്പ്പെട്ടത്.

തെക്കന്‍ കേരളത്തിലെ കശ്മീര്‍ എന്ന് അറിയപെടുന്ന "പൊന്മുടി" കുളിര്‍ക്കുന്നു

പാലോട് : മലയോര പ്രദേശത്ത് കലിയടങ്ങാതെ രണ്ടു ദിവസം പെയിത വേനല്‍ മഴ മൂലം പൊന്മുടി മല കുളിര്‍ക്കുന്നു.സഹിയമലയുടെ താഴുവരം പോലും മഞ്ഞു മൂടിയിരിക്കുന്ന കാഴ്ചയാണ് . 
പൊന്‍‌മുടിയില്‍ എത്തുന്ന വിനോദ സന്ജരികള്‍ക്ക് പരസ്പരം കാണാത്തവിതം മഞ്ഞു പെയിതിറങ്ങുന്നു . പ്രകിര്‍തിയുടെ വരതനമായ വസ്ന്ധം അടുത്തറിയാന്‍ വിദേശികളും സോധേഷികളും അടക്കം നിരവതിപേര്‍ ഇവിടെ ഒഴുകിയെത്തുന്നു ....................................

ക്ഷേത്രത്തിന്റെ മാതൃക സന്ദര്‍ശകരുടെ മനം കവരുന്നു

പച്ച ഉത്സവത്തോടനുബന്ധിച്ച് പച്ച മുടുമ്പില്‍ ഒരുക്കിയ ക്ഷേത്രത്തിന്റെ മാതൃക സന്ദര്‍ശകരുടെ മനം കവരുന്നു.. ചിത്രം : ജഗ്ഗു അനീഷ്

'കാട്ടു'വര്‍ത്തമാനം കേട്ടുപഠിച്ച് മല്ലന്‍കാണി

വിതുര: മല്ലന്‍കാണിയുടെ ശ്രദ്ധ നാട്ടുവര്‍ത്തമാനങ്ങളിലല്ല. വന്യജീവികളുടെ സംസാരഭാഷ പഠിക്കുന്നതിലാണ് ഇദ്ദേഹത്തിന് താത്പര്യം. ഇതിനകം പഠനത്തില്‍ ഒരുപാട് മുന്നോട്ടുപോയ മല്ലന്‍ പക്ഷികളുടെ ശബ്ദത്തില്‍ തന്നെ അവയെ 'വിളിച്ച്' വരുത്താറുമുണ്ട്.

കാട്ടിലെ അപകടമുന്നറിയിപ്പുകാരിയായ കാക്കത്തമ്പുരാട്ടി മുതല്‍ കാട്ടാന വരെയുള്ള ജീവികളുടെ വിവിധതരം ശബ്ദങ്ങള്‍ വിതുര കല്ലാര്‍ മേലേ-മൊട്ടമൂട് ആനന്ദവിലാസത്തില്‍ കെ. മല്ലന്‍കാണിക്ക് ഏറെക്കുറെ ഹൃദിസ്ഥമാണ്. ഈ മേഖലയിലെ അറിയപ്പെടുന്ന വിഷവൈദ്യനായ ഈ എഴുപതുകാരന്‍ ഉള്‍ക്കാട്ടിലെ പച്ചിലമരുന്ന് ശേഖരണത്തിനിടെയാണ് വന്യജീവികളുടെ ശബ്ദം കേട്ടുപഠിക്കുന്നത്. വിഷംതീണ്ടലിന് പുറമേ മറ്റ് രോഗങ്ങള്‍ക്കും വംശീയചികിത്സ നടത്തുന്ന മല്ലന്‍ ഇടയ്ക്കിടെ മരുന്നുതേടി വനയാത്ര നടത്താറുണ്ട്. മരംകൊത്തിയുടെയും നെടുവിളിയന്‍ എന്ന പക്ഷിയുടെയും അശുഭസൂചകങ്ങളായ ശബ്ദങ്ങള്‍ തിരിച്ചറിയാനാവുമെന്ന് മല്ലന്‍ പറയുന്നു. വനത്തില്‍ വഴിതെറ്റിയപ്പോള്‍ മലങ്കുരുവിയുടെ ശബ്ദംകേട്ട് ലക്ഷ്യസ്ഥാനത്ത് എത്തിയ സംഭവവും മല്ലന്‍കാണിയുടെ ജീവിതത്തിലുണ്ട്.

പല വന്യജീവികളുടെയും ശബ്ദും ഏതാണ്ടതുപോലെ അനുകരിക്കാന്‍ മല്ലന്‍കാണിക്ക് കഴിയും. കേട്ടുമനസ്സിലാക്കിയ സംസാരവിശേഷങ്ങള്‍ അദ്ദേഹം കുറിച്ചുവെച്ചിട്ടുമുണ്ട്. ഭാര്യ: സരസ്വതി ഏഴ് വര്‍ഷംമുമ്പ് മരിച്ചു. ശിവാനന്ദന്‍, മദനവല്ലി, മധുപാല്‍ എന്നിവര്‍ മക്കളാണ്.

ഒരുമൂട് കപ്പകൊണ്ട് സ്കൂളാകെ ഭക്ഷണം

പാലോട്: എട്ടു മാസത്തെ കാത്തിരിപ്പിനുശേഷം അവര്‍ ഉത്സവാന്തരീക്ഷത്തില്‍ ഒരുമൂട് കപ്പ പിഴുതെടുത്തു. വിദ്യാലയാങ്കണത്തില്‍ നിന്നും ആ മരച്ചീനി പുറംലോകത്തേക്ക് വന്നപ്പോള്‍ കുരുന്നുകള്‍ സന്തോഷം കൊണ്ട് തുള്ളിച്ചാടി. തുടര്‍ന്ന് പുഴുങ്ങിയ കപ്പയും മീന്‍കറിയും, കോഴിയിറച്ചിക്കറിയുമായി 250 കുട്ടികളും ചേര്‍ന്ന് ഒരു സദ്യ. പച്ച ഗവ. എല്‍.പി.എസ്സിലെ കുട്ടികളാണ് നൂറ് കിലോവരുന്ന മരിച്ചീനി വിളയിച്ച് ആഹാരമാക്കിയത്.

എച്ച്11 എന്ന ഇനത്തില്‍പ്പെട്ട മരച്ചീനിയാണ് കുട്ടികള്‍ വിളയിച്ചത്. നാല് വര്‍ഷമായി വിദ്യാലയാങ്കണത്തില്‍ ഇവര്‍ ഈ പതിവ് തുടങ്ങിയിട്ട്. മുന്‍വര്‍ഷങ്ങളില്‍ ധാരാളം പച്ചക്കറികൃഷി ചെയ്തിരുന്ന ഈ വിദ്യാലയം ഇക്കുറി പരീക്ഷണാര്‍ഥം കോളീഫ്‌ളവര്‍, കാബേജ് എന്നിവ കൃഷി ചെയ്താണ് ജനശ്രദ്ധ പിടിച്ചുപറ്റിയത്.

തിങ്കളാഴ്ച പാലോട് മേളയില്‍ പ്രദര്‍ശനത്തിനുവെച്ച കപ്പ മികച്ച കാര്‍ഷികവിളക്കുള്ള ക്യാഷ് അവാര്‍ഡും നേടിയിരുന്നു. രക്ഷിതാക്കള്‍, പി.ടി.എ. ഭാരവാഹികള്‍, അധ്യാപകര്‍ എന്നിവര്‍ ഉച്ചയൂണില്‍ കുട്ടികളോടൊപ്പം പങ്കെടുത്തു.

മദ്യത്തിന് മുന്നില്‍ പോലീസ് ജീപ്പും 'തോറ്റു'

Photo: Shiju Syrus

Shiju Syrusറോഡരികില്‍ ഒതുക്കിയിട്ടിരുന്ന ജീപ്പ് കണ്ടപ്പോള്‍ മറ്റൊന്നും നോക്കിയില്ല മുന്‍ സീറ്റില്‍ത്തന്നെ കയറിക്കിടന്ന് സുഖമായി ഉറങ്ങി. മദ്യത്തിന് മുന്നില്‍ പോലീസ് ജീപ്പ് ഒന്നുമല്ലെന്ന് തെളിയിച്ചത് വിതുര സ്വദേശിയായ യുവാവായിരുന്നു.വിതുര തയ്ക്കാവ് കവലയിലായിരുന്നു സംഭവം. ഗിയര്‍ബോക്‌സ് കേടായി പോലീസ് ജീപ്പ് ഒതുക്കിയിട്ടശേഷം മെക്കാനിക്കിനെ വിളിക്കാന്‍ പോയസമയത്തായിരുന്നു മദ്യപന്‍ കയറിക്കിടന്ന് ഉറങ്ങിയത്. നാട്ടുകാര്‍ മൊബൈല്‍ ഫോണ്‍ ക്യാമറയില്‍ ദൃശ്യം പകര്‍ത്തിയശേഷം പോലീസില്‍ വിളിച്ച് വിവരം പറഞ്ഞു. ഇയാളെ പിന്നീട് അറസ്റ്റ് ചെയ്തു.

സിപിഎം സമ്മേളനം: കാര്‍ഷിക മല്‍സരങ്ങള്‍ ആവേശം വിതറി

പാലോട്: സിപിഎം സംസ്ഥാന സമ്മേളനത്തിന്റെ ഭാഗമായി നടന്ന ജില്ലാതല കാര്‍ഷിക മല്‍സരങ്ങള്‍ ആവേശം വിതറി. ഓലമെടയലും, തെങ്ങുകയറ്റവും ഉള്‍പ്പെടെ വ്യത്യസ്തമായ മല്‍സരങ്ങളാണു നടന്നത്. ഓലമെടയല്‍ മല്‍സരത്തില്‍ വിതുര മുന്‍ പഞ്ചായത്ത് പ്രസിഡന്റ് അപ്പുക്കുട്ടന്‍കാണിയും പങ്കെടുത്തു. നാടന്‍പാട്ട് അവതരണവും ഗാനമേളയും ഇതോടൊപ്പം നടന്നു. കാര്‍ഷിക മല്‍സരങ്ങളുടെ ഉദ്ഘാടനം കായിക താരം ബോബി അലോഷ്യസ് നിര്‍വഹിച്ചു.

സിപിഎം ജില്ലാ സെക്രട്ടറി കടകംപള്ളി സുരേന്ദ്രന്‍, കോലിയക്കോട് കൃഷ്ണന്‍നായര്‍ എംഎല്‍എ, സംസ്ഥാന കമ്മിറ്റി അംഗം ആനാവൂര്‍ നാഗപ്പന്‍, ജില്ലാ സെക്രട്ടേറിയറ്റ് അംഗം വികെ. മധു, ഏരിയ സെക്രട്ടറി പേരയം ശശി എന്നിവരടക്കം അനവധിപേര്‍ സംബന്ധിച്ചു. മല്‍സര വിജയികള്‍(യഥാക്രമം ഒന്ന്, രണ്ട് സ്ഥാനക്കാര്‍): ഒാലമെടയല്‍: സുമതി വേലന്‍കോണം, ത്യാഗരാജന്‍ ആനകുളം. തെങ്ങു കയറ്റം: പ്രദീപ് കുന്നുംപുറം, സതീശന്‍ പനങ്ങോട്.

ഓലമെടയല്‍, തെങ്ങുകയറ്റമത്സരം

പാലോട്: സി.പി.എം. സംസ്ഥാന സമ്മേളനത്തിന്റെ ഭാഗമായി പാലോട് ജില്ലാതല ഓലമെടയല്‍, തെങ്ങുകയറ്റ മത്സരങ്ങള്‍ നടത്തുന്നു. 25ന് വൈകീട്ട് മൂന്നിന് നടക്കുന്ന മത്സരത്തില്‍ 1501 രൂപ ഒന്നാംസമ്മാനവും 1001, 751 രൂപ രണ്ടും മൂന്നും സമ്മാനങ്ങളും ലഭിക്കും. പങ്കെടുക്കാനാഗ്രഹിക്കുന്നവര്‍ പേര് രജിസ്റ്റര്‍ ചെയ്യണം. ഫോണ്‍: 9447071374, 944690 1316.

ആനമുട്ടയിടുന്ന കോഴി

സാധാരണയിടുന്ന മുട്ടയെക്കാളും മൂന്നിരട്ടി വലുപ്പമുള്ള കോഴിമുട്ട കൌതുകമായി

കഴക്കൂട്ടം:  സാധാരണയിടുന്ന മുട്ടയെക്കാളും മൂന്നിരട്ടി വലുപ്പമുള്ള കോഴിമുട്ട കൌതുകമായി. കഴക്കൂട്ടത്തു ഡെല്‍റ്റാ ഇലക്ട്രോണിക്സ് കട നടത്തുന്ന കിഴക്കുംകര സത്യ നിവാസില്‍ സത്യദാസിന്റെ ഭാര്യ ജീജ വളര്‍ത്തിയ കോഴിയാണു വമ്പന്‍ മുട്ടയിട്ടു വീട്ടുകാരെയും നാട്ടുകാരെയും അമ്പരപ്പിച്ചത്. മാസങ്ങള്‍ക്കു മുന്‍പു ജീജ റോഡിലൂടെ സൈക്കിളില്‍ കൊണ്ടുപോയ മുട്ടക്കോഴിക്കുഞ്ഞുങ്ങളെ വാങ്ങി വളര്‍ത്തി.  സാധാരണകോഴികളെപ്പോലെ മുട്ടയിട്ടിരുന്ന ഒരു കോഴി കഴിഞ്ഞ ദിവസം 180 ഗ്രാം തൂക്കംവരുന്ന മുട്ടയിട്ടു.  സാധരണ നാടന്‍മുട്ടയുടെ തൂക്കം 60 ഗ്രാം ആണ്.  വമ്പന്‍ മുട്ടയിടുന്നതിനു മുന്‍പ് ഇൌ കോഴിയിട്ട മുട്ടയ്ക്ക് 60 ഗ്രാം തൂക്കമാണ് ഉണ്ടായിരുന്നത്. എന്തായാലും അസാധാരണ വലുപ്പമുള്ള മുട്ട വീട്ടുകാര്‍ക്കും നാട്ടുകാര്‍ക്കുമെല്ലാം കൌതുകമായിട്ടുണ്ട്.

പ്രഭാതഭക്ഷണത്തിന് മയിലുകളും

വിതുര: ബോണക്കാട് തോട്ടത്തിലെ ജീവനക്കാരിയായ പ്രസന്നാ മോഹനന്റെ ക്വാര്‍ട്ടേഴ്‌സില്‍ പ്രഭാതഭക്ഷണത്തിന് രണ്ടു മയിലുണ്ടാകും. തോട്ടത്തിനപ്പുറത്തെ വനത്തില്‍ നിന്നാണ് ഇവ ദിവസവും രാവിലെ ക്വാര്‍ട്ടേഴ്‌സില്‍ എത്തുന്നത്. വീട്ടുകാര്‍ അകത്തിരുന്ന് പ്രാതല്‍ കഴിക്കുമ്പോള്‍ മയിലുകള്‍ക്ക് ആഹാരം ചിരട്ടയിലാക്കി പുറത്തുവെയ്ക്കുകയാണ് പതിവ്. കഴിച്ചശേഷം മടങ്ങുന്ന ഇവ ചിലപ്പോള്‍ വൈകുന്നേരങ്ങളിലും എത്തും. രാവിലെ വീട്ടില്‍ ആളില്ലാതിരുന്നാല്‍ പിന്നെ ഒന്നുരണ്ട് ദിവസത്തേക്ക് മയിലുകള്‍ വരാതിരിക്കുമെന്ന് ഗൃഹനാഥന്‍ ജി. മോഹനന്‍ പറയുന്നു. സംഘത്തില്‍ ഒരു മയില്‍കൂടിയുണ്ടെങ്കിലും അത് വീട്ടുകാരുമായി ഇണങ്ങിയിട്ടില്ല.

പ്രായം എഴുപത്തഞ്ചിനോടടുത്തെങ്കിലും ഫ്രാന്‍സിസ് ഇന്നും തെങ്ങിന്റെ മണ്ടയില്‍ തന്നെ

പാലോട്: പ്രായം എഴുപത്തഞ്ചിനോടടുത്തെങ്കിലും വലിയതാന്നിമൂട് കൈത്താമരപൊയ്ക വീട്ടില്‍ ഫ്രാന്‍സിസ് ഇന്നും തെങ്ങിന്റെ മണ്ടയില്‍ തന്നെ.  ഇരുപത്തഞ്ചാമത്തെ വയസ്സില്‍ തുടങ്ങിയ തെങ്ങുകയറ്റം പ്രായം  തളര്‍ത്താതെ ഇന്നും തുടരുന്നു. തെങ്ങുകയറ്റത്തിന് ആളെ കിട്ടാതെ വിഷമിക്കുമ്പോള്‍ നാട്ടിലെ പ്രമാണിമാര്‍ക്കും പാവപ്പെട്ടവര്‍ക്കും  ഫ്രാന്‍സിസ് ആശ്രയമാണ്. ഒരു മൂട് തെങ്ങില്‍ കയറാന്‍ വിളിച്ചാലും ഫ്രാന്‍സിസ് വയ്യെന്നു പറയില്ല.

അതുകൊണ്ടു തന്നെ ദൂരസ്ഥലങ്ങളില്‍ പോകാതെ  താന്നിമൂടിന്റെ ചുറ്റുവട്ടങ്ങളില്‍  ദിവസവും പണിയുണ്ട്. ഒരു ദിവസം എത്ര മൂട് തെങ്ങില്‍ വേണമെങ്കിലും കയറുന്ന ഫ്രാന്‍സിസിന്റെ  ആരോഗ്യരഹസ്യം ദിനചര്യപോലെയുള്ള ഈ തെങ്ങുകയറ്റം തന്നെ. നാട്ടുകാരില്‍ നിറയുന്ന സംതൃപ്തിയില്‍ നിന്നാണു  തനിക്ക് ഇതിനുള്ള ഉൌര്‍ജം ലഭിക്കുന്നതെന്നു ഫ്രാന്‍സിസ് പറയുന്നു. കുടുംബത്തെ അല്ലലില്ലാതെ മുന്നോട്ടു കൊണ്ടുപോകുന്നതും അതുകൊണ്ടുതന്നെ.

പൊന്‍മുടി അടിമുടി പൂവണിഞ്ഞു; സഞ്ചാരികള്‍ ഒഴുകുന്നു

വിതുര:  ടൂറിസ്റ്റ് കേന്ദ്രമായ പൊന്‍മുടി മലനിര അടിമുടി പൂത്തുലഞ്ഞു.  കല്ലാര്‍ ഗോള്‍ഡന്‍വാലി മുതല്‍ മരങ്ങള്‍ പൂവണിഞ്ഞുനില്‍ക്കുന്നതു സഞ്ചാരികള്‍ക്കു വര്‍ണക്കാഴ്ച ഒരുക്കുന്നു.  പൊന്‍മുടി മലനിരയിലെ തേന്‍മാവും തേക്കും ഇലഞ്ഞിയും വാകയും കൊന്നയും മരുതും തുടങ്ങി ഗുല്‍മോഹര്‍ വരെ പൂത്തു. പുല്‍മേടുകളും സ്വര്‍ണവര്‍ണമണിഞ്ഞു.  പൊന്‍മുടിയില്‍ വിനോദസഞ്ചാരികളുടെ തിരക്ക് വര്‍ധിച്ചിട്ടുണ്ട്.

അവധി ദിനങ്ങളിലാണു നൂറുകണക്കിനു ടൂറിസ്റ്റുകള്‍ എത്തുന്നത്.  മഴ മാറിയതോടെ കുടുംബസമേതം എത്തുന്നവരുടെ എണ്ണവും വര്‍ധിച്ചു.  സുഖശീതളമായ കാലാവസ്ഥയും പ്രകൃതിരമണീയതയും സഞ്ചാരികളെ മാടിവിളിക്കുകയാണ്.  ശനി, ഞായര്‍ ദിവസങ്ങളില്‍ അപ്പര്‍ സാനറ്റോറിയവും പരിസരവും വാഹനങ്ങളെക്കൊണ്ടു നിറയുകയും ഗതാഗതതടസ്സമുണ്ടാകുകയും ചെയ്യുന്നു.  അപകടങ്ങളും പതിവാണ്.

ഇവിടെ ഏതാനും ദിവസങ്ങളായി അനുഭവപ്പെടുന്ന ശക്തമായ കോടമഞ്ഞിനു പുറമെ ഇപ്പോള്‍ പാണ്ടിക്കാറ്റും വീശുന്നുണ്ട്.  മഞ്ഞും കാറ്റും തണുപ്പും പൂവണിഞ്ഞുനില്‍ക്കുന്ന മലനിരകളും സഞ്ചാരികള്‍ക്കു നവ്യാനുഭൂതി പകരുന്നു.  വന്യമൃഗങ്ങളുടെ സാന്നിധ്യം ടൂറിസ്റ്റുകള്‍ക്കു കൌതുകക്കാഴ്ചയായി മാറി.  കെടിഡിസിയുടെ കെട്ടിടവാടക സഞ്ചാരികള്‍ക്കു പ്രശ്നമായി മാറിയിട്ടുണ്ട്.

വാടക കുറച്ചു മുറികള്‍
ലഭ്യമാക്കണമെന്നാണു സഞ്ചാരികളുടെ ആവശ്യം.  ഗസ്റ്റ്ഹൌസിലെ മുറികള്‍ മിക്കപ്പോഴും ഫുള്ളാണ്.  വികസനം മുരടിച്ചു ശോച്യാവസ്ഥയിലായിരുന്ന പൊന്‍മുടിയുടെ മുഖഛായ മാറ്റാന്‍ സര്‍ക്കാര്‍ വിവിധ വികസനപദ്ധതികള്‍ ആവഷ്കരിച്ചിരിക്കുകയാണ്. ടൂറിസം മന്ത്രി എ.പി. അനില്‍കുമാറും വനംമന്ത്രി കെ.ബി. ഗണേഷ്കുമാറും പൊന്‍മുടി സന്ദര്‍ശിച്ചു ദുരവസ്ഥ മനസ്സിലാക്കുകയും വികസനപ്രവര്‍ത്തനങ്ങള്‍ നടപ്പിലാക്കുന്നതിനായി 60 ലക്ഷം അനുവദിക്കുകയും ചെയ്തു.

ഇതിന്റെ ഭാഗമായി ഇടിഞ്ഞുപൊളിഞ്ഞുകിടന്ന ഗസ്റ്റ്ഹൌസ് പൊളിച്ചുതുടങ്ങി.  കുട്ടികളുടെ പാര്‍ക്കും നവീകരിക്കും.  അപ്പര്‍ സാനറ്റോറിയത്തിലെ നിര്‍മാണപ്രവര്‍ത്തനങ്ങള്‍ അടുത്ത മാസം ആരംഭിക്കും.  ടൂറിസ്റ്റുകളെ ആകര്‍ഷിക്കാനായി വിവിധ പദ്ധതികള്‍ ആവിഷ്കരിക്കാന്‍ ടൂറിസം വകുപ്പു തീരുമാനമെടുത്തിട്ടുണ്ട്.

പോലീസിന്റെ മൂക്കിനുതാഴെ പെട്രോള്‍ ഊറ്റ്‌

തിരുവനന്തപുരം: കനകക്കുന്നിലെ സിനിമാക്കാഴ്ച കാണാന്‍ ഞായറാഴ്ച പി.ടി.പി. നഗറിലെ അരുള്‍കുമാര്‍ കുടുംബസമേതം വന്നെത്തിയതാണ് തന്റെ സ്‌പ്ലെന്‍ഡര്‍ ബൈക്കില്‍. കൊട്ടാരവളപ്പിലെ പാര്‍ക്കിങ് ലോട്ടില്‍ ഭദ്രമായി വണ്ടി പൂട്ടിവെച്ചു.മടങ്ങിവന്നപ്പോള്‍ ബൈക്കില്‍ ഒരു പ്ലാസ്റ്റിക് ബാഗ് (ചിത്രം 1) തൂങ്ങിക്കിടക്കുന്നു.

അതിനകത്ത് രണ്ടുലിറ്ററിന്റെ മധുരപാനീയം നിറയെ. മറ്റാരുടെയോ വണ്ടിയാണെന്നു കരുതി തന്റെ വണ്ടിക്കായി തിരച്ചിലായി. വണ്ടിനമ്പര്‍ നോക്കിയപ്പോള്‍ ആ വണ്ടി തന്റേതു തന്നെ. അടുത്തെത്തി കവര്‍ തുറന്നുനോക്കിയപ്പോള്‍ ദേ കിടക്കുന്നു തട്ടിപ്പ്.

ടാങ്കില്‍ നിന്ന് നേരിട്ട് കുപ്പിയിലേക്ക് ഒരു കള്ളന്‍ പെട്രോള്‍ ഊറ്റുകയായിരുന്നു അതുവരെ. (ചിത്രം 2)ടൂറിസം പോലീസും മഫ്ടി പോലീസും ഷാഡോ പോലീസും റോന്തുചുറ്റുന്ന കൊട്ടാരത്തിലാണ് ഈ തട്ടിപ്പ്.തലസ്ഥാനനഗരിയിലെ നഗരവാസികള്‍ ഇത്തരം തട്ടിപ്പ് സൂക്ഷിക്കാന്‍ നഗരം പേജിലേക്ക് അരുള്‍കുമാര്‍ ചിത്രങ്ങള്‍ പകര്‍ത്തി അയച്ചുതന്നു.

തറയില്‍ കുല