WELCOME
Showing posts with label അട്ടിമറി. Show all posts
Showing posts with label അട്ടിമറി. Show all posts
Thursday, July 5, 2012
വിദ്യാഭ്യാസ വായ്പ നിഷേധിക്കുന്ന ബാങ്കുകള്‍ക്കെതിരെ സമരം നടത്തും: പ്രവാസി റിട്ടേണീസ് കോണ്‍ഗ്രസ്
വിതുര. പാവപ്പെട്ട വിദ്യാര്‍ഥികള്‍ക്കു വിദ്യാഭ്യാസവായ്പ നിഷേധിക്കുന്ന ബാങ്കുകളുടെ നടപടികള്‍ ഉപേക്ഷിക്കണമെന്നു പ്രവാസി റിട്ടേണീസ് കോണ്‍ഗ്രസ് തിരുവനന്തപുരം ജില്ലാകമ്മിറ്റി യോഗം ആവശ്യപ്പെട്ടു. വിദ്യാഭ്യാസ വായ്പയ്ക്ക് അപേക്ഷ നല്‍കിയാല്‍ ചില മുടന്തന്‍ ന്യായങ്ങള്‍ നിരത്തി വായ്പ നിഷേധിക്കുന്ന നിലപാടാണു മിക്ക ബാങ്കുകളും സ്വീകരിച്ചു വരുന്നതെന്നും വായ്പയ്ക്കായി ബാങ്കുകളില്‍ കയറിയിറങ്ങി നട്ടം തിരിയുകയാണെന്നും വായ്പ ലഭിക്കാത്തതുമൂലം അനവധി വിദ്യാര്‍ഥികളുടെ ഉന്നതവിദ്യാഭ്യാസം എന്ന സ്വപ്നം തകര്‍ന്നുവെന്നും ഇതിനെതിരെ ബാങ്ക് പടിക്കല്‍ ശക്തമായ സമര പരിപാടികള്‍ സംഘടിപ്പിക്കുമെന്നും പ്രവാസി റിട്ടേണീസ് കോണ്‍ഗ്രസ് ജില്ലാ ഭാരവാഹികളായ പള്ളിവിള സലിം, ഇ.എം. നസീര്‍, എസ്. ജയേന്ദ്രകുമാര്‍, ആനപ്പാറ റഷീദ്, എ.എം. കാസിം എന്നിവര്‍ അറിയിച്ചു.
Monday, April 30, 2012
റൊട്ടേഷന്‍ വ്യവസ്ഥ അട്ടിമറിക്കരുത്
നന്ദിയോട്: ചെറ്റച്ചല്‍ ജഴ്‌സിഫാമില്‍ 134 കാഷ്വല്‍ തൊഴിലാളികളില്‍ ഒരുവിഭാഗത്തിന് സര്‍ക്കാര്‍ നല്‍കിയിരിക്കുന്ന റൊട്ടേഷന്‍ വ്യവസ്ഥ അട്ടിമറിക്കുന്ന ഫാം കൗണ്‍സില്‍ തീരുമാനം പിന്‍വലിക്കണമെന്ന് ജഴ്‌സിഫാം എക്‌സ്റ്റന്‍ഷന്‍ യൂണിറ്റ് കണ്‍വീനര്‍ ബി. ജയകുമാരി പ്രസ്താവനയില്‍ ആവശ്യപ്പെട്ടു. കുറച്ചുപേര്‍ക്ക് കൂടുതല്‍ തൊഴില്‍ദിനങ്ങള്‍ നല്‍കാനും മറ്റുചിലര്‍ക്ക് തൊഴില്‍ എണ്ണം കുറയ്ക്കാനുമാണ് പുതിയ തീരുമാനം. ഈ മാസം 20ന് ചേര്‍ന്ന ഫാം കൗണ്‍സില്‍ യോഗത്തിലാണ് പുതിയ തീരുമാനം കൈക്കൊണ്ടത്.
ഇത് സര്‍ക്കാര്‍ നിര്‍ദേശങ്ങള്‍ കാറ്റില്‍പ്പറത്തികൊണ്ടാണ് നടപ്പാക്കിയത്. തീരുമാനം പിന്‍വലിക്കണമെന്നാവശ്യപ്പെട്ട് അന്നുതന്നെ കേരള ഫാം വര്‍ക്കേഴ്‌സ് സെന്റര്‍ ഭാരവാഹികള്‍ കൗണ്‍സില്‍ യോഗത്തില്‍ നിന്നും ഇറങ്ങിപ്പോയിരുന്നു.
ഇത് സര്‍ക്കാര്‍ നിര്‍ദേശങ്ങള്‍ കാറ്റില്‍പ്പറത്തികൊണ്ടാണ് നടപ്പാക്കിയത്. തീരുമാനം പിന്‍വലിക്കണമെന്നാവശ്യപ്പെട്ട് അന്നുതന്നെ കേരള ഫാം വര്‍ക്കേഴ്‌സ് സെന്റര്‍ ഭാരവാഹികള്‍ കൗണ്‍സില്‍ യോഗത്തില്‍ നിന്നും ഇറങ്ങിപ്പോയിരുന്നു.
Subscribe to:
Posts (Atom)