വിദ്യാഭ്യാസ വായ്പ നിഷേധിക്കുന്ന ബാങ്കുകള്‍ക്കെതിരെ സമരം നടത്തും: പ്രവാസി റിട്ടേണീസ് കോണ്‍ഗ്രസ്

വിതുര. പാവപ്പെട്ട വിദ്യാര്‍ഥികള്‍ക്കു വിദ്യാഭ്യാസവായ്പ നിഷേധിക്കുന്ന ബാങ്കുകളുടെ നടപടികള്‍ ഉപേക്ഷിക്കണമെന്നു പ്രവാസി റിട്ടേണീസ് കോണ്‍ഗ്രസ് തിരുവനന്തപുരം ജില്ലാകമ്മിറ്റി യോഗം ആവശ്യപ്പെട്ടു. വിദ്യാഭ്യാസ വായ്പയ്ക്ക് അപേക്ഷ നല്‍കിയാല്‍ ചില മുടന്തന്‍ ന്യായങ്ങള്‍ നിരത്തി വായ്പ നിഷേധിക്കുന്ന നിലപാടാണു മിക്ക ബാങ്കുകളും സ്വീകരിച്ചു വരുന്നതെന്നും വായ്പയ്ക്കായി ബാങ്കുകളില്‍ കയറിയിറങ്ങി നട്ടം തിരിയുകയാണെന്നും വായ്പ ലഭിക്കാത്തതുമൂലം അനവധി വിദ്യാര്‍ഥികളുടെ ഉന്നതവിദ്യാഭ്യാസം എന്ന സ്വപ്നം തകര്‍ന്നുവെന്നും ഇതിനെതിരെ ബാങ്ക് പടിക്കല്‍ ശക്തമായ സമര പരിപാടികള്‍ സംഘടിപ്പിക്കുമെന്നും പ്രവാസി റിട്ടേണീസ് കോണ്‍ഗ്രസ് ജില്ലാ ഭാരവാഹികളായ പള്ളിവിള സലിം, ഇ.എം. നസീര്‍, എസ്. ജയേന്ദ്രകുമാര്‍, ആനപ്പാറ റഷീദ്, എ.എം. കാസിം എന്നിവര്‍ അറിയിച്ചു.

താത്കാലിക ജീവനക്കാരിയെ പിരിച്ചുവിട്ട ഗസ്റ്റ്ഹൗസ് മാനേജരെ സ്ഥലംമാറ്റി

വിതുര: താത്കാലികാടിസ്ഥാനത്തില്‍ ജോലിചെയ്തിരുന്ന തൂപ്പുകാരിയെ പിരിച്ചുവിട്ട ഗസ്റ്റ്ഹൗസ് മാനേജര്‍ക്ക് സ്ഥലംമാറ്റം. വിനോദസഞ്ചാരവകുപ്പിന്റെ പൊന്മുടി ഗസ്റ്റ്ഹൗസിലാണ് സംഭവം. സ്ഥാപനത്തിലെ സ്ഥിര ജീവനക്കാര്‍ക്കെതിരെ കേസ് കൊടുത്തതിനെത്തുടര്‍ന്നായിരുന്നു തൂപ്പുകാരിയെ പിരിച്ചുവിട്ടത്.

തന്നോട് അപമര്യാദയായി പെരുമാറിയെന്ന് കാണിച്ചാണ് ഗസ്റ്റ്ഹൗസിലെ ഏതാനും ജീവനക്കാര്‍ക്കെതിരെ കഴിഞ്ഞ മാസം താത്കാലിക ജീവനക്കാരി പരാതിപ്പെട്ടത്. തുടര്‍ന്ന് ഇവരെ ജോലിയില്‍നിന്ന് പിരിച്ചുവിടുകയായിരുന്നു. സംഭവം വിവാദമായതിനെത്തുടര്‍ന്ന് മാനേജരെ കഴിഞ്ഞ ദിവസം ആറ്റിങ്ങല്‍ ഗസ്റ്റ്ഹൗസിലേക്ക് സ്ഥലംമാറ്റി. തിരുവനന്തപുരം യാത്രിനിവാസിലെ മാനേജര്‍ക്ക് പൊന്മുടി ഗസ്റ്റ്ഹൗസിന്റെ ചുമതലകൂടി നല്‍കുകയുംചെയ്തു.

വികസന സ്വപ്നങ്ങള്‍ക്ക് ചിറക് മുളയ്ക്കുന്ന പൊന്മുടിയില്‍ വിനോദസഞ്ചാരവകുപ്പിന്റെ ഗസ്റ്റ്ഹൗസിന് മുഴുവന്‍സമയ മാനേജര്‍ വേണമെന്ന് ആവശ്യമുയരുന്നുണ്ട്.

മിണ്ടാപ്രാണികളോട് എന്തിനു ഈ ക്രൂരത..

മിണ്ടാപ്രാണികളോട് എന്തിനു ഈ ക്രൂരത..കിലൊമീറ്ററുകള്‍ ചുട്ടുപൊള്ളുന്ന റോഡില്‍ കൂടി ഇവയ നടത്തുന ക്രൂര വിനോദം എന്തിന്റ പേരില്‍ ആയാലും സഹിക്കാന്‍ പറ്റുന്നില്ല..'പാലോട് ചെങ്കോട്ട റോഡിലെ ഒരു ദയനീയ ദൃശ്യം..