വിതുര: കലുങ്ക് കവലയ്ക്ക് സമീപത്തെ പച്ചക്കറിക്കടയില്‍ ലോഡ് ഇറക്കുന്നതിനെച്ചൊല്ലിയുള്ള വഴക്ക് സംഘര്‍ഷത്തില്‍ കലാശിച്ചു. സംഭവത്തില്‍ പരിക്കേറ്റ ലോഡിങ് തൊഴിലാളി വിതുര കല്ലുവെട്ടാന്‍കുഴി അഖിലാഭവനില്‍ ജി.അനില്‍കുമാറി (45) നെ നെടുമങ്ങാട് താലൂക്ക് ആസ്പത്രിയില്‍ പ്രവേശിപ്പിച്ചു. കടയുടമ സുശീലയ്ക്കും ബന്ധുക്കള്‍ക്കുമെതിരെ തൊഴിലാളികള്‍ പോലീസില്‍ പരാതി നല്‍കി. അതേസമയം സംഘര്‍ഷത്തില്‍ പരിക്കേറ്റതായി കാണിച്ച് സുശീല വിതുര ആസ്പത്രിയില്‍ ചികിത്സ തേടിയിട്ടുണ്ട്. ലോറിയില്‍ നിന്ന് ലോഡിറക്കാന്‍ തൊഴിലാളികളെ കടയുടമ അനുവദിക്കാത്തതാണ് സംഘര്‍ഷത്തിന് വഴിവെച്ചത്.