രാവിലെ റബര്‍ വെട്ടാന്‍ പോയ തൊഴിലാളിയാണു മേഞ്ഞുനടക്കുന്ന ആനയെ കണ്ടത്. സമീപത്തായി ഉറങ്ങുന്ന പാപ്പാനെയും കണ്ടു. നാട്ടുകാര്‍ വിളിച്ചുണര്‍ത്തിയപ്പോള്‍ നില്‍ക്കാനാവാത്ത നിലയില്‍ മദ്യലഹരിയിലായിരുന്നുവത്രെ. ആനയെ തളയ്ക്കാന്‍ തന്റെ കയ്യില്‍ തോട്ടിയില്ലെന്നു പറഞ്ഞു. നാട്ടുകാര്‍ കൂടിയതിനെ തുടര്‍ന്നു പൊലീസും ഫോറസ്റ്റ് അധികൃതരും എത്തി യഥാര്‍ഥ പാപ്പാനെ വരുത്തി തളയ്ക്കുകയായിരുന്നു. ആനയുടെ ഉടമ പിന്നീടു സ്ഥലത്തെത്തി നശിപ്പിച്ച റബര്‍ മരങ്ങള്‍ക്കു നഷ്ടപരിഹാരവും നല്‍കി.