മൂന്നു ദിവസമായി ഉച്ചതിരിഞ്ഞു പൊന്‍മുടി, കല്ലാര്‍ മേഖലയില്‍ വേനല്‍ മഴ തിമര്‍ത്തു പെയ്യുകയാണ്. അനിയന്ത്രിതമായ മണലൂറ്റുമൂലം കല്ലാര്‍ വറ്റിക്കിടക്കുകയായിരുന്നു. മഴ ശക്തിപ്പെട്ടതോടെ ധാരാളം മണല്‍ വന്നടിയുടകയും ചെയ്തിട്ടുണ്ട്. ഇന്നലെ വൈകിട്ടു നദി പതിവിനു വിപരീതമായി മണിക്കൂറുകളോളം കലങ്ങി മറിഞ്ഞൊഴുകിയതോടെ കല്ലാര്‍ വനത്തില്‍ ഉരുള്‍പൊട്ടിയെന്ന കിംവദന്തിയും പടര്‍ന്നു. അനേകം പേര്‍ കല്ലാറിലെ വെള്ളപ്പൊക്കം കാണാനെത്തി. ഇതിനിടയില്‍ ചില ചാനലുകളിലും മറ്റും ഉരുള്‍ പൊട്ടല്‍ വാര്‍ത്ത ഫ്ളാഷായി വന്നതു ഭീതി വര്‍ധിക്കാന്‍ കാരണമായി.