25 ഏക്കര്‍ നഷ്ടപ്പെട്ടാല്‍ ഫാമിന്റെ പ്രവര്‍ത്തനം തടസ്സപ്പെടുമെന്ന വാദമാകും നൂറോളം വരുന്ന തൊഴിലാളികള്‍ മന്ത്രിക്ക് മുന്നില്‍ വെയ്ക്കുക. നൂറേക്കറോളം വിസ്തൃതിയുള്ള അടിപറമ്പ് ഫാമില്‍ നിലവില്‍ വിവിധ ആവശ്യങ്ങള്‍ക്കായി ഉപയോഗിച്ചുവരുന്ന സ്ഥലം അമ്പതേക്കറില്‍ താഴെ മാത്രമാണ്. ബാക്കി അമ്പതോളം ഏക്കര്‍ ഭൂമി വെറുതെ കിടക്കുകയാണ്. ഇതില്‍ നിന്ന് 25 ഏക്കര്‍ ഒറ്റപ്ലോട്ടായി 'ഇഗേ്‌നാ'യ്ക്ക് നല്‍കാനുള്ള സാധ്യതകളാണ് മന്ത്രിയുടെ നേതൃത്വത്തിലുള്ള സംഘം പരിശോധിക്കുക.
'ഇഗേ്‌നാ'യുടെ സ്ഥലമെടുപ്പ് നടപടികള്‍ തുടങ്ങിയതുകൊണ്ട് മാത്രം വെളിച്ചത്തുവന്ന വസ്തുതയാണ് അടിപറമ്പ് ഫാമിന് 100 ഏക്കര്‍ ഭൂമി നഷ്ടമായെന്നത്. 'ഇഗേ്‌നാ' ചര്‍ച്ചാവിഷയമാകുന്നതിന് മുമ്പുവരെ ഫാമിന്റെ മൊത്തം വിസ്തൃതി 400 ഏക്കര്‍ ആണെന്നായിരുന്നു റവന്യൂ വകുപ്പ് ഉള്‍പ്പെടെ പറഞ്ഞിരുന്നത്. 200 ഏക്കര്‍ 'ഐസെറി'ന് നല്‍കിയപ്പോള്‍ ബാക്കി 200 ഏക്കര്‍ ഉണ്ടെന്നായിരുന്നു എല്ലാവരുടെയും ധാരണ.
മന്ത്രി കെ.പി. മോഹനന്റെ ചേംബറില്‍ നടന്ന ചര്‍ച്ചയ്ക്ക് മുന്നോടിയായി റവന്യൂ അധികൃതര്‍ നടത്തിയ പരിശോധനയിലാണ് 100 ഏക്കര്‍ കുറവുണ്ടെന്നത് കണ്ടെത്തിയത്.