ചന്തയുടെ പരിമിതികള്മൂലം മിക്കവാറും മല്സ്യച്ചന്തകള് നടക്കുന്നതു മടത്തറ സ്കൂള് പരിസരത്താണ്. വിശാലമായ കൃഷി മേഖലയുടെ ആസ്ഥാനമായ മടത്തറയില് നല്ലൊരു മാര്ക്കറ്റിനു സാധ്യതകളുണ്ടെന്നും മാര്ക്കറ്റ് നവീകരിച്ചു സൌകര്യമൊരുക്കിയാല് കാര്ഷിക, പരമ്പരാഗത മേഖലകള്ക്ക് ഉണര്വേകുമെന്നും ചൂണ്ടിക്കാട്ടുന്നു. പെരിങ്ങമ്മല പഞ്ചായത്തിലാണു മാര്ക്കറ്റ് സ്ഥിതിചെയ്യുന്നതെങ്കിലും കൊല്ലം, തിരുവനന്തപുരം ജില്ലകളുടെ അതിര്ത്തിപ്രദേശമായ ഇവിടെ ചിതറ പഞ്ചായത്തിലെയും കര്ഷകര്ക്കു പ്രയോജനം ചെയ്യും. മാര്ക്കറ്റിനായുള്ള മുഴുവന് ഭൂമിയും പ്രയോജനപ്പെടുത്തി അടിസ്ഥാന സൌകര്യങ്ങളൊരുക്കി മടത്തറ ചന്തയെ വികസിപ്പിക്കണമെന്നാണു നാട്ടുകാരുടെ അഭിപ്രായം.