പാലോട്: നന്ദിയോട് പഞ്ചായത്തില്‍ മൂന്നുദിവസമായി കുടിവെള്ളവിതരണം മുടങ്ങി. പാലോട് പമ്പ്ഹൗസില്‍നിന്നാണ് ഇവിടെ ജലവിതരണം നടത്തുന്നത്. പ്ലാവറ, കള്ളിപ്പാറ, നവോദയ, പച്ച, താന്നിമൂട് പ്രദേശങ്ങളിലൊന്നും വെള്ളമില്ലാതെ ജനം വലഞ്ഞു.
പാലോട് ഗവ. ആസ്പത്രി, വിദ്യാലയങ്ങള്‍, ഹോട്ടലുകള്‍ എന്നിവിടങ്ങളിലും കുടിവെള്ളവിതരണം മുടങ്ങി. ആസ്പത്രിയിലെത്തുന്ന രോഗികളും അവരുടെ കൂട്ടിരിപ്പുകാരും കുടിവെള്ളത്തിനായി നെട്ടോട്ടത്തിലാണ്.