ഗസ്റ്റ്ഹൌസ് വികസനത്തിനു നാലുകോടി രൂപയാണു ചെലവഴിക്കുന്നത്. അപ്പര്‍സാനറ്റോറിയത്തില്‍ കോഫിഹൌസ്, വെയിറ്റിങ്ഷെഡ്, ടോയ്ലറ്റ് എന്നിവ നിര്‍മിക്കാനും തീരുമാനമായി. ഇതിന് ഒരു കോടിയോളം രൂപ വിനിയോഗിക്കും. നിര്‍മാണപ്രവര്‍ത്തനങ്ങളുടെ ഉദ്ഘാടനം അടുത്തമാസം നടക്കും. മുഖ്യമന്ത്രി ഉമ്മന്‍ചാണ്ടി പങ്കെടുക്കുമെന്ന് എ.പി. അനില്‍കുമാര്‍ അറിയിച്ചു. പൊന്‍മുടിയുടെ ശോച്യാവസ്ഥയെക്കുറിച്ചു പഠിക്കാനും ആവശ്യമായ വികസനപ്രവര്‍ത്തനങ്ങളെക്കുറിച്ചു ചര്‍ച്ചചെയ്യാനുമായി മന്ത്രിമാരായ കെ.ബി. ഗണേഷ്കുമാറും, എ.പി. അനില്‍കുമാറും പൊന്‍മുടി സന്ദര്‍ശിച്ചിരുന്നു. പൊന്‍മുടിയില്‍ വന്‍ വികസനപ്രവര്‍ത്തനങ്ങള്‍ നടത്തുമെന്നു വാഗ്ദാനം ചെയ്തശേഷമാണ് അനില്‍കുമാറും, ഗണേഷ്കുമാറും പൊന്‍മുടി മലയിറങ്ങിയത്.