വിതുര: വിതുര മഹാദേവര്‍ ക്ഷേത്രത്തിന് സമീപം ചാന്ദ്‌നി ഭവനില്‍ വിനീഷ്ചന്ദിന്റെ ഭാര്യ രാഖി (25) ഭര്‍തൃഗൃഹത്തില്‍ മരിച്ച സംഭവത്തില്‍ നെടുമങ്ങാട് ഡിവൈ.എസ്.പി. മുഹമ്മദ് ഷാഫിയുടെ നേതൃത്വത്തില്‍ അന്വേഷണം തുടങ്ങി. വിനീഷ്ചന്ദിന്റെ വീട്ടില്‍ ചൊവ്വാഴ്ചയെത്തിയ അദ്ദേഹംതെളിവെടുപ്പ് നടത്തി. യുവതി തൂങ്ങിമരിച്ചതുതന്നെയെന്നാണ് പോലീസിന്റെ പ്രാഥമിക നിഗമനം. സ്ത്രീധനപീഡനം നടന്നിട്ടുണ്ടോയെന്ന കാര്യമാണ് അന്വേഷിക്കുന്നതെന്ന് ഡിവൈ.എസ്.പി. മുഹമ്മദ്ഷാഫി 'മാതൃഭൂമി'യോട് പറഞ്ഞു.