വീടാക്രമിച്ച് മര്‍ദിച്ചതായി പരാതി

വിതുര: വീടാക്രമിച്ച് കുടുംബാംഗങ്ങളെ മര്‍ദിച്ചെന്ന് വിതുര ഉരുളുകുന്ന് ആര്‍.ആര്‍. നിവാസില്‍ രാമചന്ദ്രന്‍ വിതുര പോലീസില്‍ പരാതി നല്‍കി. മര്‍ദനത്തില്‍ പരിക്കേറ്റ രാമചന്ദ്രന്റെ ഭാര്യ രാധിക നെടുമങ്ങാട് താലൂക്ക് ആസ്​പത്രിയില്‍ ചികിത്സയിലാണ്. മകന്‍ രഞ്ജിത്തിനും പരിക്കുള്ളതായി പരാതിയുണ്ട്. കഴിഞ്ഞ ദിവസം രാത്രിയായിരുന്നു സംഭവം. കതക്, കസേര, ടി.വി, ഡിഷ് ആന്റിന റിസീവര്‍, മൊബൈല്‍ഫോണ്‍ തുടങ്ങിയവ അക്രമികള്‍ തകര്‍ത്തതായും പരാതിയുണ്ട്. വിതുര-ആര്യനാട് സ്വദേശികളായ നാലുപേര്‍ക്കെതിരെയാണ് പരാതി നല്‍കിയത്.