സന്ദര്‍ശകരായി എത്തുന്നവരോടൊത്ത് ഇക്കോ ടൂറിസം പ്രദേശത്ത് മദ്യപിക്കാന്‍ അവസരം ഒരുക്കുക, മറ്റ് സഹായങ്ങള്‍ ചെയ്തുകൊടുക്കുക എന്നീ കുറ്റങ്ങള്‍ക്കാണ് രണ്ട് പുരുഷജീവനക്കാരെ പുറത്താക്കിയത്. മങ്കയത്തെ കാളക്കയത്തില്‍ സന്ദര്‍ശകര്‍ മുങ്ങിമരിക്കുന്നതിനെപ്പറ്റിയും മങ്കയം വി.എസ്.എസില്‍ നടക്കുന്ന അഴിമതിയെപ്പറ്റിയും ജീവനക്കാരുടെ സ്വഭാവദൂഷ്യത്തെപ്പറ്റിയും 'മാതൃഭൂമി' കഴിഞ്ഞദിവസം വാര്‍ത്ത പ്രസിദ്ധീകരിച്ചിരുന്നു. ഇതിനെ തുടര്‍ന്നാണ് വനം വകുപ്പ് മങ്കയം ചെക്ക് പോസ്റ്റില്‍ പരിശോധന നടത്തിയത്.
കഴിഞ്ഞ കുറേവര്‍ഷങ്ങളായി പൊതു ഓഡിറ്റിങ് നടത്താതെയാണ് ചെക്ക്‌പോസ്റ്റും വി.എസ്.എസും പ്രവര്‍ത്തിച്ചുവരുന്നത്. വന്‍സാമ്പത്തിക ക്രമക്കേടാണ് ഇവിടെ നടന്നുവരുന്നത്. പിടിക്കപ്പെടുമെന്നുള്ള ഘട്ടത്തില്‍ ജോലി ഒഴിഞ്ഞു പോകുന്നവരും കൂട്ടത്തിലുണ്ട്. മങ്കയം ഇക്കോടൂറിസം പ്രദേശത്തിന്റെ സുരക്ഷ, നടത്തിപ്പ് എന്നിവയ്ക്ക് വേണ്ടിയിട്ടാണ് 2006 ല്‍ മങ്കയം വി.എസ്.എസ്. രൂപവത്കരിച്ചത്.