പാലോട്: ബുധനാഴ്ച വൈകുന്നേരം പെയ്ത വേനല്‍മഴയ്ക്കിടെ
ഉണ്ടായ ഇടിമിന്നലില്‍ പെരിങ്ങമ്മല പഞ്ചായത്തിലെ ഞാറനീലിയില്‍ ഏഴുപേര്‍ക്ക്
പരിക്കേറ്റു. ഞാറനീലി ഐശ്വര്യാ ഭവനില്‍ സതീഷ് (36), ഭാര്യ ജലജ (30),
മക്കളായ ആവണി (ഒമ്പത്), ഐശ്വര്യ (13), സുന്ദരന്റെ ഭാര്യ സിന്ധു, മക്കളായ
സുരഭി (14), സരിക (10) എന്നിവര്‍ക്കാണ് പരിക്ക്. ഇതില്‍ ജലജ, ആവണി,
ഐശ്വര്യ, സരിക എന്നിവര്‍ താലൂക്ക് ആശുപത്രിയിലും മറ്റുള്ളവര്‍ പാലോട് ഗവ.
ആശുപത്രിയിലും ചികിത്സയിലാണ്.
സുന്ദരന്റെ വീട് ഭാഗികമായി വിള്ളല്‍വീണു. രാത്രി ഏഴുമണിയോടെയാണ്
ഇടിമിന്നലുണ്ടായത്. ഞാറനീലി പ്രദേശത്ത് നിരവധി വീടുകളിലെ
വൈദ്യുതോപകരണങ്ങള്‍ മിന്നലില്‍ നശിച്ചു. ഞാറനീലി കാണി ഗവ. യു.പി.എസ്സിലെ
ഫാന്‍, സി.എഫ്. വിളക്കുകള്‍ എന്നിവയും തകരാറിലായി. പാണ്ടിക്കാറ്റില്‍
വീടുകളും കെട്ടിടങ്ങളും കാര്‍ഷികവിളകളും നശിച്ചതിന്റെ പിന്നാലെയാണ് ഞാറനീലി
പ്രദേശത്ത് മിന്നലും നാശം വിതച്ചത്.
