വിതുര/പാലോട്. എസ്എസ്എല്‍സി പരീക്ഷയില്‍ ഗ്രാമീണ സ്കൂളുകള്‍ക്കു തിളക്കമാര്‍ന്ന വിജയം. വിതുര ഗവ. ഹൈസ്കൂളില്‍ 86% പേര്‍ വിജയിച്ചു. മൂന്നു പേര്‍ക്ക് എല്ലാ വിഷയത്തിനും എ പ്ളസ് ലഭിച്ചു. എച്ച്. ഹസീന, പി.എസ്. ആര്യ, വി.എസ്. വിശാഖ് എന്നിവരാണ് എ പ്ളസ് നേടിയത്. വിതുര ആനപ്പാറ എച്ച്എസില്‍ 82 ശതമാനമാണു വിജയം. 64 പേര്‍ പരീക്ഷയെഴുതിയതില്‍ 61 പേര്‍ വിജയിച്ചു. നന്ദിയോട് എസ്കെവി എച്ച്എസില്‍ 88 ശതമാനം പേര്‍ വിജയിച്ചു.
എല്ലാ വിഷയത്തിനും മൂന്നു പേര്‍ക്ക് എ പ്ളസ് ലഭിച്ചു. ജി.എം. പാര്‍വതി, അന്‍സല്‍ന നവാസ്, മുഹമ്മദ് ഷാന്‍ എന്നിവര്‍ക്കാണ് എ പ്ളസ് ലഭിച്ചത്. നന്ദിയോട് പഞ്ചായത്തിലെ ഇളവട്ടം ബിആര്‍എം എച്ച്എസില്‍ 94% പേര്‍ വിജയിച്ചു. ഇവിട ബാല കവയിത്രി കൂടിയായ ആര്‍ദ്രാ രാജഗോപാല്‍ എല്ലാ വിഷയത്തിനും എ പ്ളസ് നേടി. പെരിങ്ങമ്മല പഞ്ചായത്തിലെ കുഗ്രാമമായ ഇടിഞ്ഞാര്‍ ഹൈസ്കൂളില്‍ 96.5% പേര്‍ വിജയിച്ചു തിളക്കമാര്‍ന്ന വിജയം നേടി.
ഇവിടെ പരീക്ഷയെഴുതിയ 28 പേരില്‍ 27 പേരും വിജയിച്ചു. പെരിങ്ങമ്മല പഞ്ചായത്തിലെ മടത്തറ കാണി എച്ച്എസില്‍ 98% പേര്‍ വിജയിച്ചു. 110 പേരില്‍ 108 പേരും വിജയിച്ചു. വി.ബി. ദേവിക, കല്പക് എസ്. ചന്ദ്രന്‍ എന്നിവര്‍ എല്ലാ വിഷയത്തിനും എ പ്ളസ് നേടി. പെരിങ്ങമ്മല ഇക്ബാല്‍ എച്ച്എസില്‍ 90% പേരും എന്‍എസ്എസ് ഹൈസ്കൂളില്‍ 64 പേരില്‍ 61 പേരും വിജയിച്ചു.