പാലോട്ട് പതിവായി വൈദ്യുതി മുടങ്ങുന്നു

പാലോട്. നന്ദിയോട്, പാലോട് മേഖലകളില്‍ ഇടവിട്ടുള്ള വൈദ്യുതി മുടക്കം മൂലം കച്ചവടക്കാരും ജനവും വലയുന്നു. കഴിഞ്ഞ ഏതാനും ദിവസങ്ങളായി രാത്രിയും പകലും ഇടവിട്ടുള്ള വൈദ്യുതി മുടക്കം തുടരുകയാണ്. പരീക്ഷകള്‍ നടക്കുന്ന ഈ സമയത്തെ വൈദ്യുതി മുടക്കം വിദ്യാര്‍ഥികളെയും വലയ്ക്കുന്നു. നേരിയ തോതില്‍ വേനല്‍ മഴ പെയ്തപ്പോഴാണ് ഈ അവസ്ഥ.  മഴയെങ്ങാനും കനത്താല്‍  സ്ഥിതി എന്താകുമെന്നാണു നാട്ടുകാര്‍ ചോദിക്കുന്നത്.