കല്ലറ: പാങ്ങോട് പോലീസ് സ്റ്റേഷനിലെ എസ്.ഐയെ മാറ്റാനുള്ള നീക്കത്തിനെതിരെ നാട്ടുകാര് രംഗത്ത്. രണ്ടുവര്ഷത്തിനിടയില് ഏഴ് എസ്.ഐമാരെയാണ് ഈ സ്റ്റേഷനില് നിന്നു മാറ്റിയത്. ഇപ്പോഴുള്ള എസ്.ഐയെ മാറ്റാനുള്ള നീക്കത്തിനെക്കുറിച്ച് 'മാതൃഭൂമി' കഴിഞ്ഞ ദിവസം വാര്ത്ത പ്രസിദ്ധീകരിച്ചിരുന്നു.
കല്ലറ- പാങ്ങോട് പഞ്ചായത്തുകളില് വിവിധ പ്രദേശങ്ങളില് എസ്.ഐ. മാറ്റുന്നതിനെതിരെ ബോര്ഡുകള് സ്ഥാപിച്ചിട്ടുണ്ട്. ബി.ജെ.പി. കല്ലറ പഞ്ചായത്തു കമ്മിറ്റിയും മുസ്ലിം ലീഗ് കല്ലറ പഞ്ചായത്ത്കമ്മിറ്റിയും ഇതിനെതിരെ ശക്തമായി രംഗത്തെത്തിയിട്ടുണ്ട്. കൂടാതെ സാമൂഹിക സാംസ്കാരിക പ്രവര്ത്തകര്, റസിഡന്റ്സ് അസോസിയേഷനുകള് എന്നിവയും ഈ നീക്കത്തിനെതിരെ പ്രതികരിച്ചിട്ടുണ്ട്.