പാലോട് വനം റെയിഞ്ചിന്റെ ആനപ്പാറ ഗാര്‍ഡ് സ്റ്റേഷന് മുന്നിലൂടെയാണ് ഓരോ മണല്‍ ജീപ്പും കടന്ന് പോകുന്നത്. ഈ ഭാഗത്തെ ക്ഷേത്രോത്സവ കമ്മിറ്റിക്കാര്‍ക്കൊക്കെ ഓരോ ജീപ്പുകാരും 500 രൂപ വച്ച് നല്‍കുന്നുണ്ട്. ഏതാനും ജീപ്പുകള്‍ മണലി ഇരുമ്പുപാലം വഴി കുണ്ടാളംകുഴി ഭാഗത്തേക്ക് പോകുമ്പോള്‍ ബാക്കിയുള്ളവ കടന്നുപോകുന്നത് വിതുര പോലീസ് സ്റ്റേഷന് സമീപത്തുകൂടെയാണ്.
രണ്ടോ മൂന്നോ പോലീസുകാര്‍ ചേര്‍ന്ന് എല്ലാദിവസവും ഇരുന്നൂറും മുന്നൂറും ചാക്ക് മണല്‍ ആറ്റില്‍ ഒഴുക്കുന്നെന്ന് പറയുന്നത് വിശ്വസനീയമല്ലെന്നും ആക്ഷേപമുണ്ട്. ചെറുകിട മണലൂറ്റുകാരുടെ ചാക്കുകള്‍ മാത്രമേ പോലീസ് പിടിക്കുന്നുള്ളൂവെന്നും പരാതിയുണ്ട്.