വിതുര: ചായം ഭദ്രകാളിക്ഷേത്രത്തിലെ പുനപ്രതിഷ്ഠാ വാര്‍ഷിക ഉല്‍സവത്തിന്റെ ഭാഗമായി പൊങ്കാല നാളെ രാവിലെ എട്ടിനു നടക്കും. ക്ഷേത്ര തന്ത്രി എന്‍. കേശവന്‍പോറ്റി, മേല്‍ശാന്തി എസ്. ശംഭുപോറ്റി, പ്രസിഡന്റ് കെ. സോമശേഖരന്‍നായര്‍, സെക്രട്ടറി എന്‍. ശശിധരന്‍നായര്‍, ട്രഷറര്‍ കെ.ജെ. ജയചന്ദ്രന്‍ എന്നിവര്‍ നേതൃത്വം നല്‍കും. പൊങ്കാലയിടുന്നവരുടെ യാത്രാസൌകര്യാഥം വിവിധ ഭാഗങ്ങളില്‍ നിന്നു സൌജന്യ ബസ് സര്‍വീസ് ഉണ്ടാകും. ഒാട്ടോറിക്ഷാ തൊഴിലാളികള്‍ പൊങ്കാല അര്‍പ്പിക്കാന്‍ എത്തുന്നവരെ ഇവിടെനിന്നു ക്ഷേത്രംവരെ സൌജന്യമായി എത്തിക്കും.
വൈകിട്ട് ഉരുളും താലപ്പൊലിയും. മറ്റന്നാള്‍ വൈകിട്ട് തേവിയോട്ട് നിന്നാരംഭിക്കുന്ന ഒാട്ടംപൂമാലഘോഷയാത്ര ബസ്സ്റ്റേഷന്‍, കെപിഎസ്എം, ചന്തമുക്ക്, ശിവക്ഷേത്ര ജംക്ഷന്‍, ഹൈസ്കൂള്‍ ജംക്ഷന്‍, കലുങ്ക്, കല്ലുവെട്ടാന്‍കുഴി, കൊപ്പം, മേലേകൊപ്പം, ചായം വഴി രാത്രി 11നു ക്ഷേത്രത്തില്‍ സമാപിക്കും. 12നു മാജിക്ഷോ, പുലര്‍ച്ചെ മൂന്നിനു പൂത്തിരിമേള.