പെരിങ്ങമ്മല ഗ്രാമപ്പഞ്ചായത്തിന്റെ കീഴിലുള്ള ഏകവിദ്യാലയമാണിത്. ഏതാനും വര്‍ഷങ്ങളായി കുട്ടികളുടെ എണ്ണത്തില്‍ ഗണ്യമായ കുറവാണ് തുടര്‍ന്നുവന്നത്. എന്നാല്‍ കഴിഞ്ഞ രണ്ടുവര്‍ഷമായി അഡ്മിഷന്‍ കൂടിവരുന്നതിനിടയിലാണ് അധ്യാപകരുടെ കൊഴിഞ്ഞുപോക്ക്.
ഗ്രാമപ്പഞ്ചായത്ത് സഹായങ്ങള്‍ വാരിക്കോരി നല്‍കുന്നുണ്ടെന്ന് അവകാശപ്പെടുമ്പോഴും അധ്യയനത്തില്‍ മികവ് പുലര്‍ത്താത്തതാണ് കുട്ടികള്‍ കുറയാന്‍ കാരണമെന്ന് ആക്ഷേപമുണ്ട്. പ്രവേശനോത്സവം, കുട്ടികള്‍ സ്‌കൂളില്‍ത്തന്നെ വിളയിച്ച വാഴക്കുല പഴുപ്പിച്ച് അതില്‍നിന്ന് മധുരം നല്‍കിയാണ് ആഘോഷിച്ചത്. വാര്‍ഡ് അംഗം എ. സന്തോഷ്‌കുമാര്‍ ആഘോഷപരിപാടികള്‍ ഉദ്ഘാടനം ചെയ്തു.