ഓശാനഞായര്‍ മുതല്‍ ആരംഭിച്ച വിശുദ്ധവാരവും ഈസ്റ്റര്‍ ദിനത്തില്‍ പൂര്‍ത്തിയാകും. ഈസ്റ്ററോടനുബന്ധിച്ച് ശനിയാഴ്ച രാത്രി മുതല്‍ ദേവാലയങ്ങളില്‍ പ്രത്യേക പ്രാര്‍ത്ഥനകള്‍ നടന്നു.
കല്ലറ പിളര്‍ന്ന് ക്രിസ്തു ഉയിര്‍ത്തതിന്റെ പ്രതീകമായി ഞായറാഴ്ച പുലര്‍ച്ചെ ദേവാലയങ്ങളില്‍ ഉയിര്‍പ്പിന്റെ പുനരാവിഷ്‌കാരം നടന്നു. തുടര്‍ന്ന് വി.കുര്‍ബ്ബാനയിലും ഉയിര്‍പ്പ് തിരുകര്‍മ്മങ്ങളിലും പ്രദക്ഷിണത്തിലും വിശ്വാസികള്‍ പങ്കുചേര്‍ന്നു. ഉത്ഥാനസന്ദേശവുമായി പ്രസംഗവും ദേവാലയങ്ങളില്‍ നടന്നു.
