പാലോട്: ആദിവാസി കുടുംബത്തില്‍പ്പെട്ട സഹോദരങ്ങളുടെ റബ്ബര്‍മരങ്ങള്‍ അക്രമികള്‍ വാളുപയോഗിച്ച് മുറിച്ചുതള്ളിയതായി പരാതി. മടത്തറ, ഒഴുകുപാറ, കലയപുരം സെറ്റില്‍മെന്റില്‍ ഉള്‍പ്പെട്ട പ്രതാപ്‌സിങ്, സഹോദരി ശ്രീലത, ദീപ എന്നിവരുടെ കുടുംബ ഓഹരിയില്‍പ്പെട്ട 25 റബ്ബര്‍ മരങ്ങളാണ് കഴിഞ്ഞദിവസം വെട്ടി നശിപ്പിച്ചത്. സംഭവം നടന്ന് ആഴ്ച ഒന്നു കഴിഞ്ഞിട്ടും പ്രതികളെ പോലീസ് പിടികൂടിയില്ലെന്നും രാഷ്ട്രീയ ഇടപെടലാണ് പ്രശ്‌നങ്ങള്‍ക്ക് കാരണമെന്നും ഇവര്‍ പത്രസമ്മേളനത്തില്‍ ആരോപിച്ചു.
നാലു വര്‍ഷം പ്രായമുള്ള റബ്ബര്‍ മരങ്ങളാണ് മുറിച്ചു മാറ്റിയത്. പ്രതാപ്‌സിങ് വിമുക്തഭടനാണ്. ഇദ്ദേഹത്തിന്റെ ഓഹരിയില്‍ നിന്ന് 11 മൂടും സഹോദരിയും സെക്രട്ടേറിയറ്റ് ജീവനക്കാരിയുമായ ദീപയുടെ വസ്തുവില്‍ നിന്ന് എട്ടുമൂടും ശ്രീലതയുടെ വസ്തുവില്‍ നിന്ന് ആറുമൂടും റബ്ബര്‍ മരങ്ങളാണ് മുറിച്ചുമാറ്റിയത്. സമൂഹവിരുദ്ധരായ ചിലര്‍ സംഭവദിവസം കൈവാളുകളുമായി സംഭവസ്ഥലത്ത് ഉണ്ടായിരുന്നു. ഇവരെ പ്രതിയാക്കി പാലോട് പോലീസിലും കുളത്തൂപ്പുഴ റേഞ്ച് ഓഫീസര്‍ക്കും പരാതി നല്‍കിയിരുന്നു. എന്നാല്‍ അന്വേഷണമോ, അറസ്റ്റോ ഉണ്ടായില്ലെന്നും ഇവര്‍ പറയുന്നു.
പത്രസമ്മേളനത്തില്‍ ആദിവാസി ക്ഷേമസമിതി സംസ്ഥാന സെക്രട്ടറി ബി. വിദ്യാധരന്‍ കാണി, പ്രതാപ് സിങ്, ശ്രീലത, ദീപ എന്നിവര്‍ പങ്കെടുത്തു.
Popular Posts
-
വിതുര: വെള്ളനാട് ബ്ലോക്ക് പഞ്ചായത്തിനു കീഴില് പ്രവര്ത്തിക്കുന്ന ചേന്നന്പാറ വികസന വിദ്യാകേന്ദ്രത്തില് തിരുവനന്തപുരം ജന്ശിക്ഷണ് സന്...
-
നന്ദിയോട്: ഗ്രാമീണ തൊഴിലുറപ്പിനൊപ്പം ആടുവളര്ത്തലില് നിന്നുള്ള അധികവരുമാനം കൂടിയാകുന്നതോടെ നന്ദിയോട്ട് സ്ത്രീകള് പുതിയ വിജയഗാഥയെഴുതുന്ന... -
പാലോട്: ബൈക്കും ജീപ്പും കൂട്ടിയിടിച്ച് മടത്തറ ശാസ്താംനട കുന്നുബംഗ്ലാവില് വീട്ടില് അനില് (50) മരിച്ചു. അനില് ഓടിച്ചിരുന്ന ബൈക്കിന്റെ പ... -
പാലോട്. രാജ്യം കാക്കുന്നതിനിടെ കാര്ഗിലില് അപകടത്തില്പ്പെട്ട് അകാലത്തില് പൊലിഞ്ഞ ധീരജവാന് അരുണി(29)ന്റെ സംസ്കാര ചടങ്ങുകള് ചോഴി... -
പെരിങ്ങമ്മല നടന്ന വാഹനാപകടത്തിന്റെ ദൃശ്യം ചിത്രത്തിനു കടപ്പാട്: ഷാന് കൊച്ചുവിള
:: കാണേണ്ടവ
