വിതുര കൊപ്പം അജിതാഭവനില്‍ അനുപമയ്ക്ക് അച്ഛനില്ല. അമ്മ രോഗിയാണ്. ജോലിചെയ്ത് പഠിക്കാന്‍ പണം കണ്ടെത്തുകയാണ് ചേച്ചി അരുണിമ. ഈ ചുറ്റുപാടിലായിരുന്നു മെയ് 15ന് ഇടിത്തീപോല കുത്തിവെയ്പ് സൂചി കണ്ണില്‍ തറച്ച് കാഴ്ച ഭാഗികമായി നഷ്ടപ്പെട്ടത്. സൂചി ഇടതുകണ്ണിന്റെ കോര്‍ണിയ കീറി ലെന്‍സ് പൊത്ത് റെറ്റിനയില്‍ കുത്തിനിന്നതായി 'പ്രിസൈസി'ല്‍ നടത്തിയ പരിശോധനയില്‍ കണ്ടെത്തി. ശസ്ത്രക്രിയകളിലൂടെയാണ് ഇത് പരിഹരിച്ചത്. ഡോ. ജയറാം, ഡോ. കിരണ്‍ എന്നിവരും ശസ്ത്രക്രിയയില്‍ പങ്കാളികളായി.
മൂന്നാഴ്ചത്തെ വിശ്രമത്തിനുശേഷം അനുപമയ്ക്ക് തൈയ്ക്കാട് ആശുപത്രിയില്‍ പഠിക്കാന്‍ പോയിത്തുടങ്ങാം. പഠനം പൂര്‍ത്തിയാക്കി ജോലിയില്‍ പ്രവേശിച്ച് അമ്മയുടെ ചികിത്സ നടത്തണമെന്നാണ് അനുപമയുടെ ആഗ്രഹം. ഇടതുകണ്ണിന്റെ കാഴ്ച മറഞ്ഞുതുടങ്ങിയിരുന്ന ഈ പെണ്‍കുട്ടിക്ക് ഇപ്പോള്‍ ജീവിതം പ്രകാശപൂര്‍ണമാണ്.