എല്ലാവരോടും നാട്ടുകാര്‍ വിഷയം ഉന്നയിച്ചു. പക്ഷേ, ആര്‍ക്കും ഇതൊന്നു പൂര്‍ത്തിയാക്കണമെന്നു താല്‍പര്യം തോന്നിയില്ല. അടിസ്ഥാന സൌകര്യങ്ങള്‍ പോലുമില്ലാതെ ചോരുന്നകൂരയില്‍ വീടെന്ന സ്വപ്നം കണ്ട് അന്തിയുറങ്ങുന്ന പട്ടികജാതി പട്ടികവര്‍ഗ കോളനികളിലടക്കമുള്ള നൂറുകണക്കിനു ജനസമൂഹം ഉള്ളപ്പോഴാണു സര്‍ക്കാര്‍ ഫണ്ടുപയോഗിച്ചുള്ള ഇത്തരത്തിലുള്ള നിര്‍മാണങ്ങള്‍ നാടുനീളെ അഴിമതിയുടെ സ്മാരകങ്ങളായി കിടക്കുന്നത്. ഇവിടെ ഇപ്പോള്‍ ബസുകള്‍ വന്നുപോകുന്നതൊഴിച്ചാല്‍ യാത്രക്കാരാരും വരാറില്ല. പകല്‍ സമയത്തുപോലും ഇതിനുള്ളില്‍ ചീട്ടുകളി നടക്കുന്നതായി നാട്ടുകാര്‍ പറയുന്നു. രാത്രി കാലങ്ങളില്‍ പറയുകയും വേണ്ട... ഫലത്തില്‍ സര്‍ക്കാര്‍ ചെലവില്‍ സാമൂഹിക വിരുദ്ധര്‍ക്കു സുഖവാസ കേന്ദ്രമാണ് ഇവിടം.