വെള്ളയിലും വയലറ്റിലും തുടങ്ങി പലനിറങ്ങളില്‍ നമ്മള്‍ ഓര്‍ക്കിഡൊത്തിരി കണ്ടിട്ടുണ്ട്. പക്ഷേ ടൈഗര്‍ ഓര്‍ക്കിഡുകൂടി കണ്ടാലേ ഓര്‍ക്കിഡ് വംശത്തിലെ മുഴുവന്‍ കാഴ്ചയും പൂര്‍ണമാകൂ. കടുവക്കുട്ടികളുടെ കൊച്ചുകൂട്ടംപോലെ.
മലേഷ്യയിലെയും തായ്ലന്‍ഡിലെയും മുഖ്യസൌന്ദര്യ പുഷ്പമാണ് ടൈഗര്‍ ഓര്‍ക്കിഡ്. ഒന്നിടവിട്ട വര്‍ഷം ജൂണ്‍, ജൂലൈ മാസങ്ങളില്‍ പൂക്കുമെങ്കിലും ആ പൂക്കാലം ഒരുകാഴ്ചതന്നെയാണ്. ഒരുപ്ളാന്റില്‍ ഇരുന്നൂറിലേറെ പുഷ്പങ്ങള്‍, വിരിയാനിരിക്കുന്നതും ചേര്‍ത്താല്‍ നാനൂറിലേറെ. മഴ തലോടുമ്പോള്‍ മന്ദഹസിക്കുകയാണ് ടൈഗര്‍ ഓര്‍ക്കിഡെന്ന സുന്ദരിപുഷ്പം. കാഴ്ചകാണാന്‍ ദൂരദിക്കില്‍ നിന്നുപോലും ആളുകളെത്തുന്നുണ്ട്.