എന്നാല്‍ ഇതൊക്കെ വെട്ടിത്തെളിച്ച് ഇത്തരം തൈകള്‍ നട്ടപ്പോള്‍ പ്രദേശത്തെ വന്യമൃഗശല്യം രൂക്ഷമായി. വിഷപാമ്പുകളടക്കം നാട്ടിലിറങ്ങി ഭീതിപരത്തുന്നു. കൃഷിക്കാര്‍ക്കു കുരങ്ങ്, പന്നി അടക്കമുള്ളവയെക്കൊണ്ടു ജീവിക്കാന്‍ വയ്യാത്ത അവസ്ഥയായി. ത്വക്ക് രോഗങ്ങളും ശ്വാസംമുട്ടലും വ്യാപകമായി. നീരുറവകളും കിണറുകളും വറ്റി. കാന്‍സര്‍ രോഗം വ്യാപകമായതിനു പിന്നില്‍ ഒരു കാരണം ഇതാണോ എന്നും നാട്ടുകാര്‍ സംശയിക്കുന്നു.
പ്ളാന്റേഷന്‍ ഒഴിവാക്കി ഈ മേഖലയില്‍ സ്വാഭാവിക മരങ്ങളും ഔഷധ സസ്യങ്ങളും വച്ചുപിടിപ്പിക്കാന്‍ നടപടി സ്വീകരിക്കണമെന്നാവശ്യപ്പെട്ടു പാണ്ടിയാന്‍പാറ ഗ്രീന്‍വാലി റസിഡന്റ്സ് അസോസിയേഷന്‍ സമര രംഗത്ത് വന്നിട്ടുണ്ട്. വരുംദിവസങ്ങളില്‍ സമരം ശക്തമാക്കുമെന്നു ഭാരവാഹികള്‍ അറിയിച്ചു.