ആനപ്പാറ സ്കൂളിലെ ഹൈസ്കൂള് വിഭാഗത്തില് മൂന്ന് അധ്യാപകരില് ഒരാള്ക്ക് പ്രഥമാധ്യാപകന്റെ ജോലികൂടി ചെയ്യണം. ഫലത്തില് ക്ലാസിലെത്താന് കഴിയുന്നത് രണ്ടുപേര്ക്ക്. ആദിവാസി മേഖലയിലെ തലത്തൂതക്കാവ് എല്.പി.സ്കൂളില് ആകെയുള്ളത് പ്രഥമാധ്യാപകന് മാത്രം. സ്കൂള് ആവശ്യങ്ങള്ക്ക് അദ്ദേഹം പുറത്തുപോകുമ്പോള് സ്കൂള് നിയന്ത്രിക്കാന് ആരും ഉണ്ടാകില്ല. മേത്തൊട്ടി സ്കൂളിലും സ്ഥിതി ഇതുതന്നെ. വലിയവേങ്കാട് വി.വി. ദായിനി സ്കൂളില് കഴിഞ്ഞവര്ഷത്തെ താല്ക്കാലിക അധ്യാപകര് ശമ്പളം വാങ്ങാതെ ഇത്തവണയും ജോലിചെയ്യുന്നു.
സര്ക്കാര് സ്കൂളുകളുടെ ദയനീയസ്ഥിതി രക്ഷിതാക്കള്ക്ക് വലിയ ആശങ്കയ്ക്ക് കാരണമായിരിക്കുകയാണ്.